ADផ្ទាំងផ្សព្វផ្សាយពាណិជ្ជកម្ម

សភា​យុវ​ពាណិជ្ជករ​អន្តរជាតិ​កម្ពុជា នឹង​រៀបចំ​វគ្គ​បណ្តុះបណ្តាល​ស្តី​ពី​ ភាព​ជា​អ្នកដឹកនាំ​លើក​ទី​ ៧

2 ខែ មុន

រាជធានីភ្នំពេញ ៖ សភា​យុវ​ពាណិជ្ជករ​អន្តរជាតិ​កម្ពុជា (JCI Cambodia) នឹង​រៀបចំ​កម្មវិធី​វគ្គ​បណ្តុះបណ្តាល​ស្តី​ពី​ភាព​ជា​អ្នកដឹកនាំ​លើក​ទី​ ៧ (7th JCI Cambodia…

រាជធានីភ្នំពេញ ៖ សភា​យុវ​ពាណិជ្ជករ​អន្តរជាតិ​កម្ពុជា (JCI Cambodia) នឹង​រៀបចំ​កម្មវិធី​វគ្គ​បណ្តុះបណ្តាល​ស្តី​ពី​ភាព​ជា​អ្នកដឹកនាំ​លើក​ទី​ ៧ (7th JCI Cambodia Leadership Academy) ដែល​ជា​ព្រឹត្តិការណ៍​ប្រចាំឆ្នាំ​ដ៏​អស្ចារ្យ ដើម្បី​អភិវឌ្ឍភាព​ជា​អ្នកដឹកនាំ​សម្រាប់​យុវជន​ ។ ព្រឹត្តិការណ៍​នេះ​នឹង​ត្រូវ​បាន​រៀបចំ​ឡើង​នៅ​ខេត្តសៀមរាប ដែល​ជា​ទឹកដី​អង្គរ ដោយ​មានការ​ចូលរួម​ដោយ​ផ្ទាល់ នៅ​សណ្ឋាគារ ប៉ា​ស៊ី​ហ្វី​ក ​សៀមរាប (Pacific Hotel Siem Reap) ចាប់ពី​ថ្ងៃ​ទី ០១-០៤ ខែតុលា ឆ្នាំ​ ២០២២​ ។

តើ​អ្វី​ទៅ​ជា JCI Cambodia Leadership Academy ហើយ​វា​ផ្តល់​ប្រយោជន៍​អ្វីខ្លះ​ដល់​អ្នកចូលរួម និង​សង្គម​ជាតិ​របស់​យើង ? JCI Cambodia Leadership Academy គឺជា​ព្រឹត្តិការណ៍​មួយ​ដ៏​មាន​សារៈសំខាន់​ដែល​បណ្តុះបណ្តាល​ភាព​ជា​អ្នកដឹកនាំ​សម្រាប់​យុវជន អោយ​ក្លាយជា​អ្នកដឹកនាំ​ឆ្នើម សម្រាប់​ពិភពលោក​ដែល​កំពុង​មានការ​ផ្លាស់​ប្តូរ (Changing World) ដើម្បី​ជា​ប្រយោជន៍​សម្រាប់​យុវជន សម្រាប់​គ្រួសារ និង​សង្គម​ជាតិ​របស់​យើង​ទាំងមូល​ ។

លោកស្រី ស្រួ ណា​រី​យា ប្រធាន​ថ្នាក់​ជាតិ នៃ​សភា​យុវ​ពាណិជ្ជករ​អន្តរជាតិ កម្ពុជា ឆ្នាំ​ ២០២២ បាន​មាន​ប្រសាសន៍​ប្រាប់​ពី​មូលហេតុ​ដែល​លោក​អ្នក​គួរ​ចូលរួម JCI Cambodia Leadership Academy ដូច​ជា ​៖ អ្នកចូលរួម​នឹង​យល់​កាន់តែ​ច្បាស់​ថា JCI ជា​អ្វី ? តើ JCI ធ្វើ​អ្វីខ្លះ ? ហេតុ​អ្វី​បានជា JCI មាន​ប្រយោជន៍​សម្រាប់​អ្នក និង​សង្គម​ជាតិ​ទាំងមូល ? ទន្ទឹម​នេះ អ្នក​នឹង​ទទួល​បានការ​ចែករំលែក​ចំណេះដឹង​ល្អ​ៗ​ពី​ថ្នាក់ដឹកនាំ​របស់​JCI, វាគ្មិន​ល្បី​ៗ, និង​មានឱកាស​ជួប​ជាមួយ​យុវជន​សកម្ម​ប្រកបដោយ​ឆន្ទៈ​ក្នុង​ការ​ចូលរួម​អភិវឌ្ឍ​សង្គម​ជាតិ​ ។

តើ​លោក​អ្នក​បាន​ត្រៀមខ្លួន​ហើយ​ ឬ​នៅ ? លោក​អ្នក​អាច​ស្វែងរក​ព័ត៌មាន​បន្ថែម​ក្នុង Facebook Page របស់ JCI Cambodia​ ។ តោះ ​! ចូលរួម​ទាំងអស់​គ្នា​ ៕ អត្ថបទសហការ