រាជធានីភ្នំពេញ៖ ដោយមានការគាំទ្រកាន់តែច្រើនពីអិតិថិជន និងជាការយកចិត្តទុកដាក់ចំពោះអតិថិជនទាំងចាស់ និងថ្មី ក្រុមហ៊ុន ដាយ អុិឈិ ឡាយហ្វ៍ អុីនសួរ៉ិនស៍ (ខេមបូឌា)…
រាជធានីភ្នំពេញ៖ ដោយមានការគាំទ្រកាន់តែច្រើនពីអិតិថិជន និងជាការយកចិត្តទុកដាក់ចំពោះអតិថិជនទាំងចាស់ និងថ្មី ក្រុមហ៊ុន ដាយ អុិឈិ ឡាយហ្វ៍ អុីនសួរ៉ិនស៍ (ខេមបូឌា) Dai-ichi Life Insurance (Cambodia) បានផ្តល់ជូននូវផលិផលថ្មីពីរបន្ថែមទៀតគឺ ផលិតផលគម្រោងថែទាំនៅក្នុងគ្រួសារ និងផលិតផលគម្រោងថែទាំនៅក្នុងមន្ទីរពេទ្យ សម្រាប់អតិថិជនរបស់ខ្លួន ។
បើតាមការពន្យល់បង្ហាញរបស់ក្រុមហ៊ុនបានអោយដឹងថា ផលិតផល «គម្រោងថែទាំនៅក្នុងគ្រួសារ» គឺជាគម្រោងដែលផ្តល់ជូនលោកអ្នកនូវដំណោះស្រាយដ៏ពិសេសមួយដែលធានាថាលោកអ្នកនឹងទទួលបាននូវសុភមង្គលក្នុងគ្រួសារ ទោះបីជាមានជំងឺធ្ងន់ធ្ងរ ឬគ្រោះអកុសលណាមួយក៏ដោយតាមរយៈអត្ថប្រយោជន៍ ៥យ៉ាងដូចខាងក្រោម ៖
១- ទទួលបានទឹកប្រាក់ធានារ៉ាប់រងច្រើន ៖ លោកអ្នកនឹងរីករាយជាមួយការការពារដោយមានការធានាខ្ពស់ ។ ការផ្តល់ជូននូវអត្ថប្រយោជន៍ទូលំទូលាយនៅលើជំងឺធ្ងន់ធ្ងរបន្ថែមទៅលើជំងឺធ្ងន់ធ្ងរចំនួន៣៩ផ្សេងៗគ្នា ។
២- ការបង្កើនការការពារជំងឺធ្ងន់ធ្ងរ ៖ ទឹកប្រាក់មួយផ្នែកនឹងត្រូវបានផ្តល់ជូនលោកអ្នកនៅពេលជំងឺធ្ងន់ធ្ងរដំណាក់កាលដំបូងបានកើតឡើង ។
៣- ការលើកលែងការបង់បុព្វលាភធានារ៉ាប់រង ៖ ផ្តល់ជូនលោកអ្នកនូវភាពស្ងប់ចិត្តដោយការលើកលែងការបង់បុព្វលាភធានារ៉ាប់រងទាំងអស់នៃបណ្ណសន្យារ៉ាប់រ៉ងនាពេលអនាគតក្នុងករណីមរណភាព ពិការភាពទាំងស្រុង និងជាអចិន្ត្រៃយ៍ ឬជំងឺធ្ងន់ធ្ងរដំណាក់កាលចុងក្រោយ ។
៤- ការលើកលែងការបង់បុព្វលាភធានារ៉ាប់រងរយៈពេល ២ឆ្នាំ ៖ ផ្តល់ជូនលោកអ្នកនូវភាពស្ងប់ចិត្តដោយការលើកលែងការបង់បុព្វលាភធានារ៉ាប់រងទាំងអស់នៃបណ្ណសន្យារ៉ាប់រងរយៈពេល ២ឆ្នាំ ក្នុងករណីមានជំងឺធ្ងន់ធ្ងរដំណាក់កាលដំបូងបន្ទាប់ពីការធ្វើរោគវិនិច្ឆ័យ ។
៥- ផ្តល់សេវាកម្មប្រឹក្សាយោបល់វេជ្ជសាស្ត្រទី ២ ៖ នៅពេលប្រឈមនឹងទុក្ខលំបាក ឬពិបាកទទួលយកលក្ខខណ្ឌវេជ្ជសាស្ត្រ យើងផ្តល់នូវការផ្តល់យោបល់បន្ថែមផ្នែកវេជ្ជសាស្ត្រដោយឥតគិតថ្លៃលើកទី ២ ពីអ្នកជំនាញវេជ្ជសាស្ត្រឯករាជ្យមកពីជុំវិញពិភលោក ដូច្នេះលោកអ្នកអាចធ្វើការសម្រេចចិត្តបានប្រសើរជាងមុនក្នុងការគ្រប់គ្រងស្ថានភាពសុខភាពរបស់លោកអ្នក ។
ចំណែកផលិតផល «គម្រោងថែទាំនៅក្នុងមន្ទីរពេទ្យ» គឺនឹងផ្តល់ជូនលោកអ្នកនូវដំណោះស្រាយដ៏ពិសេសមួយទៀតសម្រាប់គ្រួសារដែលធានាថាលោកអ្នកនឹងបានទទួលនូវអត្ថប្រយោជន៍ ៤ យ៉ាងដូចខាងក្រោម ៖
១- ការផ្តល់ជូនសាច់ប្រាក់សម្រាប់ការសម្រាកនៅមន្ទីរពេទ្យ ៖ លោកអ្នកនឹងទទួលបាននូវការឧបត្ថម្ភជាសាច់ប្រាក់ថេររៀងរាល់ថ្ងៃរហូតដល់ ១០០ដុល្លារអាមេរិកចំពោះការចូលសម្រាកព្យាបាលនៅមន្ទីរពេទ្យដែលបណ្តាលមកពីគ្រោះថ្នាក់ និង/ឬមានជំងឺធ្ងន់ធ្ងរ ។
