ខេត្តកំពង់ធំ៖ រណសិរ្ស ២ធ្នូ ឆ្នាំ១៩៧៨ មិនត្រឹមតែសង្គ្រោះយើងទាំងអស់គ្នា ឲ្យចាកផុតពីគ្រោះមហន្តរាយ នៃរបបប្រល័យពូជសាសន៍ប៉ុណ្ណោះទេ ប៉ុន្តែបានរួមចំណែកយ៉ាងធំធេងជាមួយរដ្ឋាភិបាល និងគណបក្សប្រជាជនកម្ពុជា ក្នុងការស្តារ…
ខេត្តកំពង់ធំ៖ រណសិរ្ស ២ធ្នូ ឆ្នាំ១៩៧៨ មិនត្រឹមតែសង្គ្រោះយើងទាំងអស់គ្នា ឲ្យចាកផុតពីគ្រោះមហន្តរាយ នៃរបបប្រល័យពូជសាសន៍ប៉ុណ្ណោះទេ ប៉ុន្តែបានរួមចំណែកយ៉ាងធំធេងជាមួយរដ្ឋាភិបាល និងគណបក្សប្រជាជនកម្ពុជា ក្នុងការស្តារ កសាង និងអភិវឌ្ឍន៍សង្គមជាតិនៅគ្រប់ដំណាក់កាល ធ្វើឲ្យមាតុភូមិកម្ពុជា ប្រែមុខមាត់ថ្មី ជាបន្តបន្ទាប់ ។
នេះជាការបញ្ជាក់របស់ ឯកឧត្តម បណ្ឌិត ជា ចាន់តូ សមាជិកក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជាខេត្ត ក្នុងឱកាសដែលឯកឧត្ដម អញ្ជើញជាអធិបតីភាពដ៏ខ្ពង់ខ្ពស់ ក្នុងអង្គមិទ្ទីញមហាជន អបអរសាទរខួបអនុស្សាវរីយ៍ លើកទី៤៤ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (២ធ្នូ ១៩៧៨-២ធ្នូ ២០២២) នៅខេត្តកំពង់ធំ ដែលបានប្រារព្វធ្វើនៅថ្ងៃទី១ ខែធ្នូ ឆ្នាំ២០២២ ក្នុងនោះក៏មានតំណាងមហាជននិងតំណាងមកពីគ្រប់វិស័យជិត ២ ពាន់ នាក់បានចូលរួមផងដែរ ។
នៅឱកាសនោះឯកឧត្តមបណ្ឌិត មានប្រសាសន៍លើកឡើងថា ÷ ថ្ងៃទី០២ ខែធ្នូ ឆ្នាំ២០២២នេះ គឺជាថ្ងៃគម្រប់ខួបលើកទី៤៤ (២ធ្នូ ១៩៧៨-២ធ្នូ ២០២២) ទិវាកំណើត រណសិរ្សសាមគ្គីសង្គ្រោះជាតិកម្ពុជា ដែលបច្ចុប្បន្នត្រូវបានប្តូរឈ្មោះថា “រណសិរ្សសាមគ្គីអភិវឌ្ឍន៍ មាតុភូមិកម្ពុជា” ជាថ្ងៃប្រវត្តិសាស្ត្រ ដែលកម្លាំងអ្នកស្នេហាជាតិមកពីគ្រប់ទិសទី ទាំងក្នុង និងក្រៅប្រទេស រួបរួមគ្នាក្រោកឈរធ្វើចលនាតស៊ូ ក្នុងគោលដៅរំដោះជាតិ មាតុភូមិ និងប្រជាជនកម្ពុជា ឱ្យរស់រានមានជីវិត ឡើងវិញ រួចផុតពីគ្រោះមហន្តរាយ និងការកា.ប់សម្លា.ប់ នៃរបបកម្ពុជាប្រជាធិបតេយ្យរបស់បនប្រល័យពូជ សាសន៍ប៉ុលពត ។ រណសិរ្ស២ធ្នូ មិនត្រឹមតែសង្គ្រោះយើងទាំងអស់គ្នាឲ្យចាកផុត ពីគ្រោះមហន្តរាយ នៃរបបប្រល័យពូជសាសន៍ប៉ុណ្ណោះទេ ប៉ុន្តែរណសិរ្ស ២ធ្នូ ក៏បានរួមចំណែកយ៉ាងធំធេងជាមួយរដ្ឋាភិបាល និងគណបក្សប្រជាជនកម្ពុជា ក្នុងការស្តារ កសាង និងអភិវឌ្ឍន៍សង្គមជាតិនៅគ្រប់ដំណាក់កាល ធ្វើឲ្យមាតុ ភូមិកម្ពុជាប្រែមុខមាត់ថ្មីជាបន្តបន្ទាប់ ។ រយៈពេល ៤៤ ឆ្នាំបានកន្លងផុតទៅក៏ពិតមែន ប៉ុន្តែព្រឹត្តិការណ៍ជាប្រវត្តិសាស្ត្រនេះ នៅតែស្ថិតក្នុងដួងចិត្ត និងការចងចាំ នៃប្រជាពលរដ្ឋខ្មែរគ្រប់ៗរូប ។
ផ្អែកលើមូលដ្ឋាននេះហើយ ដែលធ្វើឲ្យប្រជាជនកម្ពុជាយើង នៅយល់ដឹងយ៉ាងច្បាស់ថា រណសិរ្ស ២ធ្នូ គឺជាបុព្វការីដ៏មាន មហាគុណូបការៈចំពោះជាតិមាតុភូមិ និងប្រជាជនកម្ពុជា ។ បច្ចុប្បន្នប្រជាជនកម្ពុជាបានរស់នៅយ៉ាង សុខដុមរមនា ក្នុងសន្ដិភាព សេរីភាព និងសន្តិសុខដ៏ប្រសើរ ហើយកំពុងតែរួមសាមគ្គីគ្នាឈានទៅមុខ លើមាគ៌ា នៃការអភិវឌ្ឍន៍ ដោយផ្អែកលើមូលដ្ឋាន នៃសមិទ្ធផលទាំងឡាយ ដែលសម្រេចបានកន្លងមក ។
ជាពិសេស បានពង្រឹងថែមទៀតនូវមូលដ្ឋានគ្រឹះ សម្រាប់បន្ត ការអភិវឌ្ឍន៍សេដ្ឋកិច្ច និងការកាត់បន្ថយភាពក្រីក្ររបស់ប្រជាជន ។ ជាមួយនេះដែរ រាជរដ្ឋភិបាលកម្ពុជា អាណត្តិទី ៦ នីតិកាលទី ៦ របស់រដ្ឋសភា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី បាននឹងកំពុងបន្ត អនុវត្តយ៉ាងសកម្មនូវយុទ្ធសាស្ត្រចតុកោណ នៃគោលនយោបាយ សេដ្ឋកិច្ចសង្គមរបស់ខ្លួន ។
រាជរដ្ឋាភិបាលបានបង្ហាញឆន្ទៈដ៏ប្តូរផ្តាច់ និងសកម្មភាពប្រកបដោយផ្លែផ្កា ក្នុងការអនុវត្តន៍រាល់កំណែទម្រង់ដ៏ទូលំទូលាយ និងស៊ីជម្រៅទាំងឡាយ ដែលកាន់តែពង្រីកបាននូវលក្ខណៈសម្បត្តិអនុគ្រោះថែមទៀត ដល់ការអភិវឌ្ឍន៍លើគ្រប់វិស័យ ៕ អត្ថបទសហការ
ចែករំលែកព័តមាននេះ