រាជធានីភ្នំពេញ ៖ ទំហំពាណិជ្ជកម្មរវាងព្រះរាជាណាចក្រកម្ពុជា និងសាធារណរដ្ឋកូរ៉េមានប្រមាណបួនពាន់លានដុល្លារអាមេរិក(៤០០0លានដុល្លារ)គិតចាប់ឆ្នាំ១៩៩៦ដល់ខែមករាឆ្នាំ២០១៩ ។ នេះបើតាមលោក កុយ គួង អ្នកនាំពាក្យក្រសួងការបរទេសបានបញ្ជាក់ប្រាប់អ្នកសារព័ត៌មាននៅព្រឹកថ្ងៃទី២៣ ខែធ្នូ…
រាជធានីភ្នំពេញ ៖ ទំហំពាណិជ្ជកម្មរវាងព្រះរាជាណាចក្រកម្ពុជា និងសាធារណរដ្ឋកូរ៉េមានប្រមាណបួនពាន់លានដុល្លារអាមេរិក(៤០០0លានដុល្លារ)គិតចាប់ឆ្នាំ១៩៩៦ដល់ខែមករាឆ្នាំ២០១៩ ។ នេះបើតាមលោក កុយ គួង អ្នកនាំពាក្យក្រសួងការបរទេសបានបញ្ជាក់ប្រាប់អ្នកសារព័ត៌មាននៅព្រឹកថ្ងៃទី២៣ ខែធ្នូ ឆ្នាំ២០១៩ នេះ ដោយការលើកឡើងនេះក្នុងជំនួបរវាងឯកអគ្គរដ្ឋទូតនៃសាធារណរដ្ឋកូរ៉េថ្មីឯកឧត្តម Park Heung-kyoeng ដែលបានចូលជួបសំដែងការគួរសមជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ។ ក្នុងឱកាសនោះដែរលោកឧបនាយករដ្ឋមន្ត្រី ប្រាក់ សុខុន បានឡើងពីរកិច្ចប្រជុំអាស៊ាន កូរ៉េ និងមេគង្គ-កូរ៉េផងដែរ។ ក្នុងកិច្ចប្រជុំនោះមានកិច្ចព្រមព្រៀងចំនួន៥ដែលបានចុះហត្ថលេខានៅទីក្រុងប៊ូសាន ។
លោកឧបនាយករដ្ឋមន្ត្រី ប្រាក់ សុខុន បានថ្លែងថា កិច្ចព្រមព្រៀងទាំងនោះនឹងលើកទឹកចិត្តដល់អ្នកវិនិយោគទុនកូរ៉េមកវិនិយោគនៅកម្ពុជាថែមទៀត ក្នុងនោះក៏មានការលើកឡើងពីកិច្ចសហប្រតិបត្តិការលើវិស័យ សេដ្ឋកិច្ច ពាណិជ្ជកម្ម ទេសចរណ៍ និងកសិកម្មផងដែរ។ លោកឧបនាយករដ្ឋមន្ត្រីថ្លែងថា ចំពោះវិស័យកសិកម្មវិញភាគីទាំងពីរបានពិភាក្សាគ្នាពីការនាំយកផ្លែស្វាយពីប្រទេសកម្ពុជាទៅលក់នៅប្រទេសកូរ៉េផងដែរ ។ រីឯវិស័យទេសចរណ៍វិញអ្នកទេសចរកូរ៉េមកកាន់ប្រទេសកម្ពុជាមានប្រមានប្រហែលពី៣០ម៉ឺនទៅ៤០ម៉ឺននាក់ក្នុងមួយឆ្នាំ។ កម្ពុជា-សាធារណរដ្ឋកូរ៉េបានភ្ជាប់ជើងហោះហើរត្រង់ទៅវិញទៅមកប្រមាណពី៤០ទៅ៥០ជើងក្នុងមួយខែ ។
ជាការឆ្លើយតបលោកឯកអគ្គរដ្ឋទូតនៃសាធារណរដ្ឋកូរ៉េថ្មីការពេញចិត្តពេលដែលបានមកបំពេញបេសកកម្មនៅប្រទេសកម្ពុជា ទំនាក់ទំនងកាន់តែរឹងមាំតាមរយៈការផ្លាស់ប្តូរទស្សនកិច្ចទៅវិញទៅមក ជាពិសេសនៅក្នុងឆ្នាំ២០១៩នេះ ។ លោកឯកអគ្គរដ្ឋទូតក៏បានថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រីដែលបានដាក់របៀបវរៈកិច្ចប្រជុំមេគង្គកូរ៉េនៅក្នុងកម្រិតខ្ពស់ និងអរគុណកម្ពុជាដែលគាំទ្រដល់កិច្ចព្រមព្រៀងសន្តិភាពលើឿបទី្វបកូរ៉េគ្មានអាវុធនុយក្លេអ៊ែរ ៕
កែសម្រួលដោយ ៖ សំណាង
ចែករំលែកព័តមាននេះ