ប្រទេសអូស្ត្រាលី ៖ ពួកអ្នកស្ម័គ្រចិត្តច្រើនពាន់នាក់កាលពីថ្ងៃទី២១ កញ្ញា បានលើកគ្នាធ្វើប្រតិបត្តិការប្រមូលសំរាមក្នុងប្រទេស១៦៣ នាឱកាសនៃទិវាពិភពលោកសម្អាតផែនដី បន្ទាប់ពីបណ្ដាបាតុកម្មដើម្បីបរិយាកាស ដែលតាមពួកអ្នករៀបចំថាមានមនុស្សចូលរួមជាង៤លាននាក់លើពិភពលោក។ ប្រតិបត្តិការកម្រិតពិភពលោកនោះ គឹសំដៅសម្អាតតាមដងវិថីនានា…
ប្រទេសអូស្ត្រាលី ៖ ពួកអ្នកស្ម័គ្រចិត្តច្រើនពាន់នាក់កាលពីថ្ងៃទី២១ កញ្ញា បានលើកគ្នាធ្វើប្រតិបត្តិការប្រមូលសំរាមក្នុងប្រទេស១៦៣ នាឱកាសនៃទិវាពិភពលោកសម្អាតផែនដី បន្ទាប់ពីបណ្ដាបាតុកម្មដើម្បីបរិយាកាស ដែលតាមពួកអ្នករៀបចំថាមានមនុស្សចូលរួមជាង៤លាននាក់លើពិភពលោក។
ប្រតិបត្តិការកម្រិតពិភពលោកនោះ គឹសំដៅសម្អាតតាមដងវិថីនានា តាមមាត់សមុទ្រឬនៅតាមមាត់ទន្លេឬស្ទឹងដែលរងការបំពុល។នៅកន្លែងកម្សាន្តមាត់សមុទ្រBONDIក្រុងស៊ីដនីអូស្ត្រាលី ពួកអ្នកស្ម័គ្រចិត្តបានប្រមូលសម្រាមលើឆ្នេរខ្សាច់ ដែលមានកន្ទុយបារីនិងប្លាស្ទិក។
នៅជិតក្រុងម៉ានីលមនុស្សប្រមាណជា១០.០០០នាក់ បានដើរប្រមូលកាកសំណល់ដាក់ក្នុងថង់តាមបណ្ដោយឆ្នេរខ្សាច់ដ៏វែង ស្ថិតតាមបណ្ដាយមាត់ទឹកដែលមានការបំពុលខ្លាំង។ ពួកអ្នកស្ម័គ្រចិត្តទាំងនោះនិយាយថា គឺយើងដែលត្រូវតស៊ូដើម្បីបរិស្ថាន ពិសេសនៅក្រុងម៉ានីល ដែលមានកាកសំណល់ច្រើន។ កាកសំណល់ប្លាស្ទិកបំផ្លាញអាយុជីវិតបណ្ដាសត្វសមុទ្រ ព្រោះតែច្រឡំថាជាចំណី។
ការបំពុលដោយប្លាស្ទិកជាបញ្ហាចោទចម្បងនៅអាស៊ីអាគ្នេយ៍ ហើយជាពិសេសនៅហ្វ៊ីលីពីន៕ (កែសម្រួលដោយ ៖ បុប្ផា)
ចែករំលែកព័តមាននេះ