ល្បិចពិសេសបង្រៀនកូនមិនឱ្យបោកប្រាស់ !
រាជធានីភ្នំពេញ ៖ កុមារភាគច្រើននៅអាយុ ៥ ទៅ ៨ ឆ្នាំ ចាប់ផ្តើមនិយាយកុហក និងបោកប្រាស់ពីពេលមួយទៅពេលមួយ ដោយសារពួកគេគិតថា…
រាជធានីភ្នំពេញ ៖ កុមារភាគច្រើននៅអាយុ ៥ ទៅ ៨ ឆ្នាំ ចាប់ផ្តើមនិយាយកុហក និងបោកប្រាស់ពីពេលមួយទៅពេលមួយ ដោយសារពួកគេគិតថា វាសំខាន់ក្នុងការឈ្នះ ជាជាងការរីករាយជាមួយហ្គេម ។ នៅអាយុ ៥ ឆ្នាំ កូនរបស់អ្នកបានដឹងថា ការលេងហ្គេមភាគច្រើន គឺដើម្បីឈ្នះ ហើយវាធ្វើឱ្យពួកគេមានអារម្មណ៍ថា មានថាមពលដើម្បីធ្វើដូច្នេះ ។ ទាំងអស់គ្នាចង់ឱ្យកូនទទួលបានជោគជ័យ ប៉ុន្តែមិនមែនមានន័យថា ដោយប្រើប្រាស់ការបោកប្រាស់នោះទេ ។
ដើម្បីកុំឱ្យកូនរបស់អ្នកបំពានច្បាប់ សូមសាកល្បងគន្លឹះទាំងនេះ ៖
១. ចង្អុលបង្ហាញការយល់ចិត្តរបស់ពួកគេ ។ នៅអាយុ ៥ ឆ្នាំ កុមារចាប់ផ្តើមអភិវឌ្ឍសមត្ថភាព ដើម្បីយល់ពីអារម្មណ៍អ្នកដទៃ គិតថាអ្នកដទៃកំពុងមានអារម្មណ៍បែបណា ។ ដូច្នេះសូមពន្យល់កូនរបស់អ្នកបន្ថែមថា នៅពេលដែលគេមិនអនុវត្តតាមច្បាប់ អ្នកលេងផ្សេងទៀតមានអារម្មណ៍មិនល្អ ។ សូមរំលឹកគេថា ប្រសិនបើអ្នករាល់គ្នាចាញ់បោក ការលេងនឹងមិនសប្បាយចិត្តទាល់តែសោះ ។
២. សូមបញ្ជាក់ឱ្យច្បាស់ថា ការបោកប្រាស់លុបចោលការឈ្នះ ។ ប្រសិនបើកូនរបស់អ្នកផ្លាស់ប្តូរវិធីក្រឡុកគ្រាប់ឡុកឡាក់ នៅពេលអ្នកកំពុងលេងជាមួយគេ ឧទាហរណ៍ ពន្យល់ថាគេប្រហែលជាទទួលបានពិន្ទុច្រើនជាងគេ ប៉ុន្តគេមិនឈ្នះទេ ពីព្រោះគេមិនអនុវត្តតាមច្បាប់ ។
៣. សូមបញ្ជាក់ប្រាប់កូនអ្នកថា ភាពសប្បាយរីករាយស្ថិតនៅក្នុងការលេង មិនមែននៅក្នុងការឈ្នះនោះទេ ។ មធ្យោបាយងាយស្រួលបំផុតដើម្បីជំរុញចំណុចនេះនៅផ្ទះ គឺបង្រៀនដោយឧទាហរណ៍ ៖ ប្រសិនបើអ្នកចាញ់ សូមកុំសោកស្ដាយចំពោះការពិតដែលអ្នកចាញ់ ។ ផ្ទុយទៅវិញ ចូរនិយាយថា អ្នកសប្បាយរីករាយ ដែលមានពេលវេលាដ៏អស្ចារ្យលេងជាមួយកូនរបស់អ្នក ។ ហើយក្នុងអំឡុងពេលប្រកួត កុំនិយាយពាក្យដូចជា ខ្ញុំសង្ឃឹមថា ខ្ញុំឈ្នះ ឬ អូ ទេ ខ្ញុំចាញ់ហើយ ។ ជំនួសឱ្យការគិតអំពីលទ្ធផល ចូរផ្តោតលើអ្វីដែលអ្នក និងកូនរបស់អ្នកកំពុងធ្វើក្នុងពេលបច្ចុប្បន្ន ។ ឃ្លាដូចជា កូនដើរបានល្អ កូនឆ្លាតវៃណាស់ ឬ ពិតជាសំណាងណាស់ ! វាអាចជួយកុមារឱ្យចូលរួមក្នុងការសប្បាយនាពេលនេះ ។
៤. ស្វែងរកវិធីដើម្បីជួយកូនរបស់អ្នកឱ្យមានអារម្មណ៍ថា ពួកគេមានសមត្ថភាពនៅក្នុងផ្នែកផ្សេងទៀតនៃជីវិតរបស់ពួកគេ ។ ជាឧទាហរណ៍ សូមសរសើរសមត្ថភាពរបស់គេក្នុងការជិះកង់ ឬសរសើរជំនាញដែលកំពុងរីកចម្រើនរបស់គាត់ជាមួយនឹងការគូរគំនូរ ។ ជាទូទៅ ពួកគេកាន់តែមានទំនុកចិត្ត ពួកគេនឹងមានអារម្មណ៍ថា ពួកគេត្រូវការឈ្នះតិច និងមិនបោកប្រាស់ ដើម្បីបង្កើតការគោរពខ្លួនឯង ។
៥. បើអ្នកចាប់បានថា កូនអ្នកបោក កុំប្រតិកម្មខ្លាំងពេក ហើយកុំហៅកូនថា បោក ។ ស្ងប់ស្ងាត់ តែឱ្យគេដឹងថា អ្វីដែលគេកំពុងធ្វើ គឺមិនយុត្តិធម៌ ហើយគេត្រូវតែធ្វើតាមច្បាប់នៃការប្រកួត ។ អ្នកចង់ឱ្យកូនអភិវឌ្ឍមនសិការ កុំគិតថា គេជាមនុស្សអាក្រក់ ៕ ប្រភព ៖ babycenter
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមេសា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់បុត្រធីតា និងការការពារសិក្សារហូតដល់ ៥ ឆ្នាំ ។ លើពីនេះសាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