រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិលោក គង់ គាំ បានហៅទង្វើរបស់អាមេរិកធ្វើមកលើកម្ពុជាមានចេតនាអាក្រក់ក្នុងការចោទប្រកាន់ថា កម្ពុជាអនុញ្ញាតឲ្យចិនបង្កើតមូលដ្ឋានយោធានៅកម្ពុជា ។ ការលើកឡើងរបស់មន្ត្រីជាន់ខ្ពស់អតីតបក្សប្រឆាំងនេះបន្ទាប់ពីសហរដ្ឋអាមេរិកបានធ្វើច្បាប់ស្តីពីលិទ្ធិប្រជាធិបតេយ្យនៅកម្ពុជា២០១៩ ដែលដាក់គំនាបមកលើរាជរដ្ឋាភិបាលកម្ពុជា និងថា កម្ពុជាបានចុះកិច្ចព្រមព្រៀងសម្ងាត់អនុញ្ញាតឲ្យចិនដាក់មូលដ្ឋានព័ទនៅសមុទ្ររាម ក្នុងខេត្តព្រះសីហនុរបស់កម្ពុជា ។
យ៉ាងណាក្តីអតីតមន្ត្រីជាន់ខ្ពស់លោក គង់ គាំ បានសោកស្តាយចេតនា និងកាយវិការសហរដ្ឋអាមេរិកមួយចំនួនរហូតមកបានធ្វើឲ្យទំនាក់ទំនង និងសហប្រតិបត្តិការមួយចំនួនរវាងគ្នាមានធ្លាក់ចុះជាមួយកម្ពុជា ។ លោកបន្តថា ព្រះរាជាណាចក្រកម្ពុជាមិនអនុញ្ញាតឲ្យមានមូលដ្ឋានយោធាបរទេសនៅលើទឹកដីរបស់ខ្លួន ហើយក៏មិនអនុញ្ញាតឲ្យមានមូលដ្ឋានយោធារបស់ខ្លួននៅបរទេសដែលលើកលែង តែក្នុងក្របខណ្ឌនៃសំណូមពររបស់អង្គការសហប្រជាជាតិ ៕ កែសម្រួលដោយ ៖ សុឃាក់
ចែករំលែកព័តមាននេះ