រាជធានីភ្នំពេញ ៖ និយាយពីការសិក្សា ការលើកទឹកចិត្ត គឺជារឿងសំខាន់បំផុត ។ កុមារតូចៗមានការយកចិត្តទុកដាក់រៀនសូត្រក្នុងរយៈពេលខ្លី ខណៈពេលដែលក្មេងជំទង់ចូលចិត្តពន្យារពេល និងត្រូវបានរំខានដោយបរិយាកាសជុំវិញខ្លួន ។…
រាជធានីភ្នំពេញ ៖ និយាយពីការសិក្សា ការលើកទឹកចិត្ត គឺជារឿងសំខាន់បំផុត ។ កុមារតូចៗមានការយកចិត្តទុកដាក់រៀនសូត្រក្នុងរយៈពេលខ្លី ខណៈពេលដែលក្មេងជំទង់ចូលចិត្តពន្យារពេល និងត្រូវបានរំខានដោយបរិយាកាសជុំវិញខ្លួន ។ ឪពុកម្តាយមួយចំនួនមិនបានដឹងថា កូនៗរបស់ពួកគេកំពុងប្រឹងរៀនសូត្រ ឬរញ៉េរញ៉ៃនៅលើប្រព័ន្ធផ្សព្វផ្សាយសង្គមនោះទេ ។ ដូច្នេះ តើឪពុកម្តាយអាចធ្វើអ្វីបានខ្លះ ដើម្បីផ្តល់កម្លាំងចិត្តដល់កូនៗ ហើយមិនប៉ះពាល់ដល់ទំនុកចិត្តរបស់ពួកគេ ? ចំណុចសំខាន់មួយ គឺអ្នកត្រូវយល់ពីភាពខុសគ្នារវាងការលើកទឹកចិត្តខាងក្នុង (អ្វីដែលកូនរបស់អ្នកពិតជាងប់ងល់) និងការលើកទឹកចិត្តខាងក្រៅ (រង្វាន់ដែលកើតចេញពីបុគ្គលម្នាក់ៗ) ។ ការធ្វើដូច្នេះ អ្នកអាចជួយពួកគេឱ្យរកឃើញនូវភាពរីករាយពិតប្រាកដសម្រាប់ការរៀនសូត្រ ជាជាងការមើលឃើញថា វាជាកិច្ចការដែលពួកគេត្រូវធ្វើដើម្បីបំពេញការរំពឹងទុករបស់អ្នកដទៃ ។
១. ជួយកូនឱ្យរកឃើញការលើកទឹកចិត្តរបស់ពួកគេ ៖ ដើម្បីជំរុញទឹកចិត្តក្មេងឱ្យពិតប្រាកដ យើងត្រូវលើកទឹកចិត្តខាងក្នុងរបស់ពួកគេ ពោលគឺជារឿងដែលពួកគេនឹងជ្រើសរើសធ្វើដោយខ្លួនឯង ទោះជាគ្មានអ្នកណាដឹង ឬប្រាប់ពួកគេក៏ដោយ ។ ឧទាហរណ៍ ប្រសិនបើកូនចូលចិត្តកីឡាបាល់ទាត់ នោះការលេងប្រកួតប្រជែង គឺជាការលើកទឹកចិត្តសម្រាប់ពួកគេ ។ ដូច្នេះតើអ្នកធ្វើបែបនេះដោយរបៀបណាចំពោះការសិក្សា ? ប្រសិនបើការសម្តែង គឺជាអ្វីដែលគេចូលចិត្ត សុំឱ្យពួកគេបង្កើតបទបង្ហាញ ឬនិយាយអំពីអ្វីដែលពួកគេបានរៀននៅសាលាប្រាប់អ្នក ឬប្រសិនបើកូនចូលចិត្តធ្វើអ្វីខុសប្លែក ពួកគេអាចបង្រៀនមេរៀនអ្វីមួយដល់នរណាម្នាក់ ឬជួយអ្នកផ្សេង ។ កុមារដែលរួសរាយនិយាយច្រើនគួរសិក្សាជាក្រុមជាមួយក្មេងដទៃ ដោយធ្វើឱ្យប្រាកដថា ពួកគេត្រូវបានលើកទឹកចិត្តដោយការប្រកួតប្រជែង និងប្រឹងរក្សាចំណាត់ថ្នាក់ល្អ ។
