ADផ្ទាំងផ្សព្វផ្សាយពាណិជ្ជកម្ម

សំអាងការ ប៉ារ៉ាឌី រៀបចំពិធីអបអរសាទរ គម្រប់ខួប ៩ ឆ្នាំ និងការដាក់តាំងបង្ហាញឈុតសម្លៀកបំពាក់ អាពាហ៍ពិពាហ៍ យ៉ាងឱឡារិកនៅផ្សារជីបម៉ុង២៧១

1 ឆ្នាំ មុន

០១ ខែ តុលា ឆ្នាំ ២០២៣ ម៉ោង ១១:០២

រាជធានីភ្នំពេញ ៖ សំអាងការ ប៉ារ៉ាឌីបានប្រកាសរៀបចំកម្មវិធីអបអរសាទរគម្រប់ខួប៩ឆ្នាំ និងការដាក់តាំងបង្ហាញនូវឈុតសម្លៀកបំពាក់បែបប្រពៃណី និងបែបសម័យនៃសំអាងការរបស់ខ្លួន នៅជាន់ផ្ទាល់ដី នៃផ្សារទំនើប ជីប ម៉ុង ២៧១ មេហ្គាមល រាជធានីភ្នំពេញ កាលពីថ្ងៃទី៣០ ខែកញ្ញា ឆ្នាំ២០២៣ និងមានការចាប់អារម្មណ៍យ៉ាងខ្លាំង ពីអតិថិជនរបស់ផ្សារ ជីបម៉ុង ផងដែរ ។

លោកស្រី ឌី ម៉ាឡែន នាយិកានិងស្ថាបនិក នៃសំអាងការ ប៉ារ៉ាឌី បានមានប្រសាសន៍ថា ក្នុងការប្រលូកក្នុងវិស័យសំអាងការ អស់រយៈពេល ៩ ឆ្នាំមកនេះ សំអាងការប៉ារ៉ាឌី បានទទួលការស្ងើចសរសើរ ពីការផលិតឈុតសម្លៀកបំពាក់បុរាណ យ៉ាងល្អប្រណីតជូនអតិថិជន ក៏ដូចជាទទួលបានការពេញចិត្ត និងទំនុកចិត្តយ៉ាងខ្លាំងពីកូនកំលោះនិងកូនក្រមុំ ។ យើងមានមោទនភាពយ៉ាងក្រៃលែង និងបានលើកយកការបង្ហាញ ដ៏ពិសេសនៃឈុតបុរាណខ្មែរ គឺឈុតព្រះថោងនាងនាគ យកមកបង្ហាញជូនដល់ភ្ញៀវកិត្តិយសបានទស្សនា ក្នុងថ្ងៃគម្រប់ខួប ៩ ឆ្នាំ នៃសំអាងការប៉ារ៉ាឌី ។

លោកស្រីបន្តថា៖ «មូលហេតុនៃការបង្ហាញឈុតព្រះថោងនាងនាគនេះដែរ គឺនាងខ្ញុំចង់បង្ហាញពីអត្ថន័យដ៏ជ្រាលជ្រៅបំផុត នៃការបង្កើតគ្រួសារ ដែលពោរពេញដោយសុភមង្គល ស្នាមញញឹម និងក្តីស្រឡាញ់បរិសុទ្ធរវាងគូរស្វាមីភរិយា» ។

សំអាងការ ប៉ារ៉ាឌី បានរៀបចំកម្មវិធីរយៈពេល ២ថ្ងៃ ចាប់ពីថ្ងៃទី ៣០ ខែកញ្ញា រហូតដល់ថ្ងៃទី ១ ខែតុលា ឆ្នាំ២០២៣ ដែលនៅក្នុងថ្ងៃទី២ នឹងមានការដាក់តាំងបង្ហាញឈុតសម្លៀកបំពាក់ អាពាហ៍ពិពាហ៍ ដ៏ស្រស់ស្អាតជាច្រើនជាមួយនឹងការបញ្ចុះតម្លៃពិសេសរហូតដល់ ៩.៩ ភាគរយ ជូនអតិថិជនដែលបានចូលរួមទស្សនា និងមានបំណងចង់កក់កញ្ចប់សេវាកម្មផងដែរ ។