ប្រមុខក្រុមរដ្ឋអ៊ិស្លាម សង្ស័យនៅលីប៊ី
ប្រទេសលីប៊ី ៖ អតីតរដ្ឋមន្ត្រីមហាផ្ទៃអុីរ៉ាក់ លោកBAQIR JABR AL ZUBAIDI អះអាងកាលពីថ្ងៃទី១៥កក្កដាថា ប្រមុខក្រុមរដ្ឋអ៊ិស្លាមABOU BAKR…
ប្រទេសលីប៊ី ៖ អតីតរដ្ឋមន្ត្រីមហាផ្ទៃអុីរ៉ាក់ លោកBAQIR JABR AL ZUBAIDI អះអាងកាលពីថ្ងៃទី១៥កក្កដាថា ប្រមុខក្រុមរដ្ឋអ៊ិស្លាមABOU BAKR…
ប្រទេសលីប៊ី ៖ អតីតរដ្ឋមន្ត្រីមហាផ្ទៃអុីរ៉ាក់ លោកBAQIR JABR AL ZUBAIDI អះអាងកាលពីថ្ងៃទី១៥កក្កដាថា ប្រមុខក្រុមរដ្ឋអ៊ិស្លាមABOU BAKR AL BAGDADI សង្ស័យស្ថិតនៅក្នុងប្រទេសលីប៊ី ដែលនៅទីនោះរូបគេត្រៀមធ្វើការអំពាវនាវមួយ ឲ្យធ្វើការវាយប្រហារនានានៅអុីរ៉ាក់និងនៅអេហ្ស៊ីប ព្រមទាំងនៅទុយនីស៊ីផងដែរ។
អតីតរដ្ឋមន្ត្រីមហាផ្ទៃអុីរ៉ាក់រូបនោះអះអាងថា បានទទួលព័ត៌មានថ្មីៗពីប្រមុខក្រុមរដ្ឋអ៊ិស្លាម ដែលពេលនេះស្ថិតនៅក្នុងភាពលាក់ខ្លួន។ លោកថាABOU BAKR AL BAGDADIពុំមែនស្ថិតនៅក្នុងប្រទេសអុីរ៉ាក់ឡើយ។ តាមព័ត៌មាននានាដែលខ្ញុំទទួលបាន ជននោះបច្ចុប្បន្នស្ថិតនៅលីប៊ីនិងថា ក្នុងពេលឆាប់ៗខាងមុខនេះ រូបគេនឹងចេញផ្សាយសុន្ទរកថាមួយ ដែលអំពាវនាវឲ្យដំណើរការឡើងវិញ បណ្ដាសាខាដែលសម្ងំស្ងៀមនៅអុីរ៉ាក់។
លោកបន្តថាក្រុមរដ្ឋអ៊ិស្លាមនឹងប្រមូលផ្ដុំមនុស្សឡើងវិញនៅទីក្រុងសាម៉ារ៉ា និងNUKHAYBព្រមទាំងបណ្ដាតំបន់ជុំវិញ ហើយនឹងមានគោលដៅវាយប្រហារបណ្ដាទីក្រុងនៅភាគកណ្ដាលនិងភាគខាងជើងអុីរ៉ាក់ ជាមួយប្រតិបត្តិការវាយប្រហារអត្តឃាតជាបុគ្គល។ លោកBAQIR JABR AL ZUBAIDIក៏និយាយដែរថា ក្រុមរដ្ឋអ៊ិស្លាមប៉ុនប៉ងដណ្ដើមយកមួយផ្នែកនៃទ្វីបអាហ្វ្រិក ដោយធ្វើការវាយប្រហារប្រឆាំងអេហ្សុីបនិងទុយនីស៊ី ចេញពីលីប៊ី។
ការលាតត្រដាងនេះកើតមានប៉ុន្មានថ្ងៃ ក្រោយពីក្រុមរដ្ឋអ៊ិស្លាមនៅលីប៊ីចេញផ្សាយវីដេអូមួយ បង្ហាញពីជនប្រដាប់អាវុធរបស់គេប្រមាណជា៦០នាក់នៅលីប៊ី៕ (កែសម្រួលដោយ ៖ បុប្ផា)
ចែករំលែកព័តមាននេះ