ថាម៉េច Neymar នឹងទៅលេងឱ្យ Real Madrid នៅចុងឆ្នាំនេះ?
តាមប្រភពព័ត៌មាន The Sun បានឱ្យដឹងថា លោក Jose Carlos Peres ដែលជានាយកក្លិប Santos…
តាមប្រភពព័ត៌មាន The Sun បានឱ្យដឹងថា លោក Jose Carlos Peres ដែលជានាយកក្លិប Santos…
តាមប្រភពព័ត៌មាន The Sun បានឱ្យដឹងថា លោក Jose Carlos Peres ដែលជានាយកក្លិប Santos បានអះអាងថា Neymar នឹងចុះកុងត្រាទៅលេងឱ្យ Real Madrid នៅចុងឆ្នាំនេះ ។ អតីតកីឡាករក្លិបអ្នកមានបុណ្យ Neymar Jr. ត្រូវបន្តនៅលេងឱ្យក្លិបអ្នកមានបារាំង PSG ក្នុងរដូវកាលនេះ ក្រោយពីមានដំណឹងជាច្រើនថារូបគេចង់មកលេងនៅអេស្ប៉ាញវិញ។ គេអាចនឹងទៅលេងនៅ Real Madrid ឬក៏ត្រឡប់ទៅរកក្លិបចាស់ Barcelona វិញ ។
លោក Jose នាយកក្លិប Santos ដែលជាក្លិបចាស់របស់ Neymar មុនពេលចូលលេងនៅ Barcelona បានប្រាប់ទៅកាន់សារព័ត៌មានថា៖ «លុយនឹងនៅតែធ្លាក់មក។ គេនឹងទៅលេងឱ្យ Real Madrid បើទោះបីជាមិនមែនពេលនេះ ក៏នៅចុងឆ្នាំដែរ»។
ការលើកឡើងរបស់លោកអាចនឹងត្រូវដែរ ដោយសារតែមានព័ត៌មានថា Neymar និង Barcelona នឹងត្រូវឡើងតុលាការ ក្រោយពីដាក់ពាក្យប្តឹងរៀងខ្លួន។ សារព័ត៌មាន AS បានចុះផ្សាយថា កីឡាករប្រេស៊ីល Neymar មិនពេញចិត្តនឹងការមិនប្រគល់ប្រាក់ ៣៦លានផោន ពីក្លិប Barcelona កាលពីឆ្នាំ២០១៧។
កាលនោះ Barcelona បានឱ្យប្រាក់ត្រឹមតែ១២លានផោន ហើយមិនព្រមឱ្យផ្តាច់នោះទេ ព្រោះតែ Neymar ជ្រើសរើសយកការទៅលេងនៅ PSG។ ពេលនេះ Barcelona មិនពេញចិត្តនឹងការមិនធ្វើតាមកុងត្រារបស់ Neymar ដោយក្លិបបានទាមទារសំណង៦៨លានផោន ៕
ប្រភព ៖ Thesun , កែសម្រួលដោយ ៖ សំណាង
ចែករំលែកព័តមាននេះ