ពុទ្ធោ…គ្រោះអកុសល១គ្រួសាររងគ្រោះរបួសទាំងអស់ !
- ព្រះសីហនុ
ខេត្តព្រះសីហនុ ៖ នៅវេលាម៉ោងជិត៥ព្រឹក ថ្ងៃទី២៦ ខែសីហា ឆ្នាំ២០១៩ លើផ្លូវជាតិលេខ ៤ ចន្លោះគីឡូម៉ែត្រលេខ ១២២-១២៣…
ខេត្តព្រះសីហនុ ៖ នៅវេលាម៉ោងជិត៥ព្រឹក ថ្ងៃទី២៦ ខែសីហា ឆ្នាំ២០១៩ លើផ្លូវជាតិលេខ ៤ ចន្លោះគីឡូម៉ែត្រលេខ ១២២-១២៣…
ខេត្តព្រះសីហនុ ៖ នៅវេលាម៉ោងជិត៥ព្រឹក ថ្ងៃទី២៦ ខែសីហា ឆ្នាំ២០១៩ លើផ្លូវជាតិលេខ ៤ ចន្លោះគីឡូម៉ែត្រលេខ ១២២-១២៣ ក្នុងភូមិក្រាំងអាត់ ឃុំកំពង់សិលា ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើងរវាងរថយន្តមួយគ្រឿងម៉ាក Prius ពណ៌ទឹកប្រាក់ ពាក់ផ្លាកលេខ ភ្នំពេញ 2R-7795 មានទិសដៅពីភ្នំពេញទៅខេត្តព្រះសីហនុមកដល់ចំណុចខាងលើបានបុកពីក្រោយរថយន្តមួយគ្រឿងម៉ាកហ៊ីណូ ពណ៌ស ពាក់ផ្លាកលេខ ភ្នំពេញ 3E-0810 ដែលឈប់ចតនៅលើថ្នល់ជាតិក្នុងទិសដៅស្របគ្នា ។
ហេតុការណ៍អកុសលនេះបណ្តាលអោយអ្នកបើកបរ និងអ្នកជិះក្នុងរថយន្ត Prius រងរបួសធ្ងន់ស្រាលចំនួន០៥នាក់ទី១-ឈ្មោះ រាជ សុភាលី ភេទប្រុស អាយុ ៤៨ឆ្នាំ អ្នកបើកបរ រងរបួសស្រាល មានមុខរបរ គ្រូបង្រៀន, ទី២-ឈ្មោះ ចេង សុភាព ភេទស្រី អាយុ ៤១ឆ្នាំ រងរបួសធ្ងន់ ត្រូវជាប្រពន្ធអ្នកបើកបរ មានមុខរបរគ្រូបង្រៀន, ទី៣-ឈ្មោះ រាជ សុភាលីយី ភេទស្រី អាយុ ១៣ឆ្នាំ រងរបួសស្រាល, ទី៤-ឈ្មោះ រាជ សុភាលីយៀក ភេទស្រី អាយុ ៨ឆ្នាំ រងរបួសធ្ងន់ និងទី ៥-ឈ្មោះ រាជ សុភាលីឈុន ភេទស្រី អាយុ ៤ឆ្នាំ រងរបួសស្រាល ។
ជនរងគ្រោះទាំង៥នាក់ខាងលើនេះមានទីលំនៅភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ ។ ក្រោយកើតហេតុអ្នកបេីកបររថយន្ត ហ៊ីណូ បានរត់គេចខ្លួន ចំណែកជនរងគ្រោះបានបញ្ជូនទៅមន្ទីរពេទ្យបង្អែកស្រុកស្រែអំបិល រីឯវត្ថុតាងទាំងពីរខាងលេីយកទៅរក្សារទុកនៅអធិការរដ្ឋាននគរបាលស្រុកកំពង់សិលាដើម្បីបន្តតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