រាជធានីភ្នំពេញ៖ ក្រោយមានការគាំទ្រយ៉ាងខ្លាំង ពីសំណាក់ប្រជាជនកម្ពុជា គ្រប់ស្រទាប់វណ្ណៈ ពេល ធ្យូបកាហ្វេ កាន់តែមិនធ្វើឱ្យប្រជាជនខកបំណង ដោយបានសម្ពោធសាខាថ្មីមួយទៀត នៅមាត់ទន្លេ ដែលនេះជាទីតាំងងាយស្រួល…
រាជធានីភ្នំពេញ៖ ក្រោយមានការគាំទ្រយ៉ាងខ្លាំង ពីសំណាក់ប្រជាជនកម្ពុជា គ្រប់ស្រទាប់វណ្ណៈ ពេល ធ្យូបកាហ្វេ កាន់តែមិនធ្វើឱ្យប្រជាជនខកបំណង ដោយបានសម្ពោធសាខាថ្មីមួយទៀត នៅមាត់ទន្លេ ដែលនេះជាទីតាំងងាយស្រួល សម្រាប់បងប្អូន ក៏ដូចជាអតិថិជន ដែលបានធ្វើដំណើរកម្សាន្តមាត់ទន្លេ ឬអតិថិជន ដែលត្រូវការបរិយាកាសមាត់ទន្លេ អាចអញ្ជើញមកហាង ធ្យូបកាហ្វេ បានចាប់ពីថ្ងៃនេះតទៅ ។
នៅក្នុងថ្ងៃសម្ពោធ ធ្យូប កាហ្វេ សាខាមាត់ទន្លេ នាថ្ងៃទី១៧ ខែកញ្ញា ឆ្នាំ២០២៣ កញ្ញា ស៊ូ មុន្នីពេជ្រ អគ្គនាយិកាក្រុមហ៊ុន ធ្យូបកាហ្វេ ឯ.ក (Tube Café Co., LTD.) បានឱ្យដឹងថា៖ «រយៈពេល ៦ ឆ្នាំ ហើយដែល ធ្យូបកាហ្វេ បានដំណើរការ ហើយសាខាមាត់ទន្លេ ដែលបានសម្ពោធក្នុងថ្ងៃនេះ គឺជាសាខាទី៣៤ ហើយ ។ ក្រុមហ៊ុនក៏បានការដំណើរការហាង ធ្យូបកាហ្វេ នៅតាមបណ្តាខេត្តផងដែរ ដោយបច្ចុប្បន្ន យើងមាននៅខេត្តបាត់ដំបង នៅលើផ្លូវល្បឿនលឿន(កំពង់សោម) និងយើងមានគម្រោងបើកនៅចុងឆ្នាំនេះនៅខេត្តព្រះសីហនុផងដែរ» ។
កញ្ញា ស៊ូ មុន្នីពេជ្រ បន្តថា មូលហេតុដែលធ្វើឱ្យ ធ្យូបកាហ្វេ មានការគាំទ្រខ្លាំង ក៏ដូចជាបានពង្រីកខ្លួនយ៉ាងឆាប់រហ័ស ក៏ព្រោះក្រុមហ៊ុន តែងតែប្រកាន់ខ្ជាប់នូវ គោលការណ៍ ៣ នោះគឺ៖ ទី១ រហ័ស មានន័យថាទាំងសេវាកម្មនិងផលិតផល គឺមិនធ្វើអោយអតិថិជនរងចាំយូរនោះទេ ។ ទី២ តម្លៃសមរម្យ នោះគឺតម្លៃចាប់ពី ២.៣៩ ដុល្លារ ឬ ១០០០០រៀល និងទី៣ គុណភាពខ្ពស់ គុណភាពខ្ពស់នេះកត្តាមួយ ដែលសំខាន់ជាងគេ ដែលធ្វើឱ្យអតិថិជន គាំទ្រ ធ្យូបកាហ្វេ កាន់តែច្រើនឡើងៗ ។
បន្ថែមពីនេះ កញ្ញា ស៊ូ មុន្នីពេជ្រ និយាយថា៖ «ទីតាំងមាត់ទន្លេនេះ ជាទីតាំងដែលមានសក្តានុពលបំផុត ជាទីប្រជុំជន និងមានបរិយាកាសល្អនៃខ្យល់មាត់ទន្លេ ដែលមនុស្សគ្រប់គ្នាតែងតែមកកម្សាន្ត ឬហាត់ប្រាណទាំងពេលព្រឹក ពេលថ្ងៃ ជាពិសេសគឺពេលល្ងាច អញ្ចឹងប្រជាជនអាចសំរាក និងពិសារកាហ្វេ ឬភេសជ្ជៈផ្សេងៗ ដែលយើងមាន នៅក្នុងហាង ធ្យូបកាហ្វេ បាន ។ មិនត្រឹមតែប៉ុណ្ណោះ អតិថិជននឹងទទួលបានបទពិសោធន៍ថ្មី នៃភាពសប្បាយរីករាយ ជាមួយបរិយាកាសនៃការរៀបចំយ៉ាងស្អាតនៅក្នុងហាង បូកជាមួយទិដ្ឋភាពនៃមាត់ទន្លេទៀតនោះ នឹងធ្វើឱ្យអារម្មណ៍អតិថិជនមានភាពស្រស់ស្រាយ» ។
ជាមួយគ្នានេះផងដែរ លោក ថូ វែងហេង និង លោកស្រី ប៊ូ ស៊ូរ៉ានី ដែលជាម្ចាស់ហាង ធ្យូប កាហ្វេ សាខាមាត់ទន្លេ បានសម្តែងនូវចំណាប់អារម្មណ៍ដូចនេះថា លោកនិងភរិយា ពិតជាមានក្តីសប្បាយរីករាយជាខ្លាំង ដែលមានភ្ញៀវកិត្តិយសយ៉ាងច្រើន ជាពិសេសយុវវ័យមកឈរតម្រង់ជួរ តាំងពីព្រលឹម ដើម្បីគាំទ្ រក៏ដូចជាការទទួលកាដូរអនុស្សាវរីយ៍ ពីហាងក្នុងថ្ងៃនេះ ។ ពួកយើងសូមអរគុណដល់អតិថិជនទាំងអស់ដែលតែងតែគាំទ្រ ក្រុមហ៊ុន ធ្យូបកាហ្វេ ។
ធ្យូបកាហ្វេ មាត់ទន្លេ ចាប់បើកពីថ្ងៃនេះតទៅ ចាប់ពីម៉ោង ៦: ៣០ នាទីព្រឹក រហូតដល់ម៉ោង ១១យប់ ។ សូមស្វែងរករសជាតិ ដែលអ្នកពេញចិត្ត នៅ ធ្យូបកាហ្វេ មាត់ទន្លេ និងគ្រប់សាខាទាំងអស់ ក្នុងរាជធានីភ្នំពេញនិងខេត្ត ។
គួររំលឹកផងដែរថា ក្រុមហ៊ុន ធ្យូបកាហ្វេ ឯ.ក គឺជាប្រ៊េនរបស់ខ្មែរ ដែលត្រូវមានបង្កើតឡើងដោយកូនខ្មែរផ្ទាល់ ដោយមានសហស្ថាបនិកខ្មែរ ៣រូប ៕ អត្ថបទសហការ
ចែករំលែកព័តមាននេះ