រាជធានីភ្នំពេញ ៖ ព្រឹត្តិការណ៍ប្រកួតបាល់ទាត់ ពានរង្វាន់ Soccer League លើកទី ៧ ជាព្រឹត្តិការណ៍ដែលកម្រ ចូលរួមដោយថ្នាក់ដឹកនាំប្រទេសដូចជា…
រាជធានីភ្នំពេញ ៖ ព្រឹត្តិការណ៍ប្រកួតបាល់ទាត់ ពានរង្វាន់ Soccer League លើកទី ៧ ជាព្រឹត្តិការណ៍ដែលកម្រ ចូលរួមដោយថ្នាក់ដឹកនាំប្រទេសដូចជា ឯកឧត្តម ហ៊ុន ម៉ានី, ឯកឧត្តមអភិសន្តិបណ្ឌិត ស សុខា, ឯកឧត្តមបណ្ឌិតសភាចារ្យ ហង់ជួន ណារ៉ុន, ឯកឧត្តម ឃួង ស្រេង ឯកឧត្តម ឧត្តមសេនីយ៍ឯក ឌី វិជ្ជា នៅមានថ្នាក់ដឹកនាំជាច្រើនទៀត ព្រមទាំងវត្តមានអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស ។
ការបើកការប្រកួតជាផ្លូវការ ធ្វើឡើងនៅថ្ងៃទី ០៩ ខែឧសភា ឆ្នាំ ២០២៤ ដោយមានការប្រកួតមិត្តភាពសប្បុរសធម៌ ក្រោលមូលបទ «បេះដូងអ្នកកីឡា ដើម្បីកុមារកម្ពុជា» រវាងក្រុម ស.ស.យ.ក អលស្តារ និងក្រុមផ្ការីកគ្រប់រដូវ របស់លោកពាក់មី ។ នៅក្នុងកម្មវិធីប្រកួតហ្នឹងដែរ ក៏មានការចូលរួមឧបត្ថម្ភជួយជ្រោមជ្រែងពីក្រុមហ៊ុន ខ្មែរ ប៊ែវើរីជីស មកលើកម្មវិធី Soccer League រយ:ពេល ៥ ឆ្នាំ ដែលនេះមិនមែនជាលើកទី ១ ទេ គឺជាឆ្នាំទី ២ ហើយ ។
បន្ថែមពីលើហ្នឹង ខ្មែរ ប៊ែវើរីជីស ក៏បានឧបត្ថម្ភបន្ថែមជាទឹកប្រាក់ចំនួន 5 ម៉ឺនដុល្លារបន្ថែមទៀត សម្រាប់កុមារកំព្រារកម្ពុជា ព្រមទាំងចែក ទឹកពិសាកម្ពុជា ដោយឥតគិតថ្លៃ ដល់អ្នកចូលរួមទស្សនាផ្ទាល់ក្នុងថ្ងៃប្រកួតផងដែរ ។ ដើម្បីជាកាដូតបស្នងទៅកាន់អ្នកដែលមកទិញសំបុត្រចូលទស្សនា រាល់ចុងសន្លឹកនៃសំបុត្រ ក្រុមហ៊ុន ខ្មែរ ប៊ែវើរីជីស បានយកមកចាប់រង្វាន់ នៅចុងកម្មវិធី ដើម្បីផ្តល់ង្វាន់ម៉ូតូ Honda Dream 2024 ចំនួន ២ គ្រឿង ហើយក៏បានប្រកាសឈ្មោះអ្នកឈ្នះរង្វាន់ភ្លាមៗ យកម៉ូតូទៅផ្ទះនៅថ្ងៃប្រកួត។
គួបញ្ជាក់ផងដែរថា ក្រុមហ៊ុន ខ្មែរ ប៊ែវើរីជីស តែងតែចូលរួម និងគាំទ្រយ៉ាងពេញទំហឹងចំពោះស្មារតី «ខ្មែរ ជួយ ខ្មែរ» ព្រមទាំងជាអ្នកឧបត្ថម្ភលើវិស័យកីឡាកម្ពុជាធំបង្អស់មួយ ដែលហ៊ានចំណាយក្នុងមួយឆ្នាំៗ ខ្ទង់លានដុល្លារ លើការអភិវឌ្ឍវិស័យកីឡានៅកម្ពុជា ស្ទើរតែគ្រប់កីឡារួមមានទាំងបាល់ទាត់ បាល់ទះ និងប្រដាល់គុនខ្មែរ ធ្វើយ៉ាងណាបណ្តុះកីឡាករជំនាន់ក្រោយ និងចម្រាញ់ឱ្យមានធនធានកីឡាករខ្មែរល្បីៗកាន់តែច្រើនឡើង ៕ អត្ថបទសហការ
ចែករំលែកព័តមាននេះ