ទៀត​ហើយ​! ចិន និង​ចិន​លេង​គ្នា​មាន​អាវុធ​ខ្លី​២​ដើម បាញ់​២​គ្រាប់​ផ្អើល​សង្កាត់​ចោម​ចៅ​១(មានវីដេអូ)


រាជធានី​ភ្នំពេញ ៖ សេចក្តីរាយការណ៍​បឋម​បាន​ឲ្យ​ដឹង​ថា ជនជាតិ​ចិន​ចំនួន​៤​នាក់ ប្រដាប់​ដោយ​អាវុធ​ខ្លី​២​ដើម បាន​ធ្វើ​សកម្មភាព​ចូល​ទៅ​ប្លន់​ជនជាតិ​ចិន​ដូច​គ្នា នៅ​ក្នុង​ហាង​លក់​គុ​ជ​មួយ​កន្លែង​យីហោ «​ហឺ​ហឺ​» ដោយ​បាន​បាញ់​គំរាម​២​គ្រាប់​ដណ្ដើម​យក​កាបូប​លុយ ។ បន្ទាប់​មក​ក៏​បាន​បោះ​កាំភ្លើង​ចោល​១​ដើម និង​ព្យាយាម​រត់គេច​ខ្លួន ប៉ុន្តែ​ត្រូវ​បាន​កម្លាំង​នគរបាល​ខណ្ឌ​ពោធិ៍​សែន​ជ័យ​ចេញ​អន្តរាគមន៍​ឃាត់ខ្លួន​បាន​ម្នាក់ ។

ចំណែក​៣​នាក់​ទៀត បាន​រត់គេច​ខ្លួន​រួច ដោយ​នាំ​យក​កាំ​ខ្លី​១​ដើម​ទៅ​ជាមួយ ហើយ​នគរបាល​បាន​ធ្វើការ​ឡោម​ព័ទ្ធ និង​រុករក​ជា​ច្រើន​ម៉ោង ប៉ុន្តែ​រក​មិនឃើញ​ឡើយ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១១​ព្រឹក ថ្ងៃ​ទី​០៧ ខែវិច្ឆិកា​នេះ នៅ​ក្នុង​ហាង​លក់​គុ​ជ​យីហោ «​ហឺ​ហឺ​» ដែល​មាន​ទីតាំង​ស្ថិត​នៅ​ក្នុងភូមិ​ត្រពាំង​ថ្លឹង​២ សង្កាត់​ចោម​ចៅ​១ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

ជន​រង​គ្រោះ​នៅ​ក្នុង​ហេតុការណ៍​នោះ​មាន​១-​ឈ្មោះ JIANWEI ភេទ​ប្រុស អាយុ​២៨​ឆ្នាំ ២-​ឈ្មោះ XUE DANFENG ភេទ​ស្រី អាយុ​៣៦​ឆ្នាំ អ្នក​ទាំង​២​ជា​ប្ដី​ប្រពន្ធ​នឹង​គ្នា មានមុខរ​បរជា​អាជីវករ​លក់​គុ​ជ ស្នាក់​នៅ​ក្នុង​ហាង​លក់​គុ​ជ​កន្លែង​កើតហេតុ​ខាងលើ និង​មានស្រុក​កំណើត​នៅ​ខេត្ត FUJIAN ប្រទេស​ចិន ។

ដោយឡែក​លុយ​ដែល​បាត់បង់​មិន​ទាន់​ដឹង​ចំនួន​ប៉ុន្មាន​ទេ ហើយ​ជនសង្ស័យ​ក៏​នៅ​មិន​ទាន់​ស្គាល់​អត្តសញ្ញាណ​នៅឡើយ​ដែរ ប្រដាប់​ដោយ​អាវុធ​ខ្លី​ម៉ាក K59 ១​ដើម និង​ម៉ាក​រ៉ូ​ឡូ​១​ដើម ។

