ខេត្តឧត្តរមានជ័យ ៖ ក្រោយពីបានសមត្ថកិច្ចចុះធ្វើការផ្សព្វផ្សាយដល់ប្រជាពលរដ្ឋពីផលប៉ះពាល់នៃការប្រើអាវុធកែច្នៃរួចមក ពួកគាត់បានយកអាវុធកែច្នៃចំនួន២ដើមមកប្រគល់ឱ្យសមត្ថកិច្ចកាលពីវេលាម៉ោង៩និង១៥នាទីព្រឹកថ្ងៃទី២៤ កក្កដា ឆ្នាំ២០១៩ ស្ថិតនៅក្នុងភូមិមានជ័យ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។…
ខេត្តឧត្តរមានជ័យ ៖ ក្រោយពីបានសមត្ថកិច្ចចុះធ្វើការផ្សព្វផ្សាយដល់ប្រជាពលរដ្ឋពីផលប៉ះពាល់នៃការប្រើអាវុធកែច្នៃរួចមក ពួកគាត់បានយកអាវុធកែច្នៃចំនួន២ដើមមកប្រគល់ឱ្យសមត្ថកិច្ចកាលពីវេលាម៉ោង៩និង១៥នាទីព្រឹកថ្ងៃទី២៤ កក្កដា ឆ្នាំ២០១៩ ស្ថិតនៅក្នុងភូមិមានជ័យ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។
ប្រជាពលរដ្ឋដែលយកអាវុធកែច្នៃមកប្រគល់ឱ្យសមត្តកិច្ច ក្នុងនោះម្នាក់ឈ្មោះជិន វី ភេទប្រុសអាយុ៣៦ឆ្នាំ និងម្នាក់ទៀតឈ្មោះ គិន រដ្ឋា ភេទប្រុស អាយុ២៨ឆ្នាំ ។ ប្រជាពលរដ្ឋទាំង២នាក់រស់នៅភូមិមានជ័យ ឃុំទំនប់ដាច់ ស្រុកត្រពាំងប្រាសាទខេត្តឧត្តរមានជយ័ ។
ប្រជាពលរដ្ឋជាច្រើននាក់ដែលរស់នៅក្នុងតំបន់នោះបានឱ្យដឹងថា នៅតាមភូមិឃុំសម្បូទៅដោយអាវុធកែច្នៃដែលពួកគាត់អះអាងថា ជាអាវុធសម្រាប់បរបាញ់សត្វព្រៃ តែអាវុធកែច្នៃក៏អាចសម្លាប់មនុស្សបានផងដែរ ហើយពួកគាត់ក៍ថ្លែងអរគុណដល់សមត្ថកិច្ចដែលមានវិធានការចំពោះអាវុធកែច្នៃទាំងនេះ និងអំពាវនាវដល់សមត្ថកិច្ចមានវិធានការជាបន្តទៀតផងដែរ។
តាមប្រភពពីប៉ូលិសស្រុកត្រពាំងប្រាសាទបានឱ្យដឹងថា សមត្ថកិច្ចបានចុះផ្សព្វផ្សាយដល់ប្រជាពលរដ្ឋនៅតាមបណ្តាភូមិ ឃុំ ស្រុក ពីផលប៉ះពាល់នៃអាវុធកែច្នៃ ។ បើប្រជាពលរដ្ឋណា ម្នាក់មានកាំភ្លើងកែច្នៃ(ដែលគេតែងតែហៅថា កាំភ្លើងឆ្នុកដូង)ត្រូវយកមកប្រគល់ឱ្យសមត្ថកិច្ច តែបើនៅរក្សាទុកនឹងត្រូវទទួលទោសតាមផ្លូវច្បាប់។
ក្រោយពីបានធ្វើការផ្សព្វផ្សាយរួចមក ក៏មានប្រជាពលរដ្ឋចំនួន២នាក់បានយកអាវុធកែច្នៃចំនួន២ដើមមកប្រគល់ឱ្យសមត្ថកិច្ច បន្ទាប់មកសមត្ថកិច្ចក៏បានធ្វើការអប់រំ រួចឱ្យវិលត្រឡប់ទៅលំនៅឋានរៀងៗខ្លួនវិញផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