រាជធានីភ្នំពេញ ៖ ធនាគារ ប្រ៊ីដ ដែលជាគ្រឹះស្ថានហិរញ្ញវត្ថុប្រកបដោយគុណភាព បានបន្តបោះជំហានទៅមុខឥតឈប់ឈរ ។ ថ្មីៗនេះធនាគារ ប្រ៊ីដ បានពង្រីកបណ្តាញរបស់ខ្លួននៅសាខាថ្មី ១ ទៀតដែលមានទីតាំងស្ថិតនៅ អូឡាំពិក រាជធានីភ្នំពេញ ។ ការបោះជំហាននេះ គឺជាការបង្ហាញពីការប្តេជ្ញារបស់ធនាគារក្នុងការផ្តល់ជូនសេវាហិរញ្ញវត្ថុដ៏សម្បូរបែបជូនដល់អតិថិជនទាំង រូបវន្តបុគ្កល និងអាជីវកម្ម ។ នេះបើតាមសេចក្ដីប្រកាសព័ត៌មានរបស់ធនាគារ ប្រ៊ីដ នៅថ្ងៃទី ១០ មិថុនា ២០២៤ ។
ជាមួយនឹងភាពទំនើបកម្ម រចនាឡើងយ៉ាងផ្ចិតផ្ចង់ ដែលឆ្លុះបញ្ចាំងពីការប្តេជ្ញាចិត្ត និងការយកចិត្តទុកដាក់របស់ធនាគារចំពោះការផ្តល់សេវាកម្មដ៏ទំនើប និងសម្បូរបែបទៅដល់អតិថិជន ឱ្យកាន់តែប្រសើរដើម្បីតម្រូវទៅតាមអតិថិជនរបស់យើង ។ ដោយផ្តល់ជូននូវការប្រឹក្សាពីការគ្រប់គ្រងហិរញ្ញវត្ថុផ្ទាល់ខ្លួន ទៅជាជម្រើសសេវាធនាគារឌីជីថលយ៉ាងងាយស្រួលនិងមានទំនុកចិត្ត ។
សាខាថ្មី សាខាអូឡាំពិក មានការរចនាបែបទំនើប និងរួមបញ្ចូលបច្ចេកវិទ្យាទំនើប, សេវាកម្មអតិថិជនកាន់តែប្រសើរឡើង និងផលិតផលធនាគារជាច្រើនប្រភេទដែលតម្រូវតាមតម្រូវការរបស់អតិថិជនជាទីគោរពរបស់យើង ។ ចាប់ផ្ដើមពីការធ្វើដំណោះស្រាយគ្រប់គ្រងហិរញ្ញវត្ថុផ្ទាល់ខ្លួនទៅជាជម្រើសធនាគារឌីជីថលដ៏ងាយស្រួល ធនាគារ ប្រ៊ីដ មានគោលបំណងផ្តល់នូវបទពិសោធន៍សេវាកម្មធនាគារ ប្រកបដោយភាពងាយស្រួល និងរលូនទៅដល់អតិថិជនក្នុងរាជធានីភ្នំពេញ ។
លោក Richard Liew នាយកប្រតិបត្តិនៃធនាគារ ប្រ៊ីដ បានសម្តែងការសាទរចំពោះការពង្រីកទីតាំងនេះ ដោយមានប្រសាសន៍ថា “យើងមានសេចក្តីរំភើបរីករាយជាខ្លាំងក្នុងការពង្រីកសាខាថ្មីរបស់យើងនៅក្នុងទីក្រុងភ្នំពេញស្ថិតនៅសាខាអូឡាំពិក ។ ការប្តេជ្ញាចិត្តដែលមិនផ្លាស់ប្តូរឆ្ពោះទៅរកឧត្តមភាពនៃសេវាធនាគារ និងសេវាអតិថិជនប្រកបដោយភាពងាយស្រួល ។ យើងជឿជាក់ថា សាខាថ្មីមួយនេះនឹងក្លាយជាចំណុចមួយក្នុងការបម្រើជូនសេវាហិរញ្ញវត្ថុក្នុងរាជធានីភ្នំពេញ” ។
