រាជធានីភ្នំពេញ៖ ធនាគារ អេស៊ីលីដា ដែលជាធនាគារពាណិជ្ជធំជាងគេមួយនៅកម្ពុជា ត្រូវបានគេកត់សម្គាល់ឃើញថា បានធ្វើការវិនិយោគ អភិវឌ្ឍលើវិស័យឌីជីថល ក៏ដូចជាវិស័យបច្ចេកវិទ្យាហិរញ្ញវត្ថុ (FinTech) កាន់តែខ្លាំងឡើងនៅប៉ុន្មានឆ្នាំចុងក្រោយនេះ…
រាជធានីភ្នំពេញ៖ ធនាគារ អេស៊ីលីដា ដែលជាធនាគារពាណិជ្ជធំជាងគេមួយនៅកម្ពុជា ត្រូវបានគេកត់សម្គាល់ឃើញថា បានធ្វើការវិនិយោគ អភិវឌ្ឍលើវិស័យឌីជីថល ក៏ដូចជាវិស័យបច្ចេកវិទ្យាហិរញ្ញវត្ថុ (FinTech) កាន់តែខ្លាំងឡើងនៅប៉ុន្មានឆ្នាំចុងក្រោយនេះ ខណៈដែលកម្ពុជារួមទាំងពិភពលោកទាំងមូល កំពុងដើរឆ្ពោះទៅរកបដិវត្តឧស្សាហកម្មជំនាន់ទី៤ ដែលផ្ដោតជាចម្បងទៅលើវិស័យបច្ចេកវិទ្យា ។
និយាយក្នុងបរិបទបច្ចេកវិទ្យានេះ អេស៊ីលីដា អាចចាត់ទុកបានថា ជាធនាគារពាណិជ្ជក្នុងស្រុកធំជាងគេមួយ ដែលបានវិវត្តខ្លួនទៅរកការប្រើប្រាស់បច្ចេកវិទ្យាកាន់តែខ្លាំងឡើងៗ ស្របទៅតាមសម័យបច្ចេកវិទ្យាហិរញ្ញវត្ថុ (FinTech) ដែលកំពុងមានការរីកចម្រើនយ៉ាងឆាប់រហ័សនៅក្នុងតំបន់ ។
ក្នុងនោះដែរ អេស៊ីលីដាម៉ូបាល ដែលជាកម្មវិធីធនាគារតាមទូរសព្ទដៃ ដ៏ទំនើបរបស់ធនាគារ អេស៊ីលីដា បាននិងកំពុងដើរតួនាទីកាន់តែសំខាន់ ក្នុងការជួយដល់អ្នកប្រើប្រាស់សេវាធនាគារ ពិសេសនៅអំឡុងវិបត្តិកូវីដ-១៩នេះ ។ តាមរយៈ ការប្រើប្រាស់ អេស៊ីលីដាម៉ូបាល អ្នកប្រើប្រាស់មិនចាំបាច់មកកាន់ទីស្នាក់ការ ឬការិយាល័យធនាគារដោយផ្ទាល់ ដើម្បីធ្វើការប្រើប្រាស់សេវាធនាគារនោះទេ ពោលគឺគ្រាន់តែបើកប្រើប្រាស់ អេស៊ីលីដាម៉ូបាល ជាមួយនឹងទូរសព្ទស្មាតហ្វូន គេអាចធ្វើការផ្ទេរប្រាក់ ទូទាត់ប្រាក់ បង់ថ្លៃសេវាទឹក-ភ្លើង និងសេវាផ្សេងៗជាច្រើនទៀត បានយ៉ាងងាយស្រួល លឿនរហ័ស ប្រកបដោយទំនុកចិត្ត និងសុវត្ថិភាពខ្ពស់ ។ អ្វីកាន់តែពិសេសទៀតនោះ ថ្មីៗនេះ អេស៊ីលីដា ទើបតែបានដាក់ឱ្យប្រើប្រាស់នូវសេវាអេស៊ីលីដា អ៊ីស៊ប ថ្មីមួយបន្ថែមទៀត ដែលជាមុខងារថ្មីបន្ថែមនៅលើកម្មវិធីអេស៊ីលីដាម៉ូបាល សម្រាប់អនុញ្ញាតឱ្យអ្នកប្រើប្រាស់អាចទិញរាប់ពាន់ រាប់ម៉ឺនមុខ និងអាចទូទាត់ប្រាក់តាមអេស៊ីលីដាម៉ូបាល បានផងដែរ ។
បើតាមនាយិកាប្រតិបត្តិជាន់ខ្ពស់ ធនាគារ អេស៊ីលីដា លោកស្រី សុខ សោភា បានបញ្ជាក់ថា សព្វថ្ងៃ អេស៊ីលីដា មានអ្នកកំពុងប្រើប្រាស់គណនីធនាគារជិត ៣ លានគណនី ។ ក្នុងនោះ អ្នកកំពុងប្រើប្រាស់ អេស៊ីលីដាម៉ូលបាល មានជាង ២ លាននាក់ និងដៃគូទទួលប្រតិបត្តិការទូទាត់ តាមអេស៊ីលីដាម៉ូបាល មានជាង ១០ ម៉ឺន កន្លែងនៅទូទាំងប្រទេស និងទីតាំងអាចទូទាត់តាមម៉ាស៊ីនឆូតកាត បានមានជាងជិត ៥ ពាន់កន្លែងផងដែរ ។
ចំពោះព័ត៌មានផ្សេងៗ សូមលោកអ្នកទាក់ទងមកការិយាល័យទំនាក់ទំនងអតិថិជន តាមរយៈទូរស័ព្ទលេខ៖ 015 999 233 ឬ 023 994 444 ៕
ចែករំលែកព័តមាននេះ