រាជធានីភ្នំពេញ ៖ បច្ចេកវិទ្យាបានចូលរួមចំណែកយ៉ាងសំខាន់នៅក្នុងជីវភាពប្រជាពលរដ្ឋ ហើយក្នុងនោះ វិស័យធនាគារ ក៏កំពុងមានវឌ្ឍនភាពកាន់តែប្រសើរទាក់ទងនឹងវិស័យបច្ចេកវិទ្យាហិរញ្ញវត្ថុ FinTech ។ ធនាគារ អេស៊ីលីដា ជាធនាគារពាណិជ្ជដ៏ធំមួយនៅកម្ពុជា កំពុងអភិវឌ្ឍ App អេស៊ីលី ដាម៉ូបាល របស់ខ្លួនកាន់តែជឿនលឿន និងទំនើបជាងមុន ដើម្បីផ្ដល់ភាពងាយស្រួល សុវត្ថិភាព និងចំណេញពេលវេលាសម្រាប់អ្នកប្រើប្រាស់ ។
អ្វីដែលពិសេសជាងនេះ ជាមួយនឹងការដោនឡូត App អេស៊ីលីដា ម៉ូបាល ដើម្បីចុះឈ្មោះប្រើប្រាស់ លោកអ្នកមិនចាំបាច់ទៅធនាគារដោយផ្ទាល់ ក៏អាចប្រើប្រាស់សេវាធនាគារបានយ៉ាងងាយស្រួល និងសម្បូរបែបបានដែរ ។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារនៃធនាគារ អេស៊ីលីដា បានមានប្រសាសន៍ថា ស្ថិតក្នុងស្ថានភាពកូវីដ-១៩ កំពុងរាតត្បាតយ៉ាងធ្ងន់ធ្ងរនៅក្នុងសហគមន៍ ការមិនចេញពីផ្ទះ និងគោរពតាមសារាចរណែនាំរបស់ប្រមុខរាជរដ្ឋាភិបាល គឺជាជម្រើសដ៏ល្អដើម្បីការពារសុវត្ថិភាព និងក្រុមគ្រួសារ ។
លោកស្រីបានបញ្ជាក់ថា ៖ «មិនចាំបាច់ទៅធនាគារ មិនចាំបាច់ចេញពីផ្ទះក៏អាចប្រើប្រាស់សេវាធនាគារបានដែរ ដោយសារធនាគារ អេស៊ីលីដា មានមធ្យោបាយងាយៗអាចជួយឲ្យអតិថិជនប្រើប្រាស់សេវាកម្មធនាគារ អេស៊ីលីដា ភីអិលស៊ី បានដោយមិនចាំបាច់ចាកចេញពីលំនៅឋាន ឬទៅកាន់ធនាគារ ដោយអតិថិជនអាចទាញយកកម្មវិធីអេស៊ីលីដាម៉ូបាលអេប តាមរយៈ App Store, Google Paly ឬ AppGallery មកដាក់ក្នុងទូរស័ព្ទដៃសម្រាប់ធ្វើប្រតិបត្តិការហិរញ្ញវត្ថុ បានគ្រប់ពេលវេលា សមតាមបំណងប្រាថ្នា» ។
លោកស្រីបានបន្តទៀតថា អេស៊ីលីដា ម៉ូបាល អាចប្រើប្រាស់បានគ្រប់បែបយ៉ាង និងងាយស្រួលជាទីបំផុតដូចជា ផ្ទេរប្រាក់ ទទួលប្រាក់ បង់ថ្លៃទឹក-ភ្លើង បញ្ជូលទឹកប្រាក់ក្នុងទូរស័ព្ទដៃ ទូទាត់ថ្លៃទំនិញតាមរយៈស្កេនឃ្យូអរកូដ ។ល។ ជាងនេះទៀតការប្រើអេស៊ីលីដាម៉ូបាល នឹងទទួលបានការបញ្ចុះតម្លៃពីហាងទំនិញដែលជាដៃគូធនាគារ អេស៊ីលីដា ទៀតផង ។
ចំពោះព័ត៌មានផ្សេងៗ សូមលោកអ្នកទាក់ទងមកការិយាល័យទំនាក់ទំនងអតិថិជន តាមរយៈទូរស័ព្ទលេខ ៖ 015 999 233 ឬ 023 99 4444 (បម្រើ២៤ម៉ោង) ៕ ដោយសហការ
ចែករំលែកព័តមាននេះ