រាជធានីភ្នំពេញ​ ៖ នាថ្ងៃ​ទី ២៨ ខែមករា ឆ្នាំ ២០២២ នេះ ក្រុមហ៊ុន សៅ អ៉ីស្ត អេស៊ា ធេលីខម (ខេមបូឌា) (South East Asia Telecom (Cambodia) Co., Ltd.) និងក្រុមហ៊ុន អេហ្សេតថប​ ម៉ូបាល​ (ខេមបូឌា​)​ (AZtop Mobitel (Cambodia) Co., Ltd.) បានប្រារព្ធពិធីចុះហត្ថលេខាលើអនុស្សរណៈយោគយល់គ្នាមួយផ្តោតលើកិច្ចសហប្រតិបត្តិការភាពជាដៃគូ ដើម្បីផ្តល់នូវអត្ថប្រយោជន៍បន្ថែមជូនដល់អតិថិជនក្នុងប្រទេសកម្ពុជា ។​

ពិធីចុះអនុស្សរណៈយោគយល់គ្នានេះធ្វើឡើងក្រោមវត្តមានដ៏ខ្ពង់ខ្ពស់ពីលោក Bai Yingkui នាយកប្រតិបត្តិ​ ក្រុមហ៊ុន សៅ អ៉ីស្ត អេស៊ា ធេលីខម (ខេមបូឌា)  និងលោក Chen Tao នាយកផ្នែកលក់​ ក្រុមហ៊ុន ក្រុមហ៊ុន អេហ្សេតថប​ ម៉ូបាល​ (ខេមបូឌា​) ។ ភាពជាដៃគូជាមួយគ្នានេះ គឺមានគោលដៅដ៏សំខាន់ក្នុងការជំរុញលើកទឹកចិត្តដល់អ្នកប្រើប្រាស់ទូរស័ព្ទ Huawei, Xiaomi, Tecn​o និង Infinix ជាមួយសុីមកាត yes018 ឲ្យទទួលបាននូវផលចំណេញកាន់តែច្រើនបន្ថែមលើអត្ថប្រយោជន៍ដែលមានស្រាប់ ហើយនេះក៏ជាយុទ្ធសាស្រថ្មីមួយទៀតដើម្បីពង្រីកវិសាលភាពនៃការប្រើប្រាស់ទូរសព្ទដែលនាំចូលដោយ ក្រុមហ៊ុន AZtop  និងស៊ីមកាត yes018 ដែលមានអ៉ីនធឺណិតល្បឿនលឿនកប់ ។ 

ដោយផ្តោតលើផលចំណេញសម្រាប់អតិថិជន រាល់ការទិញទូរស័ព្ទ Huawei, Xiaomi, Tecn​o ឬ Infinix ចំនួន​ ១ គ្រឿង​ពីហាងលក់ទូរស័ព្ទដែលជាដៃគូរបស់ក្រុមហ៊ុន AZtop អតិថិជននឹងទទួលបានសុីមកាត yes018 ចំនួន ១ ភ្លាម​ ជាមួយទិន្នន័យអ៉ីនធឺណែត​ 1GB ស្រាប់ ។ ហេីយអ្វីដែលពិសេសបំផុតនោះ គឺអតិថិជននឹងទទួលបានទិន្នន័យអុីនធឺណិតចំនួន 10GB (មានសុពលភាពរយៈពេល​ ៧ ថ្ងៃ) រៀងរាល់ពេលបញ្ចូលទឹកប្រាក់ចាប់ពី $1​ ហើយការផ្តល់ជូននេះមានរយៈពេល ៦ ថ្ងៃ​បន្ទាប់ពីថ្ងៃដំណើរការស៊ីម ។

ជាមួយគ្នានេះដែរ ក្រុមហ៊ុនទាំងពីររំពឹងថា កិច្ចសហប្រតិបត្តិការភាពជាដៃគូនេះនឹងជាការចូលរួមចំណែកដើម្បីជំរុញដល់វិស័យឌីជីថលនៅកម្ពុជាឲ្យកាន់តែប្រសើរឡើងថែមទៀតតាមរយៈការផ្តល់ជូនអត្ថប្រយោជន៍បន្ថែម ការដាក់បញ្ចូលបច្ចេកវិទ្យាថ្មីៗ និងការបង្កើនភាពងាយស្រួលសម្រាប់អ្នកប្រើប្រាស់ ។ ក្រុមហ៊ុន South East Asia Telecom (Cambodia) Co., Ltd. ហៅកាត់ថា​ seatel (yes018) គឺជាក្រុមហ៊ុនផ្តត់ផ្គង់បណ្តាញសេវាទូរគមនាគមន៍ដ៏ធំបំផុតមួយនៅកម្ពុជា ដែលផ្តល់ជូនសេវាទូរសព្ទដ៏ទូលំទូលាយជាមួយសេវាកម្មអុីនធឺណិតកម្រិត 4G ល្បឿនលឿនកប់ ។

ក្រុមហ៊ុន AZtop Mobitel (Cambodia) Co., Ltd.) គឺជាក្រុមហ៊ុនដ៏ធំមួយដែលបានវិនិយោគលើការនាំចូល និងជាតំណាងចែកចាយផលិតផល Xiaomi ផ្លូវការប្រចាំប្រទេសកម្ពុជា ។

សម្រាប់ព័ត៌មានបន្ថែមអំពីកញ្ចប់សេវាកម្មរបស់ seatel (yes 018) សូមតាមដានទំព័រហេ្វសប៊ុកផ្លូវការ​ ៖​ https://www.facebook.com/yes.com.kh/​ ឬ ចូលទៅកាន់គេហទំព័រ ៖ https://www.yes.com.kh/ ឬ ជជែកជាមួយភ្នាក់ងារតាមរយៈលេខទូរស័ព្ទ ៖ 1800 / 018 9 800 800 ៕ ដោយសហការ