បន្ទាយមានជ័យ ៖ មូលដ្ឋានរោងចក្រ និងសិប្បកម្មឆ្នាំ២០១៩នេះមានចំនួន១.០៣៥កន្លែងកើនឡើង៣២មូលដ្ឋាន ប្រៀបឆ្នាំ២០១៨ យោងតាមរបាយការណ៍កិច្ចប្រជុំកម្មវិធីនិយោគបីឆ្នាំរំកិល ឆ្នាំ២០២០.២០២២ដែលត្រូវបានធ្វើឡើងនៅថ្ងៃទី១៩ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ ។
លោក ង៉ោ ម៉េងជ្រួន អភិបាលរងខេត្តបន្ទាយមានជ័យមានប្រសាសន៍ថា កិច្ចការឧស្សាហកម្ម និងសិប្បកម្មខេត្តបន្ទាយមានជ័យ ក្នុងឆ្នាំ២០១៩ មានមូលដ្ឋានរោងចក្រ និងសិប្បកម្មចំនួន១.០៣៥មូលដ្ឋានកើនឡើង៣២មូលដ្ឋាន បើប្រៀបធៀបឆ្នាំ២០១៨កន្លងទៅក្នុងនោះមានរោងចក្រសហគ្រាសធុនតូចមធ្យម និងសិប្បកម្មជាពិសេសផ្នែកស្បៀងភេជ្ជៈផ្នែកគីមី និងផ្នែកឧស្សាហកម្ម មិនម៉ែនលោកហៈ ។
លោកបានបញ្ជាក់ថា ផ្នែកឧស្សាហកម្មមានរោងចក្រចំនួន២០កន្លែង កើនឡើង២កន្លែង ប្រៀបធៀបឆ្នាំ២០១៨កន្លងទៅ មានទុនសរុប៧៧.៤៨១.០៩៩ដុល្លារ ទុនអចល័តមានចំនួន៥៨.១៦៨.៦៨៧ដុល្លារ និងមានកម្លាំងពលកម្មសរុបចំនួន១០.៣៣៩នាក់ ក្នុងនោះស្រីចំនួន៦.៥៦២នាក់ ។ សហគ្រាសធុនតូច និងមធ្យមសិប្បកម្មមាន១.០១៥មូលដ្ឋានកើនឡើង៣០កន្លែង ។
លោក ង៉ោ ម៉េងជ្រួន បានបញ្ជាក់ថា ក្រុមប្រឹក្សាគណៈអភិបាលខេត្ត ក្រុមការងារកសាងផែនការ និងក្រុមលេខាធិការជំនួយការបច្ចេកទេសនៃក្រុមការងារកសាងផែនការខេត្ត បានរៀបចំកម្មវិធីវិនិយោគបីឆ្នាំរំកិលខេត្ត ឆ្នាំ២០២០.២០២២ ដោយមានការចូលរួមពីស្ថាប័ន មន្ទីរអង្គភាពជំនាញទីចាត់ការអង្គភាពនានាចំណុះសាលាខេត្ត ក្រុមប្រឹក្សាស្រុក.ក្រុងឃុំ.សង្កាត់វិស័យឯកជនអង្គការស៊ីវិលប្រជាពលរដ្ឋ ជាពិសេសក្រុមតំណាងឲ្យផលប្រយោជន៍ស្ត្រី កុមារ ជនក្រីក្រ និងក្រុមជនងាយរងគ្រោះផ្សេងៗទៀត ៕ កែសម្រួលដោយ ៖ សុឃាក់
ចែករំលែកព័តមាននេះ