រាជធានីភ្នំពេញ៖ កាលពី​រសៀល​ថ្ងៃ​ទី​១៩ ខែវិច្ឆិកា ឆ្នាំ​2023 ក្រុមហ៊ុន​ផលិត​ស្មា​ត​ហ្វូ​ន OPPO ពិតជា​មាន​សេចក្តី​សោមនស្ស និង​រំភើប​យ៉ាង​ក្រៃ​លៃ ដែល​បាន​រៀបចំ​កិច្ចសហការ​គ្នា ​ជាមួយនឹង​ក្រុមហ៊ុន Great Wall Motor (GWM Cambodia) ដែល​នឹង​ផ្តល់​ជូន​នូវ​បទ​ពិសោធន៍​គួរ​ឱ្យ​ចង​ចាំ​តាម​រយៈ​ការ​រៀបចំ​កម្មវិធី​ ពិសេស​មួយ​សម្រាប់​អតិថិជន OPPO Find N3 Series និង GWM Tank 300 ដែល​កម្មវិធី​នេះ​ធ្វើ​ឡើង​នៅ Showroom GWM Cambodia ។

រថយន្ត GWM Tank 300 ជា​ប្រភេទ​រថយន្ត Off-Road និង On-Road SUV លំដាប់​ខ្ពស់ ដែល​មក​ជាមួយនឹង​ការ​រចនា​បែប Luxury យ៉ាង​លេចធ្លោ បង្ហាញ​នូវ​ឧត្តមភាព និង​អំណាច​នៅ​លើ​ដងផ្លូវ ព្រមទាំង​ផ្តល់​ជូន​ឱ្យអតិថិជន​នូវ​សុ​វិ​ត្ថភាព បទ​ពិសោធ​ន៍ថ្មី ការ​ច្នៃប្រឌិត​ខ្ពស់ បច្ចេកវិទ្យា​ទំនើប​ៗ​ចុង​ក្រោយបង្អស់ ​ជាមួយនឹង​កម្លាំង​ម៉ាស៊ីន​ដ៏​ខ្លាំង ប្រព័ន្ធ​បូម​កម្រិត​ខ្ពស់ និង​ជា​ជម្រើស​ដ៏​ល្អ​ឥត​ខ្ចោះ​ សម្រាប់​ប្រជាន​ជន​កម្ពុជា ​ដែល​កំពុង​ស្វែងរក​រថយន្ត​ ដែល​មានគុណ​ភាព​ខ្ពស់ និង​អាច​ទុកចិត្ត​បាន ​។

OPPO Find N3 បទ​ពិសោធ​ន៍អេ​ក្រង់​បត់​អស្ចារ្យ​ជាងគេ បំពាក់​ជាមួយ​ប្រព័ន្ធ​កាមេរ៉ា​កំពូល 3 គ្រាប់​ដែល​សហការ​ផលិត​ ជាមួយ​ក្រុមហ៊ុន​កាមេរ៉ា​ដ៏​ល្បី Hasselblad ​។ រចនាបថ​ប្រណីត​ប្លែក​ពី​គេ​ ទាំង​ពេល​បត់​ចូល និង​បើក​ចេញ​សុទ្ធតែ​ផ្តល់​នូវ​ផាសុកភាព​ខ្ពស់​បំផុត ​សម្រាប់​ការ​ប្រើប្រាស់​ ជាមួយ​កម្រាស់​ដ៏​ស្តើង និង​ទម្ងន់​ស្រាល​បំផុត​នៃ​ទូរស័ព្ទ​បត់ ព្រមទាំង​ផ្តល់​នូវ​ផលិតភាព​ការងារ​កាន់តែ​ស្រួល កាន់តែ​ប្រសើរ​ ជាមួយ​ទម្រង់​ប្រើ​បែប​កុំព្យូទ័រ​យួរដៃ​ ជាមួយ​មុខងារ FlexForm Mode​ ។ រឹតតែ​ពិសេស​វា​ជា​ស្មា​ត​ហ្វូ​ន​អេ​ក្រង់​បត់ ​តែ​មួយ​គត់ ​ដែល​សាក​លឿន​ជាងគេ និង​ប្រើ​បាន​យូរ​ជាងគេ​ជាមួយ​បច្ចេកវិទ្យា​សាក​ថ្ម​លឿន 67W SUPERVOOC និង​មាន​ថាមពល​ថ្ម​ធំ 4805mAh ។

OPPO Find N3 Flip ស្មា​ត​ហ្វូ​ន​អធិរាជ​អេ​ក្រង់​បត់​ ដែល​ស័​ក្កិ​សម​បំផុត​សម្រាប់​មិត្ត​ៗ​នារី ក្នុង​ការ​បង្កើន​សមត្ថភាព​ស្មា​ត​ហ្វូ​ន​បត់​បាន​ឱ្យកាន់តែ​ប្រសើរ​ ដោយ​នាំ​មក​ជាមួយ​នូវ​ប្រព័ន្ធ​កាមេរ៉ា​ថ្នាក់​កំពូល 3 គ្រាប់​ដែល​សហការ​ផលិត​ដោយ Hasselblad ​។ អេ​ក្រង់​បញ្ឈរ​ខាងក្រៅ​ដ៏​វៃឆ្លាត ដែល​ផ្តល់​នូវ​បទ​ពិសោធ​បើក​បិទ​ ប្រកបដោយ​ភាព​ត្រឹមត្រូវ ព្រមទាំង​ជា​ស្មា​ត​ហ្វូ​ន​ខ្នាត​តូច ​ដែល​សាក​លឿន និង​កាន់​ថ្ម​បាន​យូរ​ជាងគេ ​។

គួរ​បញ្ជាក់​ថា OPPO Find N3 Series ទាំង​ពីរ​ម៉ូ​ដែល​បាន​ផ្តល់​ជូន​លោក​អ្នក​នូវ​បទ​ពិសោធ​ន៍ក្នុង​ការ​បត់​ដ៏​ល្អ​បំផុត ដោយ​បំពាក់​នូវ​គន្លាក់​បត់​ជំនាន់​ទី​3 ដ៏​រឹង​មាំ​តាម​ស្តង់ដា TÜV Rheinland ដោយ​អាច​បត់​រហូត​ដល់ 1 លាន​ដងដោយ​គ្មាន​បញ្ហា​ ៕ អត្ថបទសហការ