ខេត្តបន្ទាយមានជ័យ ៖ ម៉ូតូចម្រុះជាច្រើនគ្រឿង ត្រូវបាននគរបាលជំនាញចរាចរនៃអធិការដ្ឋាននគរបាលក្រុងប៉ោយប៉ែតឃាត់ចាប់អប់រំអ្នកបើកបរឲ្យគោរពច្បាប់ចរាចរណ៍ និងតម្រូវឱ្យពាក់មួកសុវត្ថិភាពដាក់កញ្ចក់មើលក្រោយឲ្យបានត្រឹមត្រូវ ទើបអនុញ្ញាតឱ្យវិលត្រឡប់ទៅវិញបាន។
ប្រត្តបត្តិការនេះ ធ្វើឡើងនាព្រឹកថ្ងៃទី២០ កក្កដា នេះ ស្ថិតលើដងផ្លូវជាតិលេខ5 មុខវត្តបាលិលេយ្យក្នុងភូមិក្បាលស្ពាន02 សង្កាត់និងក្រុងប៉ោយប៉ែត ។ រាល់ម៉ូតូដែលឃាត់ចាប់ទាំងអស់ ខ្លះគ្មានកញ្ចក់ខ្លះអ្នកបើកបរមិនពាក់មួកសុវត្ថិភាព និងភាគច្រើនគ្មានទាំងមួកសុវត្ថិភាពគ្មានទាំងកញ្ចក់ប៉ុន្តែ ។
សមត្ថកិច្ចបានតម្រូវឲ្យម្ចាស់ទៅរកមួកនិងកញ្ចក់បំពាក់រួចរាល់ទើបឲ្យយកចេញពីចំណុចកើតហេតុបាន។អ្នកបើកបរម៉ូតូខ្លះជាជនជាតិចិនផងដែរ ហើយការចុះពង្រឹងច្បាប់ចរាចរនេះសមត្ថកិច្ចជំនាញធ្វើឡើងដោយមិនរើសមុខឡើយទោះជាមន្ត្រីឬសមត្ថកិច្ចក៌ឃាត់ណែនាំឲ្យរកមួកសុវត្ថិភាពនិងកញ្ចក់បំពាក់ដូចគ្នា។
លោកឈឿន ប៊ុនថា អធិការរងទទួលផែនចរាចរនៃអធិការដ្ឋាននគរបាលក្រុងប៉ោយប៉ែតប្រាប់កោះសន្តិភាពនៅកន្លែងកើតហេតុថា វិធានការនេះធ្វើឡើងដើម្បីពង្រឹងច្បាប់ចរាចរផ្លូវគោកពោល ដើម្បីកាត់បន្ថយអត្រាកាស្លាប់ និងរបួសដោយសារគ្រោះថ្នាក់ចរាចរណ៍តែម្តង។
លោកអធិការរងរូបនេះបន្តថា រាល់ម៉ូតូដែលចាប់គឺតម្រូវឲ្យអនុវត្តនៅនិងកន្លែងអ្នកបើកបរត្រូវទៅរកទិញមួកសុវត្ថិភាព ឬកញ្ចក់មើលក្រោយមកបំពាក់ ទើបអនុញ្ញាតឲ្យយកម៉ូតូត្រឡប់។
ទោះជាយ៉ាងណាសមត្ថកិច្ចមិនតម្រូវឲ្យអ្នកបើកបរទាំងនេះបង់ប្រាក់ សូម្បីតែ100រៀល។ លោកបន្តថាវិធានការនេះធ្ វើឡើងតាមបទបញ្ជាណែនាំរបស់លោកឧត្តមសេនីយ៍ទោអាត់ខែមស្នងការនគរបាលខេត្តក៌ដូចជាលោកស្នងការរងទទួលផែនចរាចរផ្លូវគោកផងដែរ ។
លោកអធិការរងបញ្ជាក់ថា វិធាការនេះនិងចុះអនុវត្តជាប់រយៈពេល១ខែចាប់ពីពេលនេះតទៅ ។ ក្នុងឱកាសនេះ លោកក៏បានអំពាវនាវដល់ពលរដ្ឋគ្រប់រូប ត្រូវចូលរួមគោរពច្បាប់ចរាចរបើកបរម៉ូតូត្រូវពាក់មួកសុវត្ថិភាពនិងមានកញ្ចក់មើល ។ (សម្រួលដោយ៖ ស្រីណា)
ចែករំលែកព័តមាននេះ