ADផ្ទាំងផ្សព្វផ្សាយពាណិជ្ជកម្ម

បណ្តាញ​សាលារៀន​វ៉េ​ស្ទ​ឡាញ​ន៍ តម្រង់​ទិសមូលដ្ឋាន​គ្រឹះ​ជំនាញ​បច្ចេកទេស ​ដល់​សិស្សវិទ្យាល័យ ជា​ប្រយោជន៍​បំ​ណិ​ន​ជីវិត និង​កសាងមូលដ្ឋាន​សេដ្ឋកិច្ច​គ្រួសារ

4 អាទិត្យ មុន

រាជធានីភ្នំពេញ ៖ សិស្ស​វិទ្យាល័យ​នៃ​បណ្តាញ​សាលារៀន​វ៉េ​ស្ទ​ឡាញ​ន៍ ចាប់ផ្តើម​ទទួល​បានការ​តម្រង់​ទិស និង​បង្ហាត់បង្ហាញ​ពី​មូលដ្ឋាន​គ្រឹះ នៃ​ការងារ​បច្ចេកទេស​គេហកិច្ច មាន​ដូច​ជា កា​រត​បណ្តាញទឹក ជាងឈើ ការ​ដាំ​ដុះ…

រាជធានីភ្នំពេញ ៖ សិស្ស​វិទ្យាល័យ​នៃ​បណ្តាញ​សាលារៀន​វ៉េ​ស្ទ​ឡាញ​ន៍ ចាប់ផ្តើម​ទទួល​បានការ​តម្រង់​ទិស និង​បង្ហាត់បង្ហាញ​ពី​មូលដ្ឋាន​គ្រឹះ នៃ​ការងារ​បច្ចេកទេស​គេហកិច្ច មាន​ដូច​ជា កា​រត​បណ្តាញទឹក ជាងឈើ ការ​ដាំ​ដុះ ការ​រចនា​ដោយ​កុំព្យូទ័រ និង​ការ​រៀន​ធ្វើ​ម្ហូប ដែល​វា​ជា​បំ​ណិ​ន​ជីវិត សម្រាប់​សិស្ស​ក្នុង​ការ​បន្ត​ការ​សិក្សា​ជំនាញ​បច្ចេកទេស​វិជ្ជាជីវៈ ក៏​ដូច​ជា​ការ​កសាង​មូលដ្ឋាន​សេដ្ឋកិច្ច​គ្រួសារ ​។

លោក​ឧកញ៉ា ប៉ិច បូ​ឡែ​ន អគ្គនាយក​បណ្តាញ​គ្រឹះស្ថាន​អប់រំ វេស​ឡាញ អេ​ឌ្យូ​ខេ​សិន គ្រុប មាន​ប្រសាសន៍​ថា បំ​ណិ​ន​ជីវិត ជា​ជំនាញ​គេហកិច្ច​ដែល​សិស្សានុសិស្ស​គួរ​ចេះ ព្រោះថា​ជំនាញ​បច្ចេកទេស​បែប​នេះ​អាច​ជួយ​ឱ្យ​សិស្ស​ចេះ​កែ​ច្នៃ សន្សំ​សំចៃ ដើម្បី​ជួយ​សេដ្ឋកិច្ច​គ្រួសារ ក៏​ដូច​ជា​ចូលរួម​ចំណែក​ជាមួយ​រាជរដ្ឋាភិបាល​ក្នុង​ការ​បណ្តុះបណ្តាល​ជំនាញ​វិជ្ជាជីវៈ​ដល់​យុវជន​ផង​ដែរ​ ។

ក្រៅ​តែ​ពី​ផ្តោត​ទៅ​លើ​ជំនាញ​ខាងលើ សាលារៀន​ក៏​មាន​គម្រោង​បន្ថែម​មុខ​វិជ្ជា មូលដ្ឋាន​គ្រឹះ​បដិសណ្ឋារកិច្ច ដើម្បី​ឱ្យ​សិស្សានុសិស្ស​នៃ​បណ្តាញ​សាលារៀន​វ៉េ​ស្ទ​ឡាញ​ន៍ យល់​ដឹង​និង​រៀបចំ​ឥរិយាបថ ទំនាក់ទំនង​ក្នុង​សង្គម ពិធីការ សេវា​អតិថិជន ការងារ​រដ្ឋបាល​ស​ណ្ឋ​គារ​និង​ភោជនីយដ្ឋាន រៀបចំ​កន្លែង​ស្នាក់​នៅ និង​ចេះ​រៀបចំ​ម្ហូបអាហារ​ជាដើម ​។

សូម​បញ្ជាក់​ដែរ​ថា ការ​តម្រង់​ទិស និង​បង្ហាត់បង្ហាញ​ពី​មូលដ្ឋាន​គ្រឹះ នៃ​ការងារ​បច្ចេកទេស​គេហកិច្ច ទៅ​ដល់​សិស្ស​វិទ្យាល័យ នៃ​បណ្តាញ​សាលារៀន​វ៉េ​ស្ទ​ឡាញ​ន៍ ក៏​ស្រប​ទៅ​នឹង​គោលនយោបាយ​ថ្នាក់​ជាតិ​របស់​រាជរដ្ឋាភិបាល ដែល​ចង់​ឃើញ​យុវជន​ម្នាក់​មាន​ជំនាញ​មួយ​យ៉ាងតិច​ប្រចាំជីវិត ដែល​មាន​ភាព​ម្ចាស់​ការ មានគុណ​ភាព និង​ផលិតភាព​ខ្ពស់​សម្រាប់​ផ្គត់ផ្គង់ និង​ឆ្លើយ​តប​បាន​តាម​តម្រូវការ​ទីផ្សារ​ប្រកបដោយ​ចីរភាព ភាព​ធន់ និង​បរិ​យា​បន្ន​ ៕ អត្ថបទសហការ