រាជធានីភ្នំពេញ៖ កញ្ញាណា សាឌី ពិធីការិនីប្រចាំទូរទស្សន៍បាយ័ន ប្រកបដោយសម្រស់ផូរផង់បែបធម្មជាតិ ។ កាលពីពេល ថ្មីៗកន្លងមក ពិធីការិនីស្រីមុខស្រស់ប្រិមប្រិយរូបនេះបញ្ជាក់ឲ្យដឹងថានាងមិនមែនជាកូនខ្មែរសុទ្ធទេ គឺជាកូនកាត់ ។ តើណា សាឌី កូនកាត់សាសន៍អ្វី ?
តារាសម្តែងវ័យក្មេង និងជាពិធីការិនីកញ្ញា ណា សាឌី ហាក់ដូចជាមានសន្ទុះកាន់តែខ្លាំងឡើងនៅក្នុងការងារសិល្បៈ ដោយបានលេចមុខនៅក្នុងកម្មវិធីតូចធំជាច្រើន។ នាងបានឈរឈ្មោះនៅក្នុងវិថីនេះជាយូរណាស់មកហើយ រីឯស្នាដៃដែលនាងបានធ្វើកន្លងមក ក៏មានច្រើនមិនធម្មតាដែរ។ មិនត្រឹមតែប៉ុណ្ណោះ តារារូបនេះមិនត្រឹមតែមានសមត្ថភាពល្អទេ នាងក៏មានរូបសម្រស់ទាក់ទាញអ្នកគាំទ្រណាស់ដែរ ។
ទាក់ទិននឹងជីវិតជាកូនកាត់របស់ខ្លួន ណា សាឌី បញ្ជាក់ថានាងជាកូនកាត់ខ្មែរ-ថៃ ទើបបានជាចេះនិយាយភាសាថៃបានយ៉ាតជំនាញ ។ តាមរយៈអ៊ីនស្ដេក្រាម ណា សាឌី បានទម្លាយឲ្យដឹងថា «រូបនាងខ្ញុំជាកូនកាត់ខ្មែរ-ថៃ ដោយមានឳពុកជាជនជាតិថៃ និងម្ដាយជាជនជាតិខ្មែរពិតមែន»។
ទន្ទឹមនឹងនេះជីវិតឯកជនរបស់ណា សាឌី ក៏មិនចាញ់តារាដទៃទេ ស្របពេលដែលនាងបានរស់នៅក្នុងទ្រនំយ៉ាងល្អ រីឯរថយន្ត របស់ប្រើប្រាស់សុទ្ធតែ ទំនើបៗ និង ថ្លៃៗ ខណៈពេលដែលនាងមានវ័យទើបតែខ្ទង់២០ឆ្នាំប៉ុណ្ណោះ ។ ទាំងអស់នេះហើយ គឺជាការខិតខំប្រឹងប្រែងធ្វើការងារ មិនថាយប់ថ្ងៃ ។ លើសពីនេះបន្ទាប់ពីការងារសិល្បៈ នាងក៏មានមុខរបរផ្ទាល់ខ្លួន គឺបើហាងលក់សម្លៀកបំពាក់ និងហាងលក់ប៉េងប៉ោងផងដែរ ។
បើតាមអ្នកសិល្បៈបង្ហើបឱ្យដឹងថា តារាស្រ័យវ័យ២២ឆ្នាំរូបនេះ កំពុងតែជោគជ័យលើរបររកស៊ីជាមួយគូស្នេហ៍របស់ខ្លួន ដែលជាអ្នកផលិតកម្មវិធី និងជាតារាចម្រៀងស្រីនៅក្នុងក្រុម TMS ។ ណាសាឌី មានសាងស្នេហាផ្អែមល្ហែមនឹងគ្នា ព្រមទាំងចាប់ដៃគ្នារកស៊ីបើកហាងលក់ប៉េងប៉ោង។ គេឃើញអ្នកទាំងពីរតែងតែបង្ហោះរូបភាពជាច្រើននៅតាមអ៊ីនស្តេក្រាម និងហ្វេសប៊ុក ។
ទន្ទឹមនឹងភាពផ្អែមល្ហែមបង្ហាញឡើងនៅលើបណ្ដាញសង្គម តារាស្រី និងគូស្នេហ៍ភេទដូចគ្នាមួយគូនេះតែងតែបង្ហាញវត្តមានជាមួយគ្នាសឹងតែគ្រប់កម្មវិធី និងយកចិត្តទុកដាក់នឹងគ្នាដូចជាប្ដីតែប្រពន្ធ ។
ទោះជាយ៉ាងណាក្ដីមានមតិយល់ឃើញដែរថា គ្រាន់តែស្រី និងស្រីស្និទ្ធស្នាលគ្នា មិនប្រាកដថាស្រលាញ់ភេទដូចគ្នាទេ ដរាបណាម្ចាស់ខ្លួនមិនបញ្ជាក់ ។ វាអាចក្នុងលក្ខណៈមិត្តភក្ដិធម្មតា ។ ដើម្បីបញ្ជាក់រឿងស្នេហានេះអ្នកសារព័ត៌មានបានព្យាយាមទាក់ទងទៅណា សាឌី តែលេខទូរស័ព្ទរបស់នាងទាក់ទងមិនបាន ។
ខណៈមានភាពលេចធ្លោក្នុងនាមជាអ្នកសិល្បៈ និងពិធីការិនី ណា សាឌី បើតាមការលេចឮមិនច្បាស់លាស់ខ្លះថាមានអ្នកតាមស្រលាញ់នាងច្រើន ហើយបុរសខ្លះសុខចិត្តផ្គាប់ចិត្តនាងគ្រប់បែបយ៉ាងឲ្យតែនាងស្ម័គ្រស្នេហ៍ ៕ (កែសម្រួលដោយ ៖ បុប្ផា)
ចែករំលែកព័តមាននេះ