រាជធានីភ្នំពេញ ៖ ការសាងសង់សួនសូឡាមួយនៅក្នុងទឹកដីខេត្តកំពង់ឆ្នាំជិតឈានដល់ការបញ្ចប់ហើយ និងជួយផ្តល់នូវអគ្គិសនីទៀតទាត់ដល់ប្រជាពលរដ្ឋដល់ទៅ១៤០០គ្រួសារក្នុងភូមិចំនួន៧ ជាមួយនឹងតម្លៃសមរម្យ ។ នេះបើតាមការឲ្យដឹងរបស់ស្ថានទូតអូស្ត្រាលីនៅកម្ពុជា ។ ប្រភពដដែលបានបញ្ជាក់ថា ក្រោមកិច្ចគាំទ្រដល់ការផ្តួចផ្តើមរបស់រាជរដ្ឋាភិបាលកម្ពុជា…
រាជធានីភ្នំពេញ ៖ ការសាងសង់សួនសូឡាមួយនៅក្នុងទឹកដីខេត្តកំពង់ឆ្នាំជិតឈានដល់ការបញ្ចប់ហើយ និងជួយផ្តល់នូវអគ្គិសនីទៀតទាត់ដល់ប្រជាពលរដ្ឋដល់ទៅ១៤០០គ្រួសារក្នុងភូមិចំនួន៧ ជាមួយនឹងតម្លៃសមរម្យ ។ នេះបើតាមការឲ្យដឹងរបស់ស្ថានទូតអូស្ត្រាលីនៅកម្ពុជា ។
ប្រភពដដែលបានបញ្ជាក់ថា ក្រោមកិច្ចគាំទ្រដល់ការផ្តួចផ្តើមរបស់រាជរដ្ឋាភិបាលកម្ពុជា ដើម្បីបង្កើនថាមពលកកើតឡើងវិញ ទៅក្នុងការផ្គត់ផ្គង់ថាមពលប្រទេសអូស្ត្រាលី តាមរយៈកម្មវិធីវិនិយោគក្នុងវិស័យហេដ្ឋារចនាសម្ព័ន្ធ (3i) ដែលត្រូវបានអនុវត្តដោយក្រុមហ៊ុនភើឡេឌៀម បានចូលរួមវិនិយោគនៅក្នុងសួនសូឡាខ្នាតតូចក្នុងស្រុកនៅខេត្តកំពង់ធំនេះ គឺដើម្បីទាញផលចំណេញឲ្យបានច្រើនពីវិនិយោគទុនឯកជននៅក្នុងការអនុវត្តគម្រោងដ៏សំខាន់នេះ ។ «សួនសូឡានេះនឹងដើរទន្ទឹមគ្នាជាមួយប្រព័ន្ធដែលប្រើប្រាស់ម៉ាស៊ីនភ្លើង ដើម្បីផ្តល់អគ្គិសនីទៀងទាត់ និងក្នុងតម្លៃសមរម្យដល់ ១៤០០ គ្រួសារនៅក្នុង៧ភូមិ ។
ការសាងសង់ជិតបញ្ចប់ជាស្ថាពរដែលនឹងអាចចាប់ផ្តើមដំណើរការនៅខែកក្កដា ឆ្នាំ២០១៩ខាងមុខ ។ គម្រោងសូឡានេះនឹងជាឧទាហរណ៍មួយដែលបង្ហាញពីការផ្តល់អគ្គិសនីដោយប្រើប្រាស់ថាមពលកកើតឡើងវិញ នៅទីជនបទដែលមិនមានបណ្តាញអគ្គិសនីជាតិ» ។ នេះបើយោងតាមប្រភពព័ត៌មានពីស្ថានទូតអូស្ត្រាលីនៅកម្ពុជា ។ គម្រោងនេះក៏នឹងដើរតួរជាការសិក្សាមួយ ដើម្បីផ្តល់ធាតុចូលដ៏សំខាន់ដល់ផែនការមេសម្រាប់ថាមពលកកើតឡើងវិញ ដែលកំពុងត្រូវបានរៀបចំដោយក្រុមការងារបច្ចេកទេសថាមពលកកើតឡើងវិញ អន្តរស្ថាប័ន ដែលស្ថិតនៅក្រោមក្រសួងរ៉ែ និងថាមពល និងដែលត្រូវបានសម្របសម្រួលដោយកម្មវិធី 3i ៕ កែសម្រួលដោយ ៖ សុឃាក់
ចែករំលែកព័តមាននេះ