ក្រុងហុងកុង ៖ ព្រលានយន្តហោះអន្តរជាតិក្រុងហុងកុង ប្រកាសលុបចោលសម្រាប់ថ្ងៃទី១២ ខែសីហា ឆ្នាំ២០១៩ រាល់ជើងហោះហើរទាំងអស់របស់យន្តហោះ មកពីបាតុកម្មដ៏ធំក្នុងព្រលាននោះដែលប្រមូលផ្ដុំមនុស្សច្រើនពាន់នាក់។
ក្នុងសេចក្ដីប្រកាសមួយអាជ្ញាធរព្រលានយន្តហោះគូសបញ្ជាក់ថា លើកលែងតែការហោះចាកចេញដែលមានក្នុងបញ្ជីរួចហើយ និងការហោះហើរមកដែលកំពុងធ្វើ មកកាន់ក្រុងហុងកុង រាល់ការហោះហើរដទៃៗទៀតត្រូវលុបចោលទាំងអស់។
នេះជាសេចក្ដីសម្រេចចម្បងមួយសម្រាប់ព្រលានយន្តហោះអន្តរជាតិដ៏មមាញឹកនោះ ដែលក្នុងឆ្នាំ២០១៨ ក្លាយជាព្រលានយន្តហោះមមាញឹកទី៨នៃពិភពលោក ជាមួយអ្នកដំណើរ៧៤លាននាក់។
ទីខាងមុខនៃកន្លែងអ្នកដំណើរមកដល់ ដែលចាប់តាំងពីថ្ងៃទី៩សីហាមក ក្លាយជាកន្លែងអង្គុយធ្វើបាតុកម្ម របស់ពួកបាតុករស្និទ្ធលទ្ធិប្រជាធិបតេយ្យ នាថ្ងៃទី១២សីហាមានការប្រមូលផ្ដុំបាតុករ កាន់តែច្រើនទើបមានការសម្រេចលុបចោលការហោះហើរទាំងអស់បែបនេះ៕ (កែសម្រួលដោយ ៖ បុប្ផា) (ប្រភពវីដេអូពី ៖ Erin Hale & Coconuts Hong Kong)
ចែករំលែកព័តមាននេះ