រាជធានីភ្នំពេញ ៖ ធនាគារ អេស៊ីលីដា ភីអិលស៊ី គឺជាធនាគារពាណិជ្ជខ្មែរនាំមុខមួយនៅកម្ពុជាដែលមានទស្សនៈ និងបេសកកម្មក្នុងការផ្តល់សេវាកម្មហិរញ្ញវត្ថុល្អបំផុតជូនដល់សាធារណជនគ្រប់មជ្ឈដ្ឋានក្នុងសហគមន៍ និងផ្តល់ជូនសហគ្រិនខ្នាតតូចបំផុត ខ្នាតតូច ខ្នាតមធ្យម…
រាជធានីភ្នំពេញ ៖ ធនាគារ អេស៊ីលីដា ភីអិលស៊ី គឺជាធនាគារពាណិជ្ជខ្មែរនាំមុខមួយនៅកម្ពុជាដែលមានទស្សនៈ និងបេសកកម្មក្នុងការផ្តល់សេវាកម្មហិរញ្ញវត្ថុល្អបំផុតជូនដល់សាធារណជនគ្រប់មជ្ឈដ្ឋានក្នុងសហគមន៍ និងផ្តល់ជូនសហគ្រិនខ្នាតតូចបំផុត ខ្នាតតូច ខ្នាតមធ្យម និងសាធារណជននូវមធ្យោបាយក្នុងការគ្រប់គ្រង ចាត់ចែងធនធានហិរញ្ញវត្ថុឱ្យមានប្រសិទ្ធភាពខ្ពស់ ដើម្បីលើកស្ទួយជីវភាពរស់នៅឱ្យប្រសើរឡើង ដោយអនុវត្តឱ្យបាននូវនិរន្តរភាព និងបង្កើននូវអត្ថប្រយោជន៍ជូនដល់ភាគហ៊ុនិក កម្មករនិយោជិត ព្រមទាំងសហគមន៍ទាំងអស់ ។ លើសពីនេះទៀត ធនាគារនេះក៏បានប្រកាន់ខ្ជាប់ជានិច្ចនូវគោលការណ៍សីលធម៌ វិជ្ជាជីវៈ សង្គម ច្បាប់ និងបរិស្ថានប្រកបដោយកម្រិតខ្ពស់បំផុត ។ ការប្រកាន់ខ្ជាប់នូវការទទួលបម្រើអតិថីជនជាមួយការធ្វើគារវកិច្ចដោយលើកដៃសំពះជាមួយស្នាមញញឹមដែលជាវប្បធម៌ដ៏ល្អផូរផង់របស់ខ្មែរយើង ។
លោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារ បានមានប្រសាសន៍ថា ធនាគារ អេស៊ីលីដា ភីអិលស៊ី «ប្រជាធនាគារដែលលោកអ្នកជឿទុកចិត្ត» បម្រើអតិថិជនប្រកបដោយក្រមសីលធម៌ វិជ្ជាជីវៈ និងទំនួលខុសត្រូវខ្ពស់ដោយការស្តាប់អតិថិជន ហើយបំពេញតម្រូវការជូនអតិថិជនដោយយកចិត្តទុកដាក់បំផុត ។ រាល់បញ្ហារបស់អតិថិជន ធនាគារតែងតែយកមកដោះស្រាយជូនពួកគាត់ភ្លាមៗប្រកបដោយគុណធម៌ ព្រោះធនាគារ អេស៊ីលីដា តែងចាត់ទុកអតិថិជនជាដៃគូអាជីវកម្មដែលមិនអាចខ្វះគ្នាបាន ។ ទាំងអស់នេះដោយសារធនាគារ អេស៊ីលីដា មានធនធានប្រកបដោយជំនាញតាមមុខងារ តួនាទីជាអ្នកប្រឹក្សាយោបល់ជូនអតិថិជនលើដំណើការអាជីវកម្មរបស់ពួកគាត់ឲ្យទទួលបានជោគជ័យ ។
លោកស្រីបានបន្តថា យើងប្រកាន់យកទស្សនៈមួយគឺ «អតិថិជនរីកចម្រើន ធនាគាររីកចម្រើន យើងរីកលូតលាស់ជាមួយគ្នា» ។ ឆ្លើយ តបនឹងសំណួរសួរថា ៖ តើលោកស្រីអាចដឹងបានទេអំពីកម្រិតនៃការពេញចិត្តរបស់អតិថិជនមកលើការបម្រើសេវាកម្មរបស់ធនាគារ អេស៊ីលីដា ? លោកស្រីញញឹម ហើយឆ្លើយតបមកវិញដោយជឿជាក់ថា ៖ «ជាការពិត, យើងជាអ្នកបម្រើអតិថិជន ពិតណាស់ថា យើងមិនអាចដឹងពីកម្រិតថា តើអតិថិជនរបស់យើងពេញចិត្តនឹងការបម្រើសេវាកម្មយើងកម្រិតណានោះទេ មានតែអតិថិជនទេដែលលោកអាចវិនិច្ឆ័យពីគុណភាពនៃការបម្រើសេវាកម្មរបស់យើង» ។
លោកស្រីមានប្រសាសន៍បន្តទៀតថា គិតមកដល់បច្ចុប្បន្ននេះ ធនាគារ អេស៊ីលីដា មានបទពិសោធន៍បម្រើសេវាកម្មហិរញ្ញវត្ថុជូនដល់អតិថិជន សាធារណជន ជិត ៣០ ឆ្នាំ មកហើយ ។ ធនាគារមានសេវាហិរញ្ញវត្ថុដ៏សម្បូរបែប ហើយបន្តអភិវឌ្ឃឥតឈប់ឈរក្នុងការបង្កើតឲ្យមានហេដ្ឋារចនាសម្ព័ន្ធឌីជីថលដើម្បីបម្រើដល់អតិថិជនឲ្យកាន់តែមានភាពងាយស្រួល និងផាសុកភាព ប្រកប ដោយក្តីរីករាយ សប្បាយចិត្ត ។
ធនាគារ អេស៊ីលីដា មានការិយាល័យទំនាក់ទំនង សម្រាប់អតិថិជនមានចម្ងល់ ឬសំណូមពរផ្សេងៗ (បម្រើ ២៤ ម៉ោង) តាមរយៈទូរស័ព្ទលេខ ៖ ០២៣ ៩៩៤ ៤៤៤, ០១៥ ៩៩៩ ២៣៣ ឬ email: inquiry@acledabank.com.kh ៕
ចែករំលែកព័តមាននេះ