រាជធានីភ្នំពេញ ៖ រដ្ឋមន្ត្រីក្រសួងការងារ និងបណ្តុះបណ្តាលបានស្នើក្រុមការងារបច្ចេកទេសចម្រុះបន្តពង្រឹងគុណភាពវិស័យ TVET បន្ថែម ដើម្បីឆ្លើយតបតម្រូវការទីផ្សារការងារដល់យុវជន ។ ក្នុងកិច្ចប្រជុំក្រុមការងារបច្ចេកទេសចម្រុះសម្រាប់វិស័យអប់រំបណ្តុះបណ្តាល បច្ចេកទេស និងវិជ្ជាជីវៈ (TWG on TVET) កាលពីថ្ងៃទី៤ ខែកក្កដានេះទីស្តីការក្រសួង ។
លោក អ៊ិត សំ ហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមការងារបច្ចេកទេស ចម្រុះ សម្រាប់វិស័យអប់រំបណ្តុះបណ្តាលបច្ចេកទេស និងវិជ្ជាជីវៈ (TWG-TVET) បានស្នើឱ្យក្រុមការងារបច្ចេកទេសចម្រុះ សម្រាប់វិស័យអប់រំប ណ្តុះបណ្តាលបច្ចេកទេស និងវិជ្ជាជីវៈបន្ ពង្រឹងគុណភាពការអប់រំបណ្តុះបណ្តាលបច្ចេក ទេស និងវិជ្ជាជីវៈ ដើម្បី ឆ្លើយតបនឹងតម្រូវការទីផ្សារការងារនាពេលបច្ចុប្បន្ននេះ។
លោក អ៊ិត សំហេង បានលើកឡើងថា ក្រសួងក៏បានសម្រេចនូវលទ្ធផលសំខាន់ៗ មួយចំនួនរួមមាន ៖ បានរៀបចំ និងអនុវត្តគោលនយោបាយជាតិស្តីពីការអប់រំ បណ្តុះប ណ្តាល បច្ចេកទេស និងវិជ្ជាជីវៈ ឆ្នាំ២០១៧-២០២៥ ។ ធ្វើយុទ្ធនាការផ្សព្វផ្សាយបង្កើន ការយល់ដឹង អំពីសារៈសំខាន់នៃការអប់រំបណ្តុះបណ្តាលបច្ចេកទេស និងវិជ្ជាជីវៈ និងការតម្រង់ទិស វិជ្ជាជីវៈទាំងថ្នាក់ជាតិ និងក្រោមជាតិ ។
ជាមួយគ្នានោះដែលោករដ្ឋមន្ត្រីក៏បានស្នើដល់អគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈដៃគូអភិវឌ្ឍន៍ និងភាគីពាក់ព័ន្ធត្រូវរួមកិច្ចសហប្រតិបត្តិការគ្នាយ៉ាងសកម្ម ដើម្បីសម្រេចគោលដៅសូចនាករតាមដានរួមគ្នា ឆ្នាំ២០១៩-២០២៣ ។
ដើម្បីសម្រេចបាននូវធនធានមនុស្ស ឬកម្លាំងពលកម្មជំនាញប្រកបដោយគុណភាព និងប្រសិទ្ធភាព ឆ្លើយតបនឹងតម្រូវការទីផ្សាការងារលោករដ្ឋមន្ត្រីបានផ្តល់ជាអនុសាសន៍មួយចំនួនរួមមាន ៖ ១-បន្តពង្រឹងគុណភាពការអប់រំបណ្តុះបណ្តាលបច្ចេកទេស និងវិជ្ជាជីវៈ ដើម្បីឆ្លើយតបនឹងតម្រូវការទីផ្សារការងារ ។ ២-បន្តពង្រីកការអប់រំបណ្តុះ បណ្តាលបច្ចេកទេស និងវិជ្ជាជីវៈ ដើម្បីគាំទ្រការអភិវឌ្ឍន៍សេដ្ឋកិច្ច និងសង្គម ។៣-បន្តពង្រឹងភាពជាដៃគូរវាងរដ្ឋ និងឯកជន និងដៃគូនានា ដើម្បីធានានិរន្តរភាពនៃការអប់រំបណ្តុះបណ្តាលបច្ចេកទេស និងវិជ្ ជីវៈ ។ ៤-បន្តលើកកម្ពស់ប្រព័ន្ធអភិបាលកិច្ចវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ។
ចំណែកលោក លោក Simon Junker នាយកប្រតិបត្តិស្តីទីនៃទីភ្នាក់ងារអភិវឌ្ឍន៍ និងសហប្រតិបត្តិការស្វីស (SDC) និងជាអ្នកដឹកនាំសម្របសម្រួលដៃគូអភិវឌ្ឍន៍ក្រុម TWG-TVET បានលើកឡើងថា នាពេលថ្មីៗនេះក្រុមការងារបច្ចេកទេសចម្រុះ សម្រាប់វិស័យអប់ រំបណ្តុះបណ្តាលបច្ចេកទេស និងវិជ្ជាជីវៈបានសម្រេចនូវអាទិភាពដែលមានចែងក្នុងយុទ្ធសាស្ត្រ និងផែនការជាតិតាមវិស័យជាមួយភាគីពាក់ព័ន្ធរួមមាន៖ ដៃគូអភិវឌ្ឍន៍ សង្គមស៊ីវិល និងវិស័យឯកជននានា ក្នុងការអភិវឌ្ឍវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ឱ្ ឆ្លើយតបទៅនឹងសេចក្តីត្រូវការរបស់សង្គមសេដ្ឋកិច្ច នាពេលបច្ចុប្បន្ន និងទៅអនាគតនៅកម្ពុជា ៕ កែសម្រួលដោយ ៖សុឃាក់
ចែករំលែកព័តមាននេះ