ខេត្តក្រចេះ ៖ សេចក្តីរាយការណ៍បឋមឱ្យដឹងបន្តថា ក្រោយពីសម្រេចឃាត់ខ្លួនឧកញ៉ា គង់ គ្រឹង រួមទាំងកូនប្រសានោះ នឹងត្រួវនាំពួកគេទៅចង្អុលបង្ហាញបណ្តាទីតាំងសិប្បកម្មឈើរបស់ខ្លួន នៅថ្ងៃទី១៦ សីហា…
ខេត្តក្រចេះ ៖ សេចក្តីរាយការណ៍បឋមឱ្យដឹងបន្តថា ក្រោយពីសម្រេចឃាត់ខ្លួនឧកញ៉ា គង់ គ្រឹង រួមទាំងកូនប្រសានោះ នឹងត្រួវនាំពួកគេទៅចង្អុលបង្ហាញបណ្តាទីតាំងសិប្បកម្មឈើរបស់ខ្លួន នៅថ្ងៃទី១៦ សីហា នេះ ។ គួររំលឹកថា ឧកញ៉ា គង់ ក្រឹង និងកូនប្រសា ត្រូវបានសមត្ថកិច្ចឃាត់ខ្លួន បន្ទាប់ពីកម្លាំងអាវុធហត្ថខេត្តក្រចេះ បានហៅមកសាកសួរអស់រយៈពេញ១ថ្ងៃនូវរបរឈើរបស់ខ្លួន នៅថ្ងៃទី១៥ សីហា ។ សូមរំលឹកថា៖ ឧកញ៉ា គង់ ក្រឹង និងមនុស្ស៦នាក់ មាន កូននិងមេការ…ចូលខ្លួនបំភ្លឺ
បើតាមលោកកែវ សុជាតិ ព្រះរាជអាជ្ញាអមសាលាដំបូងខេត្តក្រចេះបានថ្លែងប្រាប់បណ្តាញសារព័ត៌មានកាលពីយប់ថ្ងៃទី១៥ សីហា ដដែលថា ឈ្មួញប្រព្រឹត្តបទល្មើសព្រៃឈើដ៏ល្បីល្បាញប្រចាំខេត្តក្រចេះ គឺជាឧកញ៉ាគង់ ក្រឹង និងកូនប្រសាឈ្មោះម៉ាត់ណាស៊ាត ដែលត្រូវបានសមត្ថកិច្ចកងរាជអាវុធហត្ថខេត្តក្រចេះបានឃាត់ខ្លួនហេីយ ។
សូមបញ្ជាក់ទៀតថា នាយឧត្តមសេនីយ៍សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ កាលពីវេលាថ្ងៃត្រង់ទី៥ សីហា បានដឹកនាំកម្លាំងជាច្រើននាក់ចុះបង្ក្រាបបទល្មេីសព្រៃឈើរបស់ឧកញ៉ា គង់ ក្រឹង នៅស្រុកស្នួល ខេត្តក្រចេះ ដែលជាប់ព្រំដែនប្រទេសវៀតណាម ។
ឧកញ៉ា គង់ ក្រឹង ត្រូវបានមជ្ឈដ្ឋានជាច្រើនដឹងយ៉ាងច្បាស់ថា ឈ្មួញប្រព្រឹត្តបទល្មើសព្រៃឈើដ៏ល្បីល្បាញ ក្នុងទឹកដីស្រុកស្នួល ខេត្តក្រចេះ ប្រហាក់ប្រហែលគ្នា និងឧកញ៉ា ស៊ឹង សំអុល ជាឈ្មួញប្រព្រឹត្តបទល្មើសព្រៃឈើប្រចាំខេត្តមណ្ឌលគិរី ហើយឧកញ៉ា ស៊ឺង សំអុល ក៏ត្រូវបានចាប់ឃុំខ្លួនដាក់ពន្ធនាគារគ្នានេះដែរ ។
ដូច្នេះ វាសនាឧញ៉ា គង់ ក្រឹង ជាឈ្មួញបំផ្លិញបំផ្លាញព្រៃឈើដ៏ល្បីល្បាញនេះ ទំនងមិនអាចគេចផុតពីការឃុំខ្លួនដាក់ពន្ធនាគារជាបណ្តោះអាសន្ននោះ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