តាមប្រភពព័ត៌មាន Soccer Laduma បានឱ្យដឹងថា កីឡាករវ័យក្មេងកើតនៅអាហ្វ្រិក បានចុះកុងត្រាថ្មីជាមួយនឹងក្លិបយក្សអ្នកមានបុណ្យ Barcelona ដែលមានតម្លៃបង់ផ្តាច់កុងត្រាឡើងដល់ទៅ ៤០០លានអឺរ៉ូ។
កាលពីថ្ងៃពុធ Barca បានប្រកាសតាមរយៈគេហទំព័រផ្លូវការរបស់ពួកគេថា ខ្សែប្រយុទ្ធ Ansu Fati បានចុះកុងត្រាថ្មីជាមួយក្លិប ដែលមានសពុលភាពដល់ឆ្នាំ ២០២២ ជាមួយនឹងជម្រើសនៃការបន្តរយៈពេល ២ ឆ្នាំទៀត។ កីឡាករវ័យ ១៧ ឆ្នាំរូបនេះ បានបង្ហាញខ្លួនចំនួន ១១ដងសម្រាប់ក្រុមម្ចាស់ជើងឯក LaLiga នារដូវកាលនេះ។
សេចក្តីថ្លែងការណ៍ផ្លូវការមួយបានលើកឡើងថា៖«FC Barcelona និង Ansu Fati បានឈានដល់កិច្ចព្រមព្រៀង ដើម្បីធ្វើឱ្យប្រសើរឡើងនូវកិច្ចសន្យារបស់កីឡាកររហូតដល់ថ្ងៃទី៣០ ខែមិថុនា ឆ្នាំ ២០២២ ដែលអាចពន្យារបាន២ឆ្នាំ ជាមួយនឹងថ្លៃផ្តាច់កុងត្រាឡើងពី ១០០លានអឺរ៉ូ ទៅ ១៧០លានអឺរ៉ូ។ តម្លៃនេះនឹងកើតឡើងដល់ ៤០០ លានអឺរ៉ូ នៅពេលដែលកីឡាកររូបនេះចុះកុងត្រាធ្វើជាសមាជិកពេញសិទ្ធិនៃក្រុមទីមួយរបស់ Barcelona»៕
ចែករំលែកព័តមាននេះ