រាជធានីភ្នំពេញ ៖ កាលពីថ្ងៃទី ១០ ខែកញ្ញា ឆ្នាំ ២០២៤ កន្លងមកនេះ សាលារៀនវ៉េស្ទឡាញន៍ និងសាលារៀនណត្សឡាញន៍គ្រប់បានរៀបចំពិធីបើកបវេសនកាល…
រាជធានីភ្នំពេញ ៖ កាលពីថ្ងៃទី ១០ ខែកញ្ញា ឆ្នាំ ២០២៤ កន្លងមកនេះ សាលារៀនវ៉េស្ទឡាញន៍ និងសាលារៀនណត្សឡាញន៍គ្រប់បានរៀបចំពិធីបើកបវេសនកាល ឆ្នាំសិក្សាថ្មី ២០២៤-២០២៥ សម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ទី ១២ និងបន្តទទួលចុះឈ្មោះសិស្សចូលរៀនរៀងរាល់ថ្ងៃ រួមជាអត្ថប្រយោជន៍ដទៃទៀត ។
ជាការអបអរបវេសនកាលឆ្នាំសិក្សាថ្មីនេះ សាលារៀននឹងផ្តល់ជូនអាហារូបករណ៍រហូតដល់ ២០% លើតម្លៃសិក្សា ការធានារ៉ាប់រងគ្រោះថ្នាក់បុត្រធីតា និងការការពារការសិក្សារហូតដល់៥ឆ្នាំ។ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ឬតេឡេក្រាម @wegcustomerservice ។
សាលារៀនចាប់ដំណើរការនៅឆ្នាំ ២០០៨ និងទទួលស្គាល់ដោយក្រសួងអប់រំ យុវជន និងកីឡា ព្រមទាំងអនុវត្តតាមកម្មវិធីសិក្សាគោលរបស់ក្រសួង ។ លើសពីនេះ សាលាបានបញ្ចូលក្នុងកម្មវិធីសិក្សាអមថ្មីៗ និងស្របនឹងជំនាញសតវត្សរ៍ទី ២១ ដូចជា ៖ កម្មវិធីទម្លាប់ល្អទាំង៧ សម្រាប់បុគ្គលឆ្មើម កម្មវិធីបណ្តុះបណ្តាលចំណេះដឹងផ្នែកហិរញ្ញវត្ថុ សេដ្ឋកិច្ច និងសហគ្រិនភាព និងកម្មវិធីបំណិនកុំព្យូទ័រ បច្ចេកវិទ្យា និងឌីជីថល ដើម្បីជួយឱ្យសិស្សទទួលបានចំណេះដឹងថ្មីៗពាក់ព័ន្ធនឹងបំណិនបច្ចេកវិទ្យា និងហិរញ្ញវត្ថុ ព្រមទាំងមានជំនាញមួយពិតប្រាកដនៅពេលបញ្ចប់ការសិក្សា ។ លើសពីនេះ កម្មវិធីសិក្សាអមក៏ផ្តោតសំខាន់លើការអភិវឌ្ឍបុគ្គលលក្ខណៈ ការប្រាស្រ័យទាក់ទង បំណិន ជីវិត វប្បធម៌ចម្រុះ ដើម្បីប្រាកដប្រជាថាសិស្សអាចសម្របសម្រួលខ្លួនរស់នៅប្រកបអាជីវកម្ម និងបំពេញការងារក្នុងមជ្ឈដ្ឋានប្រទេសកម្ពុជា និងអន្តរជាតិ ។
ទន្ទឹមនឹងនេះ សាលារៀនបានបន្ថែមបច្ចេកវិទ្យាអប់រំ រៀន និងបង្រៀនតាមប្រព័ន្ធអនឡាញដូចជា៖ សង្កប្បៈ ( Sangapac) សម្រាប់សិស្សថ្នាក់ទី១ ដល់ទី៤, E-school សម្រាប់សិស្សថ្នាក់ទី ៩ ដល់ទី ១២ និងDesdopi សម្រាប់សិស្សថ្នាក់ទី៧ ដល់ទី១២ ។
សាលារៀនក៏បានបន្ថែមកីឡាបាល់ទាត់ ហែលទឹក តៃក្វាន់ដូ វាយកូនឃ្លីលើតុ តន្ត្រី គំនូរ សិល្បៈ ដំណើរទស្សនកិច្ចសិក្សាក្នុង និងក្រៅប្រទេស ការសិក្សាពីការអភិវឌ្ឍសហគមន៍ និងការងារស្មគ្រចិត្ត កម្មវិធីបំណិនជីវិត(មូលដ្ឋានកសិកម្ម និងគេហកិច្ច) ក្លឹបប្រកួតប្រជែងសមត្ថភាពជាតិ សេវាតាមដានសុខភាព និងប្រឹក្សាយោបល់សុខភាពផ្លូវចិត្ត បណ្ណាល័យ បន្ទប់ពិសោធន៍ បន្ទប់សិក្សាកុំព្យូទ័រ និងបច្ចេកវិទ្យាឌីជីថល ។
សូមជម្រាបថា សាលារៀនវ៉េស្ទឡាញន៍ និងសាលារៀនណត្សឡាញន៍ គឺជាបណ្តាញគ្រឹះស្ថានអប់រំ របស់វេសឡាញ អេឌ្យូខេសិន គ្រុប ដែលបានបង្កើតឡើងក្នុងឆ្នាំ២០០៨ រហូតមកដល់ពេលបច្ចុប្បន្ននេះ មានសាខាចំនួន១៥ ក្នុងរាជធានីភ្នំពេញ ខេត្តបាត់ដំបង ខេត្តកណ្តាល និងកំពង់ស្ពឺ ព្រមទាំងមានសិស្សសរុប ១៥ ០០០នាក់ ។ ចំពោះទីតាំងសាលារៀនវ៉េស្ទឡាញន៍មាន៖ សាខាសន្ធរម៉ុក សាខាទួលទំពូង សាខាច្បារអំពៅ សាខាទួលស្វាយព្រៃ សាខាទួលសង្កែ សាខាភ្នំពេញថ្មី សាខាដូនពេញ សាខាចំការដូង សាខាព្រែកលៀប សាខាបាត់ដំបង សាខាតាខ្មៅ សាខាក្រុងច្បារមន សាខាឈូកមាស និងសាលារៀនណត្សឡាញន៍ សាខាស្ទឹងមានជ័យ និងសាខាចំការដូង ៕ អត្ថបទសហការ
ចែករំលែកព័តមាននេះ