នគរបាល​បាន​ឲ្យ​ដឹង​ថា នៅ​មុន​ពេល​កើតហេតុ​ជន​រង​គ្រោះ​ទាំង​២​នាក់​ប្ដី​ប្រពន្ធ​ខាងលើ​កំពុង​អង្គុយ​ក្នុងផ្ទះ​លក់​គុ​ជ ស្រាប់តែ​ជនសង្ស័យ​ចំនួន​៤​នាក់ ដើរ​ចូល​ទៅ​តាម​ទ្វារ​ក្រោយ ហើយ​ដក​កាំភ្លើងខ្លី​ពី​ចង្កេះ​មក​ភ្ជង់​គំរាម​បាញ់​សម្លាប់ និង​បង្ខំ​ឲ្យ​ប្រគល់​លុយ ។

ពេល​នោះ​ជន​រង​គ្រោះ​បាន​ស្ទុះ​រត់​ចេញ​ទៅ​ក្រៅ​ផ្ទះ ហើយ​ក៏​ត្រូវ​ជនសង្ស័យ​បាញ់ប្រហារ​២​គ្រាប់ ប៉ុន្តែ​សំណាងល្អ​មិន​បាន​បណ្តាល​ឲ្យ​ត្រូវ​ឡើយ ។ ខណៈនោះ​បាន​បង្ក​ឲ្យ​មានការ​ភ្ញាក់ផ្អើល​យ៉ាង​ខ្លាំង ហើយ​ប្រជាពលរដ្ឋ​ដែល​រស់នៅ​ជិត​នោះ​ចេញ​នាំ​គ្នា​មើល ទើប​ជនសង្ស័យ​បោះចោល​អាវុធ​ខ្លី​១​ដើម​ម៉ាក​K59 នៅ​ក្បែរ​កន្លែង​កើតហេតុ ។

ជនសង្ស័យ

ប្រភព​ដដែល​បាន​បន្ត​ទៀត​ថា ដោយឡែក​អ្នក​កាន់​អាវុធ​ខ្លី​ម៉ាក​រ៉ូ​ឡូ​បាន​កាន់​អាវុធ​នោះរ​ត់ទៅ​ជាមួយ បន្ទាប់​មក​បាន​រត់​បែកផ្លូវ​គ្នា ដោយ​២​នាក់​រត់​ចូល​ទៅ​ក្នុង​រោច​ក្រ​កា​ណា​ឌី​យ៉ា និង​២​នាក់​ទៀតរ​ត់ទៅ​កន្លែង​ផ្សេង ។

ចំណែក​កម្លាំង​នគរបាល​ប៉ុស្តិ៍​ចោម​ចៅ​១ រួម​ជាមួយ​កម្លាំង​នគរបាល​ខណ្ឌ​ពោធិ៍​សែន​ជ័យ​បាន​ចេញ​ទៅ​អន្តរាគមន៍​ឃាត់​បាន​ជនសង្ស័យ​២​នាក់ នៅ​ក្នុង​រោងចក្រ​សួន​ឧស្សាហ៍កម្ម​កា​ណា​ឌី​យ៉ា ។ ប៉ុន្តែ​ក្រោយ​ពេល​សាកសួរ​ទើប​ដឹង​ថា មាន​តែ​ម្នាក់​ប៉ុណ្ណោះ គឺជា​បក្សពួក​ចោរប្លន់ រីឯ​ម្នាក់​ទៀត​ចាប់​ច្រឡំ​មិនមែន​ជា​ក្រុម​ចោរប្លន់​ឡើយ ។ ទោះបីជា​បែប​ណា​នគរបាល​បន្ត​រុករក​ជនសង្ស័យ​៣​នាក់ ដែល​រត់គេច​ខ្លួន​នោះ​ជា​ច្រើន​ម៉ោង​ប៉ុន្តែ​ពុំ​បានឃើញ​ឡើយ​ពួក​គេ​បាន​គេចខ្លួន​បាត់​ដោយ​សុវត្ថិភាព ៕ កែសម្រួល​ដោយ ៖ សុ​ឃា​ក់

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