ខេត្តព្រះសីហនុ ៖ កាលពីរសៀលថ្ងៃទី១២ សីហា លោកគួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំកិច្ចប្រជុំជាមួយម្ចាស់សំណង់អគារ និងម្ចាស់ដីចំនួន២ ក្នុងក្រុងព្រះសីហនុ…
ខេត្តព្រះសីហនុ ៖ កាលពីរសៀលថ្ងៃទី១២ សីហា លោកគួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំកិច្ចប្រជុំជាមួយម្ចាស់សំណង់អគារ និងម្ចាស់ដីចំនួន២ ក្នុងក្រុងព្រះសីហនុ ក្នុងនោះមានសំណង់របស់លោក ZHU FUBING មានទីតាំងស្ថិតក្នុងភូមិ0៤ សង្កាត់0៤ ក្រុងព្រះសីហនុ (សំណង់អគារស្រុតនិងប្រេះស្រាំ) និងសំណង់របស់លោក MA SHUNDI ស្ថិតនៅភូមិ0៣ សង្កាត់លេខ0២ ក្រុងព្រះសីហនុ សំណង់អគារមានសភាពទ្រេត ។ សូមបញ្ជាក់ថា៖ ប្រកាសឱ្យចាកចេញពីផ្ទះនាគ..ពីអគារកម្ពស់9ជាន់នេះ
លោក គួច ចំរើន បានមានប្រសាសន៍ថា តាមមន្ត្រីបច្ចេកទេសនៃក្រសួងដែនដីនគរូបនីយកម្ម និងសំណង់បានធ្វើការសិក្សាវាយតម្លៃផលប៉ះពាល់យ៉ាងធ្ងន់ធ្ងរ មិនអាចឱ្យដំណើរការសាងសង់ និងដាក់ឱ្យប្រើប្រាស់ជាផ្លូវការនូវសំណង់អគារទាំងពីរខាងលើ និងបានសំណូមពរឱ្យម្ចាស់អគារទាំងពីរខាងលើអនុវត្តតាមការជូនដំណឹងរបស់មន្ត្រីជំនាញ ព្រោះវាអាចបង្ករហានិភ័យដល់ប្រជាពលរដ្ឋ ក៏ដូចជាបុគ្គលិកបម្រើការងារនៅក្នុងអគារនេះផងដែរ ។
ក្រោយពីបានស្តាប់ការបកស្រាយពីអភិបាលខេត្តរួច លោក ZHU FUBING ម្ចាស់សំណង់អគារ មានទីតាំងស្ថិតនៅចំណុចក្បែររង្វង់មូលតោ០២ក្នុងភូមិ0៤ សង្កាត់0៤ ក្រុងព្រះសីហនុ (សំណង់ផ្នែកអគារខាងឆ្វេងសភាពស្រុតប្រវែង១១៧មីលីម៉ែត្រ និងផ្នែកខាងស្តាំស្រុតប្រវែង៩០មីលីម៉ែត្រ ហើយមានសភាពប្រេះស្រាំផងដែរ) ។
ថ្មីៗនេះ រដ្ឋបាលខេត្តបានចេញលិខិតឱ្យជម្លៀសមនុស្សចេញ និងធ្វើការរុះរើសំណង់នេះជាបន្ទាន់ ។ លោក ZHU FUBING ម្ចាស់សំណង់បានយល់ព្រមរុះរើ តាមការណែនាំរបស់រដ្ឋបាលខេត្ត ក៏ប៉ុន្តែស្នើសុំរដ្ឋបាលខេត្តជួយសិក្សាផ្នែកបច្ចេកទេស និងលិខិតអនុញ្ញាតសាងសង់ឡើងវិញ និងសុំពន្យាពេលកិច្ចសន្យាជាមួយម្ចាស់ដីពីសេវាតម្លៃនៃការជួលដី ។ ដោយឡែក សំណង់លោក MA SHUNDI ស្ថិតនៅតាមបណ្តោយវិថីបុរីកម្មរ( ផ្លូវសេតេ)ភូមិ0៣ សង្កាត់លេខ0២ ក្រុងព្រះសីហនុ សំណង់អគារមានសភាពទ្រេត រដ្ឋបាលខេត្តបានចេញលិខិតឱ្យជម្លៀសមនុស្សចេញនិងរុះរើសំណង់ជាបន្ទាន់ ។
ព្រោះសំណង់នេះមន្ត្រីផ្នែកបច្ចេកទេសនៃក្រសួងដែនដីបានពិនិត្យឃើញថា សំណង់មានហានិភ័យសភាពទ្រេតជាខ្លាំង ត្រូវធ្វើការរុះរើចេញ ។ ម្ចាស់សំណង់ក៏បានឯកភាព ក៏ប៉ុន្តែស្នើសុំឱ្យរដ្ឋបាលខេត្តជួយសម្របសម្រួលជាមួយម្ចាស់ដីអំពីតម្លៃសេវាជួលដីក្នុងពេលនៃការរុះរើ និងសុំជួយសម្រួលច្បាប់សាងសង់ឡើងវិញ។
កិច្ចប្រជុំបានឯកភាពតាមសំណើររបស់រដ្ឋបាលខេត្ត ដោយម្ចាស់សំណង់អគារទាំងពីរខាងលើបានឯកភាពតាមការស្នើសុំឱ្យរុះរើរបស់រដ្ឋបាលខេត្តព្រះសីហនុ ហើយម្ចាស់ដីទាំងពីរក៏បានឯកភាពបន្ថែមកិច្ចសន្យាមិនគិតថ្លៃឈ្នួលរយៈពេលរុះរើនិងធ្វើការសាងសង់ឡើងវិញ តាមការស្នើសុំរបស់ម្ចាស់សំណង់ផងដែរ ៕
ចែករំលែកព័តមាននេះ