ខេត្តកណ្តាល ៖ គួរឱ្យសង្វេគនិងអាណិតណាស់ សម្រាប់ការតស៊ូររបស់លោកយាយម្នាក់ ដែលពិការភ្នែកទាំងគូ ហើយខិតខំចឹញ្ចឹមដោយខ្លួនឯងគ្មានកូនចៅយ៉ាងត្រដាបត្រដួស រស់នៅក្នុងខ្ទមតែម្នាក់ឯង រង់ចាំជីវិតចុងក្រោយ ។
អង្គុយក្នុងខ្ទមដែលមានជញ្ជាំងស័ង្កសីប៉ុន្មានសន្លឹក លាយនឹងជញ្ជាំងស្លឹកត្នោតធ្លុះធ្លាយ ទាំងមុខស្រងូតស្រងាត់ លោកយាយ ទឹម សៃវ៉ាន ពិការភ្នែកទាំងទ្វេរ រស់នៅក្នុងភូមិព្រែកក្រាញ់ ឃុំព្រែកអំបិល ស្រុកស្អាង ខេត្តកណ្តាល បាននិយាយលាយនឹងទឹកភ្នែកថា «ចៅអើយ ជីវិតយាយលំបាកណាស់ គ្មានប្រាក់ដើម្បីទិញចំណីអាហារនោះទេ ។ ពេលខ្លះ មានលុយបន្តិចបន្តួចពីការផ្តល់របស់អ្នកមានចិត្តសប្បុរសផ្តល់ឲ្យ ដើម្បីទិញចំណីរបានព្រឹកខ្វះល្ងាច ក៏មានព្រោះ យាយពិការភ្នែកទាំងពីរ។ យាយមើលមិនឃើញអ្វីទេហើយមិនអាចធ្វើអ្វីបានទេ។យាយរស់ នៅយ៉ាងវេទនា ណាស់ព្រោះចង់ ទៅណា មកណា ឬប្រកបរបអ្វីដូចគេ ពិបាកណា ស់ចៅ អើយ» ។ លោកយាយសៃ វ៉ាន បានឲ្យដឹងថា លោកយាយមានអាយុ៧៨ឆ្នាំ ហើយលោកយាយបានពិការភ្នែកទាំងគូរតាំងពីអាយុ៤ឆ្នាំមកម្លេ៉ះ ដោយសារកើតជំងឺអុតធំចំភ្នែកតែម្តង។
ជាមួយគ្នានោះដែរ លោកយាយក៏បានឲ្យដឹងថា លោកយាយមានបងប្អូន៤នាក់ ហើបានស្លាប់ពីនាក់រស់នៅម្នាក់ ក៏ចាស់ជរាមិនអាចប្រកបរបអ្វីបាននោះទេ ។ លោកយាយ គឺជាកូនពៅគេ នៃក្នុងគ្រួសារនិងគ្មានកូនចៅនោះទេ ។ ដោយសារពិបាក ក្នុងការជីវិតរស់នៅ លោកយាយបានអំពាវនាវឲ្យសប្បុរស់ជនជួយជាសំភារ និងថវិកាបន្តិចបន្តួច ដើម្បីចឹញ្ចឹមជីវិតនិងបន្តមានជីវិតរស់នៅបន្តទៀតផងដែរ។
លោកយាយក៏បានឲ្យដឹងថា កាល ពីលោកយាយមានកំលាំងពេញ លោកយាយក៏ធ្លាប់លក់របស់របគ្រឿងទេសបន្តិចបន្តួច នៅក្នុងភូមិទាំងខ្លួនពិការ ដើម្បីបានលុយមកផ្គត់ផ្គង់ក្រពះ ប៉ុន្តែពេលនេះមិនអាចធ្វើអ្វីបានទេ អង្គុយតែក្នុងខ្ទមប៉ុណ្ណោះ ប្រៀបដូចជាកូនចាបរង់ចាំ មេមកផ្តល់ ចំណីរអីញ្ចឹង ។ (សម្រួលដោយ៖ ស្រីណា)
ចែករំលែកព័តមាននេះ