ចម្រាញ់អស់ចុងក្រោយនៅសល់បេក្ខភាព៣រូបនេះដែលនឹងត្រូវក្លាយជាម្ចាស់ពាន…
តាមប្រភពព័ត៌មាន Goal បានឱ្យដឹងថា ខ្សែការពាររបស់ក្លិបហង្សក្រហម Virgil van Dijk ត្រូវបានគេជ្រើសរើសជាប់ជាបេក្ខជនជាមួយនឹង Lionel Messi…
តាមប្រភពព័ត៌មាន Goal បានឱ្យដឹងថា ខ្សែការពាររបស់ក្លិបហង្សក្រហម Virgil van Dijk ត្រូវបានគេជ្រើសរើសជាប់ជាបេក្ខជនជាមួយនឹង Lionel Messi…
តាមប្រភពព័ត៌មាន Goal បានឱ្យដឹងថា ខ្សែការពាររបស់ក្លិបហង្សក្រហម Virgil van Dijk ត្រូវបានគេជ្រើសរើសជាប់ជាបេក្ខជនជាមួយនឹង Lionel Messi និង Cristiano Ronaldo ក្នុងការដណ្តើមយកពាន UEFA Player of the Year ។
កីឡាករខ្សែការពាររបស់ក្លិប Liverpool រូបនេះបានរួមចំណែកនាំក្រុមហង្សក្រហមទៅដល់ពាន European Cup ដោយយកឈ្នះ Tottenham ក្នុងលទ្ធផល 2-0 ក្នុងទីក្រុង Madrid ។ Messi ដែលជា Top Scorer នៅក្នុងការប្រកួត Champions League បានឈ្នះពានស្បែកជើងមាស ហើយក៏បានជួយក្រុមលើកពាន La Liga ទី១០ នៅក្លិប Barcelona ។ ចំណែកឯ Ronaldo វិញដែលត្រូវបានគេដឹងថា ជាជើងខ្លាំងបានជួយក្លិបសេះបង្កង់ Juventus ឱ្យបានលើកពាន Serie A នៅរដូវកាលមុនក្នុងប្រទេសអ៊ីតាលីផងដែរ ។
ឈ្មោះបេក្ខភាពត្រូវបានរើសដោយក្រុមអ្នកឱ្យពិន្ទុ ដែលមានគ្រូបង្វឹក៨០នាក់ព្រមទាំងអ្នកកាសែត៥៥នាក់ផងដែរ ។ ពួកគេបានជ្រើសរើសកីឡាករបីនាក់ដែលអ្នកទីមួយបាន៥ពិន្ទុ អ្នកទីពីរបាន៣ពិន្ទុ និងអ្នកទីបីបាន១ពិន្ទុ ។
គួរបញ្ជាក់ផងដែរថា អ្នកដែលជាប់លេខ៤គឺ Alisson Becker ខណៈដែល Sadio Mane ជាប់លេខ៥ និង Mohamed Salah ជាប់លេខ៦ ។ អ្នកឈ្នះក្នុងការយកពាននេះនឹងត្រូវប្រកាសនៅថ្ងៃទី២៩ សីហា នេះ ៕
ប្រភព ៖ goal , កែសម្រួលដោយ ៖ សំណាង
ចែករំលែកព័តមាននេះ