សុខភាពឆ្អឹងមានសារសំខាន់ខ្លាំងណាស់ក្នុងការរក្សាសុខភាពរបស់លោកអ្នកឱ្យរឹងមាំ និងរស់រវើក។ ស្ថានភាពនៃការមានឆ្អឹងទន់ខ្សោយ ត្រូវបានហៅថាជាជំងឺពុកឆ្អឹង។ ប៉ុន្ដែជាញឹកញាប់ជំងឺនេះ មិនត្រូវបានគេយកចិត្ដទុកដាក់ចាប់អារម្មណ៍ឡើយ ពីព្រោះយើងមិនអាចទទួលរងការឈឺចាប់ ឬមានរោគសញ្ញាណាមួយឡើយ រហូតទាល់តែដល់ដំណាក់កាលមួយដែលវាហួសពេលទៅហើយ។ ជាសំណាងល្អ គេអាចដឹងបានដោយការធ្វើតេស្ដដ៏សាមញ្ញមួយ ហើយគេអាចបង្ការជំងឺនេះបានតាមរយៈការប្រើប្រាស់ឱសថសមស្រប។ ប្រសិនបើជំងឺពុកឆ្អឹងមិនត្រូវបានរកឃើញ និងមិនទទួលបានការព្យាបាលទេនោះ វាអាចនាំឱ្យមានការបាក់ឆ្អឹង។ ការបាក់ឆ្អឹងដែលកើតមានច្រើនបំផុត គឺទាក់ទងនឹងឆ្អឹងខ្នង ត្រគាក និងក.ដៃ។
ចំណុចសំខាន់បំផុត គឺថា គេអាចបង្ការជំងឺពុកឆ្អឹងបាន។ មនុស្សដែលស្ថិតក្នុងហានិភ័យនៃការកើតជំងឺពុកឆ្អឹង ឬឆ្អឹងខ្សោយ គឺបុគ្គលទាំងឡាយណាដែលមានអាយុលើសពី៥០ឆ្នាំ ឬអ្នកជំងឺដែលមានការឈឺចាប់ មិនធ្ងន់ធ្ងរនៅត្រង់សន្លាក់។ ដូច្នេះពួកគេគួរតែទទួលបានការធ្វើតេស្ដដោយប្រភេទសាមញ្ញមួយនៃការថតកាំរស្មីអ៊ិច ដែលហៅថា ការស្កែនដង់ស៊ីតេរ៉ែឆ្អឹង។ ការធ្វើបែបនេះ នឹងផ្ដល់នូវការវាយតម្លៃត្រឹមត្រូវអំពីភាពរឹងមាំ ឬដង់ស៊ីតេរបស់ឆ្អឹង។ ប្រសិនបើវាមានកម្រិតទាប ពួកគេនឹងត្រូវបានចេញវេជ្ជបញ្ជាឱ្យប្រើឱសថ។ មានឱសថជាច្រើនប្រភេទដែលអាចរកបាន អាស្រ័យលើភាពធ្ងន់ធ្ងរនៃជំងឺ។ ការសិក្សាជាច្រើនបានបង្ហាញថា តាមរយៈការប្រើប្រាស់ឱសថត្រឹមត្រូវការបាក់ឆ្អឹងអាចត្រូវបានបង្ការ។
ការផ្លាស់ប្ដូររបៀបរបបរស់នៅសាមញ្ញៗអាចធ្វើឱ្យសុខភាពឆ្អឹងប្រសើរឡើង។ អ្នកជំងឺគួរតែឈប់ ឬកាត់បន្ថយការជក់បារី ដែលត្រូវបានបង្ហាញថា ជាកត្ដាបង្កើនហានិភ័យនៃការកើតមានជំងឺពុកឆ្អឹង។ ការហាត់ប្រាណមានសារប្រយោជន៍ក្នុងការធ្វើឱ្យឆ្អឹងរឹងមាំ។ សកម្មភាពនានា ដូចជា ការដើរ ការជិះកង់ ឬការលើកទម្ងន់ស្រាលៗនៅក្លឹបហាត់ប្រាណប្រើប្រាស់កម្លាំងលើឆ្អឹង និងធ្វើឱ្យឆ្អឹងប្រែប្រួលទៅតាមនោះ និងកាន់តែមានភាពរឹងមាំឡើងៗ។ សកម្មភាពទាំងនេះគួរត្រូវបានធ្វើឡើងយ៉ាងហោចណាស់បីដងក្នុងមួយសប្ដាហ៍។ ការទទួលទានជាតិកាល់ស្យូមគ្រប់គ្រាន់ មានសារសំខាន់ក្នុងការធ្វើឱ្យឆ្អឹងរឹងមាំ។ អាហារនានា ដូចជា បន្លែបៃតង ទឹកដោះគោ ឈីស និងទឹកដោះគោជូរ មានជាតិកាល់ស្យូមកម្រិតខ្ពស់។ ប្រសិនបើមនុស្សមួយចំនួនមិនអាចទទួលទានទឹកដោះគោ និងឈីស ពួកគេអាចទទួលទានសណ្ដែកសៀងជំនួសបាន។ ជាងនេះទៅទៀត ការទទួលទានអាហារបន្ថែមដែលមានជាតិកាល់ស្យូម និងវីតាមីនដេ ក៏មានប្រយោជន៍ផងដែរ។ អាហារបំប៉នទាំងនេះ មិនគួរទទួលទានជាមួយអាហារឡើយ ដោយសារជាតិអាស៊ីតអាចកាត់បន្ថយការស្រូបយកវីតាមីនពីក្រពះ។ ជាតិកាល់ស្យូម គួរទទួលទានដោយប្រុងប្រយ័ត្នសម្រាប់អ្នកជំងឺដែលមានជំងឺតម្រងនោម ឬជំងឺបេះដូង ដូច្នេះ វាជាការប្រសើរបំផុតដែលត្រូវទទួលការណែនាំពីវេជ្ជបណ្ឌិត។
