ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា នាវា ជលយាន ជលយានយន្តគ្រប់ប្រភេទ អាចធ្វើចរាចរណ៍ឆ្លងកាត់ក្រោមស្ពានព្រែកតាមាក់បានជាធម្មតាវិញហើយ ចាប់ពីថ្ងៃផ្សាយដំណឹងនេះតទៅ។ នេះបើយោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជួនខេត្តកណ្តាល…
ខេត្តកណ្តាល ៖ បើតាមសេចក្តីរាយការណ៍បឋមបានឱ្យដឹងថា នាវា ជលយាន ជលយានយន្តគ្រប់ប្រភេទ អាចធ្វើចរាចរណ៍ឆ្លងកាត់ក្រោមស្ពានព្រែកតាមាក់បានជាធម្មតាវិញហើយ ចាប់ពីថ្ងៃផ្សាយដំណឹងនេះតទៅ។ នេះបើយោងតាមសេចក្តីជូនដំណឹងរបស់មន្ទីរសាធារណការ និងដឹកជញ្ជួនខេត្តកណ្តាល កាលពីថ្ងៃទី៣០ ខែកញ្ញា ម្សិលមិញនេះ។
សេចក្តីរាយការណ៍បន្តថា នៅក្នុងសេចក្តីជូនដំណឹងរបស់មន្ទីរសាធារណការ បានឲ្យដឹងថា សាឡង់ដឹកខ្សាច់១គ្រឿងត្រូវកម្លាំងទឹកបោក ហើយកៀបជាប់នឹងជើងតាងនៃសសរស្ពានផ្នែកកណ្តាលប៉ែកខាងកើត នៃស្ពានព្រែកតាមាក់ ស្ថិតក្នុងស្រុកខ្សាច់កណ្តាល និងស្រុកមុខកំពូលនោះ ត្រូវបានក្រុមការងារបច្ចេកទេស នៃក្រសួងសាធារណការ និងដឹកជញ្ជួន អូសទាញចេញដោយសុវត្ថិភាពរួចរាល់ជាស្ថាពរ កាលពីថ្ងៃទី៣០ ខែកញ្ញា វេលាម៉ោង១១និង៥៥នាទីថ្ងៃត្រង់។
គួររំលឹកថា ៖ ទីបំផុតយកចេញបានហើយ ក្រោយជាប់គាំងគល់ស្ពានជាង៣សប្តាហ៍៕ (កែសម្រួលដោយ ៖ បុប្ផា)
ចែករំលែកព័តមាននេះ