តាមប្រភពពី Shanghaiistបានឱ្យដឹងថា គ្រោងឆ្អឹងមួយត្រូវបានគេរកឃើញនៅក្រោមតារាងបាល់ទាត់ក្នុងសាលាមួយ នាខេត្ត Hunan ដែលត្រូវបានគេសង្ស័យថា ជារបស់បុគ្គលិកម្នាក់របស់សាលា ដែលបានបាត់ខ្លួនគួរឱ្យចម្លែកកាលពី១៦ឆ្នាំមុន។ លោក Deng…
តាមប្រភពពី Shanghaiistបានឱ្យដឹងថា គ្រោងឆ្អឹងមួយត្រូវបានគេរកឃើញនៅក្រោមតារាងបាល់ទាត់ក្នុងសាលាមួយ នាខេត្ត Hunan ដែលត្រូវបានគេសង្ស័យថា ជារបស់បុគ្គលិកម្នាក់របស់សាលា ដែលបានបាត់ខ្លួនគួរឱ្យចម្លែកកាលពី១៦ឆ្នាំមុន។
លោក Deng Shiping ត្រូវបានគេឃើញជាលើកចុងក្រោយ កាលពីឆ្នាំ២០០៣។ កាលនោះ គាត់គឺជាកម្មករជួសជុលថែទាំនៅក្នុងសាលាលេខមួយ Xinhuang ក្នុងក្រុង Huaihai ហើយតែងតែធ្វើការនៅតារាងបាល់។
តាមសម្តីបងប្រុសរបស់លោក Deng បានឱ្យដឹងថា គាត់មិនពេញចិត្តនឹងគុណភាពដែលសង់ដោយក្រុមហ៊ុននោះទេ ហើយគាត់ក៏បានបដិសេធមិនចុះហត្ថលេខាលើឯកសារមួយចំនួន ។ ក្រោយមក ស្រាប់តែបាត់ខ្លួនតែម្តង។ នៅពេលនេះ អតីតនាយកសាលា និងបុគ្គលិក១០នាក់ទៀត ត្រូវបានប៉ូលិសចាប់យកទៅសួរចម្លើយ ខណៈកំពុងធ្វើការស៊ើបអង្កេតបន្ថែមលើករណីនេះ ។ (សម្រួល៖ ដោយស្រីណា)
ចែករំលែកព័តមាននេះ