អាមេរិក៖ ប្រធានាធិបតីអាមេរិក លោក Donald Trump បានបញ្ជាឱ្យស៊ើបអង្កេតចំពោះក្រុមហ៊ុនបារាំងដែលមានគម្រោងយកពន្ធលើក្រុមហ៊ុនយក្សខាងបច្ចេកវិទ្យា ។ ការប្រែប្រួលនេះ អាចនឹងធ្វើឱ្យមានសងសឹកលើពន្ធនាំចេញ-នាំចូលទំនិញ ។
អ្នកតំណាងផ្នែកពាណិជ្ជកម្មរបស់លោកបាននិយាយថា សហរដ្ឋអាមេរិកមានការព្រួយបារម្ភយ៉ាងខ្លាំង ដែលពន្ធនេះអាចសំដៅដល់ក្រុមហ៊ុនអាមេរិកដោយមានភាពអយុត្តិធម៌។
នៅថ្ងៃព្រហស្បត៍ សភាបារាំងគ្រោងនឹងអនុម័តប្រាក់ពន្ធចំនួន ៣% លើប្រាក់ចំណូលរបស់ក្រុមហ៊ុនទាំងនោះនៅក្នុងប្រទេសដូចជា Google និង Facebook ។ ប្រទេសបារាំងបានអះអាងថា ក្រុមហ៊ុនទាំងនេះបច្ចុប្បន្នកំពុងកេងប្រវ័ញ្ចលើពន្ធអាករ ។
ក្រុមហ៊ុនយក្សខាងបច្ចេកវិទ្យាអាចនឹងកំណត់ទីស្នាក់ការកណ្តាលរបស់ខ្លួននៅក្នុងប្រទេសដែលយកពន្ធទាប ដែលពួកគេបានប្រកាសពីប្រាក់ចំណេញភាគច្រើនរបស់ពួកគេ ហើយវាអាចជួយកាត់បន្ថយការបង់ពន្ធរបស់ពួកគេបាន។
ពន្ធថ្មីនេះអាចត្រូវអនុវត្តតាំងដើមឆ្នាំ២០១៩ ហើយត្រូវបានគេរំពឹងថា នឹងកើនឡើងប្រហែល ៤០០ លានអឺរ៉ូ (ប្រមាណ ៤៥០ លានដុល្លារ ឬ ៣៦០ លានផោន) នៅឆ្នាំនេះតែម្តង ។ ក្រុមហ៊ុនឌីជីថលណាដែលមានប្រាក់ចំណូលលើសពី៧៥០លានអឺរ៉ូ ឬយ៉ាងហោចណាស់២៥លានអឺរ៉ូ នឹងត្រូវបង់ពន្ធ ។
សេចក្តីថ្លែងការណ៍របស់អ្នកតំណាងពាណិជ្ជកម្មលោក Robert Lighthizer បាននិយាយថា «[លោក Trump] បានដឹកនាំឱ្យយើងស៊ើបអង្កេតពីផលប៉ះពាល់នៃច្បាប់នេះ ហើយកំណត់ថាតើវាជាការរើសអើង ឬមិនសមហេតុផល និងជាបន្ទុកឬជាការដាក់កំហិត លើការធ្វើពាណិជ្ជកម្មរបស់សហរដ្ឋអាមេរិក»។
ការស៊ើបអង្កេតរបស់អាមេរិកអាចត្រួសត្រាយផ្លូវសម្រាប់ពន្ធគយដែលត្រូវបានដាក់ទណ្ឌកម្ម ដែលលោក Trump បានធ្វើជាច្រើនលើកចាប់តាំងពីបានចូលកាន់តំណែងមកនោះ ។ ការស៊ើបអង្កេតពីលើកមុន ធ្វើឡើងដោយក្រុងវ៉ាស៊ីនតោន ដែលបានគ្របដណ្តប់លើការអនុវត្តពាណិជ្ជកម្មសហភាពអឺរ៉ុប និងចិន។
ការស៊ើបអង្កេតចុងក្រោយបំផុតត្រូវបានស្វាគមន៍ដោយប្រធានគណៈកម្មាធិការហិរញ្ញវត្ថុនៃព្រឹទ្ធសភាគណបក្សសាធារណរដ្ឋ លោក Chuck Grassley និងសមាជិកព្រឹទ្ធសភា Ron Wyden ដែលជាអ្នកប្រជាធិបតេយ្យជាន់ខ្ពស់ ។
ពួកគេបាននិយាយក្នុងសេចក្តីថ្លែងការណ៍រួមមួយថា៖ «ពន្ធលើសេវាកម្មឌីជីថលដែលប្រទេសបារាំង និងបណ្តាប្រទេសអឺរ៉ុបដទៃទៀតកំពុងបន្ត គឺជាការការពារយ៉ាងច្បាស់លាស់ និងជាការកំណត់ដោយអយុត្តិធម៌លើក្រុមហ៊ុនអាមេរិក ក្នុងរបៀបមួយដែលនឹងធ្វើឱ្យប៉ះពាល់ដល់ការងារអាមេរិក និងធ្វើឱ្យមានហានិភ័យដល់ពលករអាមេរិក» ៕
ប្រភព៖ bbc , កែសម្រួលដោយ ៖ សំណាង
ចែករំលែកព័តមាននេះ