ដើម្បីអបអរសាទរការបើកដំណើរកាសាខាអូឡាំពិក ធនាគារ ប្រ៊ីដ នឹងមានការផ្តល់ជូននូវប្រូម៉ូសិនដ៏ពិសេស និងកាដូជាច្រើនសម្រាប់អតិថិជនថ្មីដែលទៅបើកគណនីនៅទីនោះ រួមទាំងការផ្តល់ជូនពិសេសសម្រាប់ការបើកគណនីប្រាក់បញ្ញើមានកាលកំណត់ជាមួយនឹងឱកាសឈ្នះសំបុត្រយន្តហោះទៅមកក្នុងប្រទេសអាស៊ាន ឬទទួលបានទឹកប្រាក់ត្រលប់រហូតដល់ ៦០០ ដុល្លារ ជាមួយនឹងអត្រាការប្រាក់ខ្ពស់រហូតដល់ ៧.៥០% ជាប្រាក់រៀល និង ៦.៥០% ជាប្រាក់ដុល្លារ ។
គួរបញ្ជាក់ថា ធនាគារ ប្រ៊ីដ បានត្រៀមខ្លួនរួចជាស្រេច ក្នុងផ្តល់សេវាកម្មធនាគារទៅដល់អតិថិជន ដែលសេវាកម្មទាំងនោះរួមមាន៖ សេវាឥណទាន សេវាប្រាក់បញ្ញើ និងសេវាធនាគារផ្សេងៗជាច្រើនទៀត ។ អតិថិជនទាំងអស់អាចមកកាន់សាខាថ្មីរបស់ ធនាគារ ប្រ៊ីដ សាខាអូឡាំពិក ដែលមានទីតាំងនៅផ្ទះលេខ ២៧៣/២៧៥/២៧៧ មហាវិថីព្រះសីហនុ, ផ្លូវលេខ ២៧៤, សង្កាត់វាលវង់, ខណ្ឌ ៧ មករា, រាជធានីភ្នំពេញ ដើម្បីទទួលបានបទពិសោធន៍ធនាគារថ្មីដែលសមស្របទៅនឹងតម្រូវការអតិថិជន។ សម្រាប់ព័ត៌មានបន្ថែមអំពីសេវាកម្ម និងផលិតផលដែលផ្តល់ជូនដោយធនាគារ ប្រ៊ីដ សូមចូលទៅកាន់គេហទំព័រ ៖ www.bridgebank.com.kh ឬទាក់ទងផ្នែកសេវាកម្មអតិថិជនរបស់យើងតាមរយៈលេខ ០៩៨ ២០២ ៩៩៩ ។
ធនាគារ ប្រ៊ីដ ផ្តល់នូវផលិតផល និងសេវាកម្មធនាគារយ៉ាងទូលំទូលាយ ដូចជាសេវាកម្មឥណទាន ឥណទានគេហដ្ឋាន ឥណទានយានយន្ត ឥណទានផ្ទាល់ខ្លួន ឥណទានអាជីវកម្ម សេវាដាក់ប្រាក់បញ្ញើ ព្រមទាំង សេវាបើកប្រាក់បៀវត្សរ៍ និងសេវាផ្ទេរប្រាក់ ។ ចក្ខុវិស័យ និងបេសកកម្មរបស់ធនាគារ ប្រ៊ីដ គឺ “ក្លាយជាដៃគូហិរញ្ញវត្ថុដែលអ្នកពេញចិត្តបំផុតនៅថ្ងៃនេះ និងថ្ងៃអនាគត” និង “ផ្តល់សេវាកម្មហិរញ្ញវត្ថុដែលអ្នកអាចជឿទុកចិត្តបាន តាមរយៈស្តង់ដារសេវាកម្មសកល ធ្វើឱ្យការប្រើប្រាស់សេវាធនាគារមានភាពងាយស្រួល និងសុវត្ថិភាព” ៕ អត្ថបទសហការ
ចែករំលែកព័តមាននេះ