រាជធានីភ្នំពេញ៖ ក្រុមហ៊ុនដឹកជញ្ជូនអាហារ foodpanda ដោយមានការសហការជាមួយក្រសួងការងារ និងបណ្ដុះបណ្ដាលវិជ្ជាជីវៈ បានចូលរួមព្រឹត្តិការណ៍ពិព័រណ៌ការងារយ៉ាងធំ ប្រចាំឆ្នាំ២០២២ ដែលចាប់ធ្វើឡើងកាលពីថ្ងៃទី២៨ និង២៩ ខែតុលា…
រាជធានីភ្នំពេញ៖ ក្រុមហ៊ុនដឹកជញ្ជូនអាហារ foodpanda ដោយមានការសហការជាមួយក្រសួងការងារ និងបណ្ដុះបណ្ដាលវិជ្ជាជីវៈ បានចូលរួមព្រឹត្តិការណ៍ពិព័រណ៌ការងារយ៉ាងធំ ប្រចាំឆ្នាំ២០២២ ដែលចាប់ធ្វើឡើងកាលពីថ្ងៃទី២៨ និង២៩ ខែតុលា ឆ្នាំ២០២២ នៅសាលមហោស្រពកោះពេជ្រ ។
តាមរយៈពិព័រណ៌នេះ ក្រុមហ៊ុនដឹកជញ្ជូនអាហារ foodpanda គឺជាម្ចាស់ឧបត្ថម្ភដ៏សំខាន់មួយ និងបានដាក់ស្ដង់ដ៏ធំមួយ ដើម្បីជួប និងស្វែងរកបុគ្គលិកពេញម៉ោងមានសមត្ថភាព និងដៃគូដឹកជញ្ជូនបន្ថែមចូលមកធ្វើការ ក៏ដូចជាសហការជាមួយ foodpanda ។ នៅស្ដង់របស់ foodpanda ផងដែរ ក៏មានផ្ដល់នូវព័ត៌មាន អំពីការស្វែងរកបុគ្គលិក ឬ ដៃគូដឹកជញ្ជូន និងគោលការណ៍នៃការដាក់ពាក្យផងដែរ ។ មិនតែប៉ុណ្ណោះ ក៏មានកម្មវិធីកំសាន្តផ្សេងៗទៀត ដូចជាការបង្វិលកងផ្សងសំណាង និងល្បែងកំសាន្ដ ដើម្បីឈ្នះរង្វាន់យ៉ាងច្រើនពី foodpanda ដូចជាគូប៉ុងបញ្ចុះតម្លៃ កាដូ និងវត្ថុអនុស្សាវរីយ៍ជាច្រើនទៀតផង ។
ក្រៅពីផ្ដល់ឱកាសការងារដល់បងប្អូនខ្មែរយើង foodpanda បានចាប់យកឱកាសដ៏ល្អនេះ ដើម្បីផ្សព្វផ្សាយបន្ថែមពីសេវាកម្ម និងប្រ៊េនរបស់ខ្លួន ឲ្យកាន់តែធំទូលាយជាងមុន ជាការជម្រុញឲ្យមានអតិថិជន ប្រើប្រាស់សេវាកម្មដឹកជញ្ជូនអាហារ ក៏ដូចជាសេវាកម្មដឹកជញ្ជូនរបស់ប្រើប្រាស់ប្រចាំថ្ងៃ និងសេវាកម្ម pick-up (កុម្ម៉ង់តាម foodpanda តែទៅយកនៅហាងផ្ទាល់) កាន់តែច្រើនជាងមុន ។ ការបង្ហាញខ្លួនរបស់ foodpanda លើកនេះក៏មានការផ្សាភ្ជាប់ទំនាក់ទំនង កាន់តែល្អជាងមុនជាមួយក្រុមហ៊ុនចូលរួមផ្សេងៗផងដែរ ។
កាលពីថ្ងៃទី១១ខែ តុលា ឆ្នាំ២០២២ ក្រុមហ៊ុន foodpanda បានចុះអនុស្សារណៈនៃការយោគយល់គ្នាជាមួយក្រសួងការងារ និងបណ្ដុះបណ្ដាលវិជ្ជាជីវៈ ដើម្បីចូលរួមចំណែកក្នុងការអភិវឌ្ឍធនធានមនុស្ស នៅក្នុងប្រទេសកម្ពុជាផងដែរ ។
បច្ចុប្បន្ននេះ រាល់ការកុម្ម៉ង់តាម foodpanda ក៏មានការផ្តល់ជូនពិសេសផងដែរ ដូចជា ការទិញមួយថែមមួយ ការបញ្ចុះច្រើន និងការដឹកជញ្ជូនឥតគិតថ្លៃជាដើម ។
សម្រាប់ព័ត៌មានបន្ថែម សូមទំនាក់ទំនង មកកាន់គេហទំព័រហេ្វសប៊ុកផ្លូរការរបស់ foodpanda (KH) តាមរយះតំណរនេះ៖ https://www.facebook.com/foodpandaCambodiaKH ឬទំនាក់ទំនងចុះឈ្មោះជាដៃគូដឹកជញ្ជូនក្រុមហ៊ុន foodpanda តាមរយៈ https://rider.foodpanda.com.kh/ ៕ អត្ថបទសហការ
ចែករំលែកព័តមាននេះ