២. ព្យាយាមមិនត្រួតពិនិត្យច្រើនពេក ៖ កុំឧហ្សាហ៍ទៅមាត់ទ្វារបន្ទប់កូន មើលកូន ឬសួរពួកគេថា ត្រូវការអ្នកជួយទេ កូនរៀនដល់ណាហើយ ។ល។ ពេលខ្លះ វាធ្វើឱ្យពួកគេគិតថា អ្នកមិនមានជំនឿលើសមត្ថភាពរបស់ពួកគេ ។ នេះអាចជះឥទ្ធិពលអវិជ្ជមានដល់ទំនុកចិត្តលើខ្លួនឯង ហើយដូច្នេះសមត្ថភាពរបស់ពួកគេក្នុងការបំពេញភារកិច្ចក៏ធ្លាក់ចុះដែរ ។
៣. លើកទឹកចិត្តលើទំនាក់ទំនង ៖ ត្រូវប្រាកដ និងធ្វើឱ្យកូនរបស់អ្នកដឹងថា ពួកគេអាចនិយាយជាមួយអ្នកបាន ប្រសិនបើពួកគេមានបញ្ហា ។ សូមផ្តល់ភាពកក់ក្តៅ និងនៅជាមួយកូនជានិច្ច ។
៤. ប្រយ័ត្ននឹងភាពឥតខ្ចោះ ៖ មនុស្សល្អឥតខ្ចោះ មានការភ័យខ្លាចការបរាជ័យខ្លាំងបំផុត ។ មនុស្សល្អឥតខ្ចោះធ្វើឱ្យមានការថប់បារម្ភ វាក៏មានន័យថា ប្រសិនបើពួកគេមិនជឿជាក់លើសមត្ថភាពរបស់ពួកគេ ពួកគេនឹងមិនខិតខំប្រឹងប្រែងនោះទេ ព្រោះប្រសិនបើពួកគេបរាជ័យ ពួកគេមិនអាចផ្តល់ក្តីសុខឱ្យខ្លួនឯង ដែលនោះគឺមិនមែនជាការព្យាយាមឱ្យអស់ពីសមត្ថភាពរបស់ពួកគេឡើយ ។ ពួកគេក៏ចៀសវាងសកម្មភាព ឬមុខវិជ្ជាណាដែលពួកគេគិតថា ខ្លួនឯងមិនពូកែដែរ ។ ផ្ទុយស្រឡះ អ្នកជួយកូនដោយអនុញ្ញាតឱ្យកូនរបស់អ្នកដឹងថា អ្នកនឹងនៅតែស្រឡាញ់ពួកគេ ទោះបីជាពួកគេបរាជ័យ ។ ត្រូវប្រាកដថា ពួកគេដឹងពីគុណសម្បត្តិទាំងអស់ដែលអ្នកស្រឡាញ់ពួកគេ ដែលមិនអាចវាស់វែងបានដូចជា ភាពសប្បុរស ភាពក្លាហាន និងកំប្លែង ។
៥. គំរូអាកប្បកិរិយាល្អ ដែលអ្នកចង់ឃើញលើកូនរបស់អ្នក ៖ យុវជនរៀនសូត្រច្រើនដោយមិនដឹងខ្លួន អំពីពិភពលោកជុំវិញខ្លួនជាជាងពួកគេធ្វើតាមអ្វីដែលអ្នកប្រាប់ពួកគេ ។ ដូច្នេះ បើចង់ឱ្យកូនមានអាកប្បកិរិយាល្អ ប្រឹងប្រែងរៀនសូត្រ អ្នកគួរធ្វើជាគម្រូដ៏ល្អឱ្យកូនបានឃើញ ៕ ប្រភព ៖ bbc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ ការបើកដំណើរការ ៤ សាខា ថ្មីបន្ថែមទៀត សាលារៀនវ៉េស្ទឡាញន៍ សាខាតាខ្មៅ សាខាក្រុងច្បារមន (ខេត្តកំពង់ស្ពឺ) សាខាឈូកមាស និងសាលារៀនណត្សឡាញន៍ សាខាចំការដូង ។ សាលារៀនចាប់ទទួលចុះឈ្មោះកូនៗលោកអ្នករៀងរាល់ថ្ងៃ និងផ្តល់ជូនការសិក្សាសម្រាប់គ្រួសារ, អាហារូបករណ៍រហូតដល់ ៣០% លើតម្លៃសិក្សា, សិក្សាថ្នាក់បំប៉នដោយឥតគិតថ្លៃ, ធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូននេះសម្រាប់ការចុះឈ្មោះចូលរៀនត្រឹមថ្ងៃទី ៣០/០៦/២០២៤ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