រថយន្តនីសាន់ អាល់ម៉េរ៉ា Nissan ALMERA ជាង 20 លានគ្រឿង បានលក់អស់ចាប់តាំងពីការដាក់លក់ជាលើកដំបូង
រាជធានីភ្នំពេញ ៖ ក្រុមហ៊ុន Tan Chong Motor (Cambodia) Pty. Ltd. (TCMC)…
រាជធានីភ្នំពេញ ៖ ក្រុមហ៊ុន Tan Chong Motor (Cambodia) Pty. Ltd. (TCMC)…
រាជធានីភ្នំពេញ ៖ ក្រុមហ៊ុន Tan Chong Motor (Cambodia) Pty. Ltd. (TCMC) ជាក្រុមហ៊ុនលក់ និងចែកចាយផ្ដាច់មុខផ្លូវការនូវរថយន្តនីសាន់ Nissan ក្នុងព្រះរាជាណាចក្រកម្ពុជា និងជាបុត្រសម្ព័ន្ធនៃក្រុមហ៊ុន Tan Chong Motor Holdings Berhad ប្រទេសម៉ាឡេស៊ី បាននាំចូលនូវរថយន្តជាច្រើនជម្រើសសម្រាប់អតិថិជន ចាប់តាំងពីក្រុមហ៊ុនបានឈានជើងចូលក្នុងព្រះរាជាណាចក្រកម្ពុជាអស់រយៈពេល 7 ឆ្នាំមកនេះ ។
ដោយសារទីផ្សារកាន់តែរីកចម្រើន តម្រូវការប្រើប្រាស់រថយន្តក៏បានកើនឡើង ។ ដើម្បីឆ្លើយតបទៅនឹងតម្រូវការរបស់អតិថិជន ក្រុមហ៊ុន Tan Chong Motor Cambodia មានសេចក្ដីរំភើបរីករាយក្នុងការនាំចូលនូវរថយន្តប្រភេទ Sedan ដែលលក់ដាច់បំផុតនោះ គឺរថយន្តនីសាន់ Almera ដែលជារថយន្ត Sedan បានបំពាក់មកគ្រប់នូវបច្ចេកវិទ្យាទំនើបចុងក្រោយបំផុតជាមួយ និងប្រព័ន្ធបច្ចេកវិទ្យាដ៏វៃឆ្លាតដើម្បីបំពេញនូវតម្រូវការរបស់អតិថិជននាពេលបច្ចុប្បន្ននេះ ។ ក្រុមហ៊ុនយើងខ្ញុំសូមណែនាំអំពីប្រវត្តិដ៏យូរលង់របស់ខ្លួនដូចខាងក្រោម ៖
ឆ្នាំ 1966 – 1969 រថយន្តនីសាន់ ជំនាន់ទី 1 ម៉ូឌែល 1000cc ត្រូវបានដាក់លក់ក្នុងប្រទេសជប៉ុន ។ រថយន្តម៉ាក Datsun Sunny ជារថយន្តធុនតូច អាចផ្ទុកមនុស្សបាន 5 នាក់ ងាយស្រួលបើកបរ និងបត់បែនក្នុងក្រុងជាមួយតម្លៃសមរម្យ ។
ឆ្នាំ 1970 – 1973 រថយន្តនីសាន់ជំនាន់ទី 2 មានម៉ាស៊ីនកាន់តែធំ 1.2 លីត្រ & 1.4 លីត្រ (ជារថយន្តទ្វារពីរសងខាងដំបូងបំផុតក្នុងប្រទេសជប៉ុន) មានប្រព័ន្ធទប់លំនឹងរថយន្តបានល្អ ផ្ដល់នូវផាសុកភាព សុវត្ថិភាព និងសន្សំសំចៃប្រេង ។
