រាជធានីភ្នំពេញ ៖ មីជាតិ ត្រូវបានទទួលស្គាល់ថា ជាទំនិញយុទ្ធសាស្ត្ររបស់ក្រសួងពាណិជ្ជកម្ម នៅក្នុងដំណាក់កាលអនុវត្តន៍វិធានការបិទខ្ទប់របស់រាជរដ្ឋាភិបាលក្នុងភូមិសាស្ត្ររាជធានីភ្នំពេញ និងក្រុងតាខ្មៅ ។ ក្រសួងពាណិជ្ជកម្មតាមរយៈក្រុមហ៊ុនហ្គ្រីនត្រេដ បានធ្វើការបញ្ជាទិញមីជាតិ…
រាជធានីភ្នំពេញ ៖ មីជាតិ ត្រូវបានទទួលស្គាល់ថា ជាទំនិញយុទ្ធសាស្ត្ររបស់ក្រសួងពាណិជ្ជកម្ម នៅក្នុងដំណាក់កាលអនុវត្តន៍វិធានការបិទខ្ទប់របស់រាជរដ្ឋាភិបាលក្នុងភូមិសាស្ត្ររាជធានីភ្នំពេញ និងក្រុងតាខ្មៅ ។ ក្រសួងពាណិជ្ជកម្មតាមរយៈក្រុមហ៊ុនហ្គ្រីនត្រេដ បានធ្វើការបញ្ជាទិញមីជាតិ ជាច្រើនកេស និងបញ្ជាក់ថា មីជាតិ ជាទំនិញយុទ្ធសាស្ត្រ ដើម្បីប្រើប្រាស់ជាស្បៀងលក់ជូនប្រជាជនពលរដ្ឋក្នុងភូមិសាស្ត្ររាជធានីភ្នំពេញ និងក្រុងតាខ្មៅក្នុងតម្លៃក្រោមទីផ្សារបច្ចុប្បន្ន ។
អាហារមីកញ្ចប់ដូចជា មីជាតិ នេះ ត្រូវបានគេទទួលស្គាល់ថា ជាអាហារពេញនិយមមួយប្រភេទដែលងាយស្រួលក្នុងការចម្អិន ចំណេញពេលវេលា តម្លៃសមរម្យ និងអាចរក្សាទុកបានយូរ ដែលបានបង្កជាភាពងាយស្រួលក្នុងការប្រើប្រាស់ និងស័ក្តិសមជាស្បៀងយុទ្ធសាស្ត្រក្នុងស្ថានការណ៍លំបាក ដូចជាអំឡុងពេលរីករាលដាលនៃជំងឺកូវីដ ១៩ នេះជាដើម ។ មិនត្រឹមតែក្រសួងពាណិជ្ជកម្មនោះទេ មីជាតិ ក៏ត្រូវបានទទួលការគាំទ្រយ៉ាងទូលំទូលាយពីស្ថាប័នរាជរដ្ឋាភិបាលផ្សេងៗ ដូចជារដ្ឋបាលរាជធានីភ្នំពេញ និងក្រុមហ៊ុនឯកជននានាតាមរយៈការប្រើប្រាស់ជាស្បៀងក្នុងសកម្មភាពសប្បុរសធម៌ចែកជូនប្រជាពលរដ្ឋមូលដ្ឋានក្នុងរាជធានីភ្នំពេញ និងក្រុងតាខ្មៅ ។
ក្នុងដំណាក់កាលនេះ មីជាតិ បានខិតខំប្រឹងប្រែងយ៉ាងស្វះស្វែងបង្កើនការផលិត ពង្រីកការចែកចាយ និងពង្រឹងគុណភាពដើម្បីផ្គត់ផ្គង់ជូនបងប្អូនប្រជាពលរដ្ឋ និងចូលរួមសម្រួលដល់បន្ទុករបស់រាជរដ្ឋាភិបាលលើផ្នែកស្បៀងអាហារ ។ មីជាតិ ប្រកាន់ខ្ជាប់នូវគោលជំហរខ្មែរដើម្បីខ្មែរក្នុងស្ថានភាពលំបាកនេះ ដោយមិនតំឡើងថ្លៃលើមុខទំនិញនោះទេ ។ មីជាតិ យកចិត្តទុកដាក់លើសុខទុក្ខប្រជាពលរដ្ឋ និងបន្តធ្វើយ៉ាងណាផ្តល់នូវផលិតផលមានគុណភាព និងសេវាកម្មល្អប្រសើរក្នុងតម្លៃសមរម្យមួយដល់ប្រជាពលរដ្ឋខ្មែរ ។ មីជាតិ ត្រៀមរួចជាស្រេចក្នុងការផ្គត់ផ្គង់ជូនប្រជាពលរដ្ឋខ្មែរ ៕ ដោយសហការ
ចែករំលែកព័តមាននេះ