ដូច្នេះប្រសិនបើអ្នកមានអាយុលើស៥០ឆ្នាំ ឬប្រសិនបើអ្នកមានការឈឺសន្លាក់ទូទៅ អ្នកគួរតែទៅជួបវេជ្ជបណ្ឌិត ដើម្បីវាយតម្លៃស្ថានភាពរបស់លោកអ្នក ពាក់ព័ន្ធនឹងជំងឺពុកឆ្អឹងដែលអាចកើតមាន។ ការធ្វើតេស្ដមានភាពឆាប់រហ័ស និងសាមញ្ញ។ ការព្យាបាលធ្វើឡើងតាមរយៈការប្រើប្រាស់ឱសថ។ ការធ្វើបែបនេះ នឹងជួយបង្ការការបាក់ឆ្អឹង និងធ្វើឱ្យអ្នកមានសុខភាពល្អ និងសកម្ម។
អត្ថបទនេះត្រូវបានរៀបរៀងដោយវេជ្ជបណ្ឌិត Andrew Quoc Dutton នាយកវេជ្ជសាស្ត្រ និងអ្នកពិគ្រោះយោបល់ គ្រូពេទ្យវះកាត់ឆ្អឹង ក្រុមការងារជំងឺឆ្អឹង អេសអឹមជី (SMG) ។
វេជ្ជបណ្ឌិតរបស់យើង
វេជ្ជបណ្ឌិត Andrew Quoc Dutton គឺជាអ្នកពិគ្រោះយោបល់ និងជាគ្រូពេទ្យវះកាត់ឆ្អឹង ដែលទទួលបានការបណ្តុះបណ្តាលតាមអាហារូបករណ៍នៃសហរដ្ឋអាមេរិក ។ គាត់មានចំណាប់អារម្មណ៍លើអនុឯកទេសនៃការវះកាត់ ដោយប្រើឧបករណ៍ឆ្លុះសន្លាក់ ឧបករណ៍ពង្រីកក្នុងឆ្អឹង និងការវះកាត់របួសដែលបណ្តាលមកពីការលេងកីឡា ការប្តូរឆ្អឹងជង្គង់ និងត្រគាក ការបណ្តុះឆ្អឹងខ្ចី និងការព្យាបាលដោយការបណ្តុះកោសិកានៅក្នុងឆ្អឹង ។ គាត់បានប្រកបវិជ្ជាជីវៈវេជ្ជសាស្ត្រអស់រយៈពេល១៧ឆ្នាំកន្លងមកហើយ ។
វេជ្ជបណ្ឌិត Dutton គឺជាគ្រូពេទ្យវះកាត់ឆ្អឹងម្នាក់ក្នុងចំណោមគ្រូពេទ្យវះកាត់ឆ្អឹងដ៏តិចតួចនៅអាស៊ីអាគ្នេយ៍ដែលអាចធ្វើការព្យាបាលដោយការបណ្តុះកោសិកានៅក្នុងឆ្អឹង ។
វេជ្ជបណ្ឌិត Dutton បានបញ្ចប់ការវះកាត់ឈាមមុខជាច្រើននៅអាស៊ីអាគ្នេយ៍ ។ គាត់ក៏ជាគ្រូពេទ្យវះកាត់ឆ្អឹងដំបូងគេបំផុត នៅប្រទេសសិង្ហបុរី ដែលធ្វើការប្តូរកែសម្រួលឆ្អឹងត្រគាកជាមួយប្រព័ន្ធម៉ូឌុយលែរ ZMR, Zimmer (សហរដ្ឋអាមេរិក) ។
អំពីស៊ីងហ្គាពួរមេឌីខលគ្រុប Singapore Medical Group (អេសអឹមជី-SMG) អ្នកផ្តល់ការថែទាំសុខភាពឯកទេស
បច្ចុប្បន្នក្រុមការងារនេះមានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ត្រនៅក្នុង Paragon, មជ្ឈមណ្ឌលឯកទេស Mount Elizabeth Novena, មជ្ឈមណ្ឌលវេជ្ជសាស្ត្រ Novena និងមជ្ឈមណ្ឌលវេជ្ជសាស្ត្រ Gleneagles ដែលមានបណ្តាញគ្លីនិក SMG Associates កាន់តែច្រើនឡើងៗ។
សេវាកម្មរបស់យើង ៖ សុខភាព
ការកែសម្ផស្ស
មគ្គុទ្ទេសក៍ស៊ីងហ្គាពួរមេឌីខលគ្រុប Singapore Medical Group (អេសអឹមជី-SMG) របស់លោកអ្នក
អេសអឹមជី មានភ្នាក់ងារខ្មែរពិសេសសម្រាប់ជួយលោកអ្នកទៅតាមតម្រូវការដូចជា ៖
សម្រាប់ព័ត៌មានបន្ថែមសូមទំនាក់ទំនង បុគ្គលិកខ្មែរប្រចាំ អេសអឹមជី (SMG) +65 9842 3560 vanessa.sophors@smg.sg ទីស្នាក់ការ ស៊ីងហ្គាពួរមេឌីខលគ្រុប Singapore Medical Group (អេសអឹមជី-SMG) ប្រចាំនៅកម្ពុជា 092 852 923, 0977 668 266 enquiry@singaporemedical.sg www.singaporemedical.sg
ចែករំលែកព័តមាននេះ