ឆ្នាំ 1973 – 1977 រថយន្តជំនាន់ទី 3 មានតួរថយន្តកាន់តែធំ រាងមូលស័ក្តិសមជាមួយនឹងយុវវ័យ ។ រថយន្តនីសាន់ Sunny ទទួលបានចំណាត់ថ្នាក់លេខ 1 ក្នុងការសន្សំសំចៃប្រេង ពីភ្នាក់ងារការពារបរិស្ថានរបស់សហរដ្ឋអាមេរិក ហៅកាត់ថា អ៊ីប៉ា (EPA) ។
ឆ្នាំ 1977 – 1981 រថយន្តជំនាន់ទី 4 មានកម្លាំងម៉ាស៊ីន 1.4L មានកញ្ចក់មុខធំទូលាយ និង កម្ពស់ត្រឹមពាក់កណ្ដាលចង្កេះ ដែលផ្ដល់ភាពងាយស្រួលក្នុងការមើលផ្លូវខាងមុខ និងផ្នែកខាងក្នុងមានលក្ខណៈទូលាយសម្រាប់សមាជិកគ្រួសារផងដែរ ។
ឆ្នាំ 1981 – 1985 រថយន្តជំនាន់ទី 5 ដែលជាឆ្នាំកែប្រែនូវរូបរាងថ្មី ក៏ដូចជាឆ្នាំដែលទទួលបានជោគជ័យទូទាំងពិភពលោក ។ ជាឆ្នាំដែលចាប់ផ្ដើមដំណើរនូវរថយន្តដែលវិលកង់ទាំងបួន និងបំពាក់ម៉ាស៊ីនខាងមុខថ្មីប្រភេទ E-type OHC 1.3 លីត្រ និង 1.5 លីត្រ ។
ក្រុមហ៊ុននីសាន់ បានបង្កើតរោងចក្របន្ថែមនៅសហរដ្ឋអាមេរិក អេស្ប៉ាញ និងអង់គ្លេសដើម្បីបំពេញតម្រូវការបង្កើនការផលិតបន្ថែម ។ ក្នុងឆ្នាំ 1983 រថយន្តនីសាន់ Sunny បានក្លាយជារថយន្តលក់ដាច់បំផុតនៅទូទាំងពិភពលោកនាំមុខរថយន្ត Volkswagen Golf និង Toyota Corolla ផងដែរ ។ រថយន្តដ៏មានកេរ្តិ៍ឈ្មោះទូទាំងពិភពលោកមួយនេះត្រូវបានដាក់លក់នៅជាង 130 ប្រទេស ។
ឆ្នាំ 1985 – 1990 រថយន្តជំនាន់ទី 6 ដែលបានបង្កើននូវគុណភាព និងលំនឹងរថយន្តបានល្អទ្វេដង ។
ឆ្នាំ 1990 – ការវិវត្តន៍នៃរថយន្តជំនាន់ទី 7 ដែលបានបង្កើតឡើងតាមទស្សនៈ «រូបរាងទំនើបស៊ីវិល័យ និងបើកបរដោយសប្បាយរីករាយ» ជាមួយរូបរាងខាងក្រៅមានលក្ខណៈស្ព័រ រំលេចនូវភាពស្រស់ស្អាតដែលសាកសមទៅនឹងតម្លៃនៃរថយន្ត ។
ឆ្នាំ 1994 – 1998 ការវិវត្តន៍នៃរថយន្តជំនាន់ទី 8 គឺជាជំនាន់ផ្លាស់ប្ដូរដ៏ធំមួយទៅលើការរចនារូបរាង និងប្រព័ន្ធដំណើរការរបស់រថយន្ត ។ ការរួមបញ្ចូលគ្នាលើកដំបូងនៃប៊ូមប្រភេទ Multi-Link និងជន្ទៀសខាងក្រោយ រឹតតែផ្ដល់នូវភាពងាយស្រួលក្នុងការបើកបរ និងគ្រប់គ្រងលំនឹងរថយន្ត ។ សាក់ស៊ីរថយន្តត្រូវបានបង្កើតឡើងទៅតាមទម្រង់នៃ Fairlady Z, Silvia, និង Skyline ។
