រាជធានីភ្នំពេញ ៖ រថយន្តអូឌី(Audi)មួយគ្រឿង ខណៈអ្នកបើកបរគេចនឹងម៉ូតូកង់បីបានចាប់ហ្វ្រាំងទាំងបង្ខំហើយគាប់ជួនក៏ស្រាប់តែរថយន្តដឹកត្រីបើកមកពីក្រោយចាប់ហ្វ្រាំងមិនជាប់ក៏ជ្រុលទៅបុកពីក្រោយបណ្តាលឲ្យរងការខូចខាតទាំងសងខាង ហេតុការណ៍នេះបានកើតឡើងនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃ១៥ ខែតុលា ឆ្នាំ២០១៩ ទុលមុខនឹងក្លឹបកម្សាន្ត ស៊ីធី ផ្លូវ២១៧…
រាជធានីភ្នំពេញ ៖ រថយន្តអូឌី(Audi)មួយគ្រឿង ខណៈអ្នកបើកបរគេចនឹងម៉ូតូកង់បីបានចាប់ហ្វ្រាំងទាំងបង្ខំហើយគាប់ជួនក៏ស្រាប់តែរថយន្តដឹកត្រីបើកមកពីក្រោយចាប់ហ្វ្រាំងមិនជាប់ក៏ជ្រុលទៅបុកពីក្រោយបណ្តាលឲ្យរងការខូចខាតទាំងសងខាង ហេតុការណ៍នេះបានកើតឡើងនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃ១៥ ខែតុលា ឆ្នាំ២០១៩ ទុលមុខនឹងក្លឹបកម្សាន្ត ស៊ីធី ផ្លូវ២១៧ សង្កាត់ស្ទឹងមានជ័យ២ ខណ្ឌមានជ័យ ។
តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញបុរសម្នាក់រួមនឹងនារីម្នាក់បានបើករថយន្តម៉ាក Audi Q7 ពណ៌ខ្មៅ ពាក់ផ្លាកលេខ ភ្នំពេញ 2J-6868 ធ្វើដំណើរតាមផ្លូវ២១៧ ក្នុងទិសដៅពីលិចទៅកើត លុះមកដល់ចំណុចកើតហេតុបានជាន់ហ្វ្រាំងទាំងបង្ខំដើម្បីគេចនឹងម៉ូតូកង់បីមួយគ្រឿងដែលឈប់ដឹកភ្ញៀវនៅមុខក្លិប ។
គាប់ជួនក៏ស្រាប់តែរថយន្តដឹកត្រីម៉ាកហ៊ីយាន់ដាយ ពណ៌ស ពាក់ផ្លាកលេខ ភ្នំពេញ 3C- 9057 បើកដោយបុរសម្នាក់រួមដំណើរដោយមនុស្សប្រុសស្រី២នាក់ទៀតបានធ្វើដំណើរក្នុងទិសដៅស្របគ្នាចាប់ហ្វ្រាំងមិនជាប់ដោយសារតែមេឃភ្លៀងទើបជ្រុលទៅបុកនឹងរថយន្ត Audi ពីក្រោយពេញទំហឹងបណ្តាលឲ្យរងការខូចខាតក្រពឹតគូថក្រោយ ចំណែករថយន្តបង្កដឹកត្រីរងការខូចខាតក្រពឹតផ្នែកខាងមុខតែមិនបណ្ដាលឲ្យមានគ្រោះថ្នាក់ដល់មនុស្សនោះទេ ។ ក្រោយពេលកើតហេតុភាគីទាំងសង្ខាងបានសម្របសម្រួលគ្នាដោយខាងរថយន្តដឹកត្រីសុខចិត្តយករថយន្ត Audi ទៅជួសជុលឱ្យវិញដើម្បីបញ្ចប់រឿង ៕
កែសម្រួលដោយ ៖ សំណាង
ចែករំលែកព័តមាននេះ