ខេត្តសៀមរាប ៖ កម្លាំងគយចល័តប្រចាំខេត្តសៀមរាប បានឃាត់រថយន្តមាកសាំយ៉ុងមួយគ្រឿង ដែលមានផ្ទុកសាច់ចម្រុះខូចគុណភាពបានចំនួនសរុបចំនួន២១កេស (ស្មើនឹង១៣៣០គីឡូក្រាម) ហើយបាននាំមកប្រគល់ឱ្យខាងមន្ទីរកសិកម្មរុក្ខាប្រមាញ់ និងនេសាទខេត្តធ្វើការកម្ទេចចោល។ ការឃាត់រថយន្តនេះធ្វើឡើង នៅវេលាម៉ោង០៥ល្ងាចថ្ងៃទី២៤…
ខេត្តសៀមរាប ៖ កម្លាំងគយចល័តប្រចាំខេត្តសៀមរាប បានឃាត់រថយន្តមាកសាំយ៉ុងមួយគ្រឿង ដែលមានផ្ទុកសាច់ចម្រុះខូចគុណភាពបានចំនួនសរុបចំនួន២១កេស (ស្មើនឹង១៣៣០គីឡូក្រាម) ហើយបាននាំមកប្រគល់ឱ្យខាងមន្ទីរកសិកម្មរុក្ខាប្រមាញ់ និងនេសាទខេត្តធ្វើការកម្ទេចចោល។ ការឃាត់រថយន្តនេះធ្វើឡើង នៅវេលាម៉ោង០៥ល្ងាចថ្ងៃទី២៤ តុលា ស្ថិតនៅតាមបណ្តោយផ្លូវជាតិលេខ៦ ក្នុងភូមិដូនទ្រ ឃុំល្វា ស្រុកពួក ខេត្ត សៀមរាប ហើយបានយកមកកម្ទេចចោលនៅរសៀលថ្ងៃទី២៥ខែតុលា ឆ្នាំ២០១៩ ក្នុងស្ថានីយ៍កសិកម្មទឹកវិល ក្រុងសៀមរាប។
សាច់ចម្រុះខូចគុណភាពខាងលើ មានសាច់ជ្រូកមាន (ក្រពះ, ជើង, ត្រចៀក, កន្ទុយ, ពោះវៀនធំ, អណ្តាត, ខួរ, ឆ្អឹងក, ឆ្អឹងជំនី) សរុបចំនួន២១កេស ស្មើនឹង១៣៣០ គីឡូក្រាម ដឹងពីប្រទេសថៃ ឆ្លងកាត់តាមច្រកប៉ោយប៉ែត ខេត្តបន្ទាយមានជ័យ ឆ្ពោះទៅកាន់រាជធានីភ្នំពេញ ។
លុះមកដល់ទីតាំងស្រុកពួក ក្រុមការងារបានធ្វើការឃាត់ចាប់ និងអនុវត្តច្បាប់សុខភាពសត្វ និងផលិតកម្មសត្វ ដោយបានអនុវត្តវិធានការបសុពេទ្យ (កំទេចចោល) ដែលមានការចូលរួមពីលោកប្រធានមន្ទីរកសិកម្ម ស្នងការរងទទួលបន្ទុកផ្នែកសេដ្ឋកិច្ច ភ្នាក់ងារតំណាងការិយាល័យបង្ការ និងបង្ក្រាបបទល្មើសរត់ពន្ធ តំបន់៥ លោកប្រធាន និងអនុប្រធានការិយាល័យផលិតកម្ម និងបសុព្យាបាល ព្រមទាំងមន្ត្រីជំនាញការិយាល័យផលិតកម្ម និងបសុព្យាបាលខេត្តសៀមរាប។
ប្រភពបានបញ្ជាក់ទៀតថា នៅរសៀលថ្ងៃទី២៥ខែតុលានេះ មន្ត្រីគយចល័តប្រចាំខេត្តសៀមរាប កំពុងសួរនាំអ្នកបើកបររថយន្តឈ្មោះ ឆុង ចាន់ដា អាយុ៣៩ឆ្នាំ ដើម្បីចាត់ការតាមផ្លូវច្បាប់ ។
ចែករំលែកព័តមាននេះ