ឆ្នាំ 1998 – 2010 រថយន្តជំនាន់ទី 9 ផ្តោតលើម៉ាស៊ីនកម្លាំង 4 ថ្មី ប្រអប់លេខស្វ័យប្រវត្តិ (CVT) ក្បាលនៃកៅអីអាចកំណត់បាន និងប្រព័ន្ធជំនួយហ្វ្រាំងរថយន្ត (ប្រព័ន្ធវិវត្តន៍ថ្មីរបស់នីសាន់)។ ជារថយន្តផ្ដោតទៅលើប្រណីតភាព និងភាពទាន់សម័យ ។
ឆ្នាំ 2010 – 2019 – រថយន្តនីសាន់ Almera ជំនាន់ទី 10 ដ៏ទំនើបពេញនិយម និងទាន់សម័យដែលរក្សាបាននូវអត្តសញ្ញាណ «រថយន្តខ្នាតកណ្តាលដ៏ស័ក្តិសមសម្រាប់គ្រួសារប្រកបដោយប្រណិតភាព» ។ រថយន្តនីសាន់ Almera នេះបានបង្កើតឡើងជាច្រើនជំនាន់ ដោយបានក្លាយជាម៉ាករថយន្តដែលទទួលស្គាល់ពាសពេញពិភពលោកក្នុងរយៈពេលជាង 50 ឆ្នាំមកនេះ ។ រថយន្តនីសាន់ Almera បានលក់អស់ជាង 2.7 លានគ្រឿងនៅក្នុង 108 ប្រទេស ។
ឆ្នាំ 2021 – រថយន្តនីសាន់ Almera ស៊េរីថ្មីមានប៉ាណារាងអក្សរ V កាន់តែធំ ភ្លឺរលើបរលោងជាមួយនឹងផ្នែកខាងក្នុងប្រកបដោយគុណភាពខ្ពស់ ។
ជារថយន្តដែលសន្សំសំចៃប្រេងបានច្រើន មានសមត្ថភាពខ្លាំង ផ្ដល់នូវផាសុកភាព មានសុវត្ថិភាពខ្ពស់ និងប្រណីតភាព ។ លើសពីនេះក៏បានបន្ថែមមកនូវបច្ចេកវិទ្យានដ៏វៃឆ្លាតដែលមានក្នុងរថយន្តនីសាន់ប្រភេទ SUV ផងដែរ ។ ហើយរឹតតែពិសេសជាមួយតម្លៃដែលអតិថិជនអាចទទួលយកបាន ។
រថយន្តនីសាន់ Almera ស៊េរីថ្មីនឹងមានវត្តមានជាផ្លូវការក្នុងព្រះរាជាណាចក្រកម្ពុជា ក្នុងរយៈពេលប៉ុន្មានសប្ដាហ៍ខាងមុខ ។ សូមរង់ចាំតាមដានការដាក់ជាលក់ផ្លូវការរបស់យើងខ្ញុំតាមរយៈ ទំព័រហ្វេសប៊ុក ៖ Nissan Cambodia ។
សម្រាប់ព័ត៌មានបន្ថែមអំពីម៉ូឌែលរថយន្តនីសាន់ Nissan នៅប្រទេសកម្ពុជា សូមចូលទៅកាន់ ៖
- គេហទំព័ររថយន្តនីសាន់ Nissan ប្រទេសកម្ពុជា ៖ www.nissan.com.kh
- ទំព័រហេ្វសប៊ុក Nissan Cambodia
ឬទំនាក់ទំនងមកកាន់អគារតាំងបង្ហាញរថយន្ត Nissan របស់ក្រុមហ៊ុន Tan Chong Motor (Cambodia) Pty. Ltd. ដែលមានទីតាំងស្ថិតនៅ ៖
- រាជធានីភ្នំពេញ៖ ផ្លូវ 271 ទូរស័ព្ទលេខ ៖ 023 993 338, ផ្លូវ 598 ទូរស័ព្ទលេខ ៖ 098 470 446
- ខេត្តសៀមរាប ៖ ទូរស័ព្ទលេខ ៖ 063 966 588
- ខេត្តបាត់ដំបង ៖ ទូរស័ព្ទលេខ ៖ 053 953 688 ៕ ដោយសហការ
ចែករំលែកព័តមាននេះ