ខេត្តបន្ទាយមានជ័យ ៖ កម្លាំងកងរាជអាវុធហត្ថបង្ក្រាបសំបុកចែកចាយ និងប្រើប្រាស់គ្រឿងញៀនឃាត់ខ្លួនបាន៩នាក់ និងវត្ថុតាងមួយចំនួនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៥ ខែសីហា ឆ្នាំ២០១៩ ។ លោកវរសេនីយ៍ត្រី នួន…
ខេត្តបន្ទាយមានជ័យ ៖ កម្លាំងកងរាជអាវុធហត្ថបង្ក្រាបសំបុកចែកចាយ និងប្រើប្រាស់គ្រឿងញៀនឃាត់ខ្លួនបាន៩នាក់ និងវត្ថុតាងមួយចំនួនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៥ ខែសីហា ឆ្នាំ២០១៩ ។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យដែលត្រូវឃាត់ខ្លួន៩នាក់មានទី១-ឈ្មោះ ហាក់ ផាន់ណា ភេទប្រុស អាយុ៣២ឆ្នាំ, ទី២-ឈ្មោះ វ៉ាន់ រី ភេទប្រុស អាយុ៣៦ឆ្នាំ, ទី៣-ឈ្មោះ ហេង សុភក្តិ ភេទប្រុស អាយុ៣៦ឆ្នាំ, ទី៤-ឈ្មោះ គង់ សុជាតិ ភេទប្រុស អាយុ៣៩ឆ្នាំ, ទី៥-ឈ្មោះ ថៃ រ៉ាឌី ភេទប្រុស អាយុ២៤ឆ្នាំ, ទី៦-ឈ្មោះ លាង លី ភេទប្រុស អាយុ២១ឆ្នាំ, ទី៧-ឈ្មោះ តឿម តាន ភេទប្រុស អាយុ១៧ឆ្នាំ, ទី៨-ឈ្មោះ ផន សុជា ភេទប្រុស អាយុ២២ឆ្នាំ និងទី៩-ឈ្មោះ ហាន ឆ្នើម ភេទប្រុស អាយុ២៥ឆ្នាំ ជនទាំងនេះស្នាក់នៅសង្កាត់-ក្រុងប៉ោយប៉ែត ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបានបញ្ជាក់ថា នៅពេលឃាត់ខ្លួនជនសង្ស័យគឺកម្លាំងកងរាជអាវុធហត្ថក្រុងប៉ោយប៉ែតបានធ្វើការស្រាវជ្រាវ និងកំណត់មុខសញ្ញា ហើយចុះប្រតិបត្តិការបង្ក្រាបសំបុកចែកចាយ និងប្រើប្រាស់គ្រឿងញៀនឃាត់ខ្លួនជនសង្ស័យចំនួន៩នាក់ព្រមដកហូតគ្រឿងញៀនប្រភេទមេតំហ្វេតាមីនហៅខេទឹកកកចំនួន០៣កូនថង់តូច ស្មើ០,៦០ក្រាម និងយ៉ាម៉ា២គ្រាប់ និងឧបករណ៍សេពគ្រឿងញៀនមួយចំនួនទៀត ដែលការចុះបង្ក្រាបនោះនៅថ្ងៃទី១៣ ខែសីហា ឆ្នាំ២០១៩ នៅចំណុចបរិវេណកាស៊ីណូផ្កាយប្រាំ ស្ថិតនៅភូមិក្បាលស្ពានមួយ សង្កាត់-ក្រុងប៉ោយប៉ែត ។
លោកបានបញ្ជាក់ថា ក្រោយពេលឃាត់ខ្លួនជនសង្ស័យទាំង៩នាក់ និងវត្ថុតាងគ្រឿងញៀនត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តន៍តាមច្បាប់ ៕
កែសម្រួលដោយ ៖ សំណាង
ចែករំលែកព័តមាននេះ