២- ការឧបត្ថម្ភជាសាច់ប្រាក់បន្ថែម ៖ លោកអ្នកនឹងទទួលបានប្រាក់ឧបត្តម្ភប្រចាំថ្ងៃស្មើនឹង ៣ដង សម្រាប់ការចូលបន្ទប់សង្គ្រោះបន្ទាន់ ។ ហើយទទួលបានប្រាក់ឧបត្តម្ភប្រចាំថ្ងៃស្មើនឹង៣ដងសម្រាប់ការចូលវះកាត់ ។
៣- ទទួលបានអត្ថប្រយោជន៍ប្រចាំថ្ងៃ ៖ លោកអ្នកនឹងទទួលបានការឧបត្ថម្ភជាសាច់ប្រាក់ប្រចាំថ្ងៃចំពោះការព្យាបាលដោយមិនសម្រាកមួយចំនួនដែលបានជ្រើសរើស ។
៤- ការលើកលែងការបង់បុព្វលាភធានារ៉ាប់រង ៖ ផ្តល់ជូនលោកអ្នកនូវភាពស្ងប់ចិត្តដោយការលើកលែងការបង់បុព្វលាភធានារ៉ាប់រងទាំងអស់ដែលនៅសល់ ក្នុងករណីមរណភាព ឬពិការភាពទាំងស្រុង និងអចិន្ត្រៃយ៍របស់ម្ចាស់បណ្ណសន្យារ៉ាប់រង ។
ដើម្បីបន្ថែមគុណតម្លៃកាន់តែច្រើនដល់អតិថិជន ដោយស្របតាមបេសកកម្មរបស់យើងគឺ «អតិថិជនជាចម្បង» ក្រុមហ៊ុន ដាយ អុិឈិ ឡាយហ្វ៍ អុីនសួរ៉ិនស៍ (ខេមបូឌា) បានរចនានូវផលិតផលទាំងនេះដែលផ្តល់ជូននូវការព្យាបាលជំងឺធ្ងន់ធ្ងរចំនួន ៣៩មុខ និងផ្តល់នូវសេវាវេជ្ជសាស្ត្រទី ២ ប្រកបដោយគុណភាពស្តង់ដារអន្តរជាតិដល់អតិថិជន ។
សម្រាប់ព័ត៌មានលម្អិតអំពីផលិតផល «គម្រោងថែទាំនៅក្នុងគ្រួសារ» សូមចូលទៅកាន់ ៖ http://www.dai-ichilife.com.kh/familycare
សម្រាប់ព័ត៌មានលម្អិតអំពីផលិតផល «គម្រោងថែទាំនៅក្នុងមន្ទីរពេទ្យ» សូមចូលទៅកាន់ ៖ www.dai-ichilife.com.kh/hospitalcare
គួរអោយដឹងផងដែរថា ក្រុមហ៊ុន ដាយ អុិឈិ ឡាយហ្វ៍ អុីនសួរ៉ិនស៍ (ខេមបូឌា) Dai-ichi Life Insurance (Cambodia) (ដាយ អុិឈិ ឡាយហ្វ៍ Dai-ichi Life) គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន ដាយ អុិឈិ ឡាយហ្វ៍ ហូលឌីង Dai-ichi Life Holdings (DLHD) ដែលជាក្រុមហ៊ុនធានារ៉ាប់រងអាយុជីវិតឈានមុខគេជាប្រវត្តិសាស្ត្រនៅក្នុងប្រទេសជប៉ុនដែលមានអាយុកាលជាង ១១៨ឆ្នាំ ។ DLHD ទទួលបានចំណាត់ថ្នាក់ A+ ទៅលើកការវាយតម្លៃតាមរយៈ S&P និងជាក្រុមហ៊ុនដែលបានចុះបញ្ជីនៅលើទីផ្សារភាគហ៊ុន TOKYO STOCK EXCHANGE ។
ចាប់តាំងពីបានបង្កើតឡើងនៅក្នុងឆ្នាំ ១៩០២ មក DLHD បានបេ្តជ្ញាចិត្តឈរនៅក្បែរអតិថិជន និងមនុស្សជាទីស្រឡាញ់របស់ពួកគេអស់មួយជីវិត និងខិតខំប្រឹងប្រែងរួមគ្នាក្នុងការផ្តល់ជូន «ភាពស្ងប់ចិត្ត» ក្រោមទស្សន «អតិថិជនជាចម្បង» ។ ក្រុមហ៊ុនបានចូលរួមចំណែកជាមួយសហគមន៍មូលដ្ឋានតាមរយៈការផ្តល់ជូននូវសេវាធានារ៉ាប់រងអាយុជីវិត និងសេវាកម្មផ្សេងៗទៀត ។
ដាយ អុិឈិ ឡាយហ្វ៍ គ្រុប Dai-ichi Life Group មានគ្រឹះមូលធនដ៏រឹងមាំ និងទ្រព្យសកម្មសរុប ៥៥១ពាន់លានដុល្លារអាមេរិក និងបុព្វលាភជាង ៤៥ពាន់លានដុល្លារអាមេរិក គិតត្រឹមថ្ងៃទី ៣១ ខែមីនា ឆ្នាំ២០២០ ៕ ដោយសហការ
ចែករំលែកព័តមាននេះ