ខេត្តឧត្តរមានជ័យ ៖ មីនតោនមួយគ្រាប់បានផ្ទុះឡើងយ៉ាងក្រក្រើកដី បណ្តាលឱ្យអាប៊ុលឈូសដីដាច់ច្រវាក់ម្ខាង ខណៈកំពុងតែបើកបរឈួសឆាយដីចំការ កាលពីវេលាម៉ោង១១ព្រឹកថ្ងៃទី២៣ មិថុនា ២០១៩ នៅចំណុចអូរហាសិម ស្ថិតក្នុងភូមិប្រាសាទក្រហម ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។
តាមប្រភពពីប៉ូលិសបានឱ្យដឹងថា មុនពេលកើតហេតុ គ្រឿងចក្រអាប៊ុលឈូសដីមួយគ្រឿងបើកបរដោយឈ្មោះ ដួង គា ភេទប្រុស អាយុ៣៧ឆ្នាំ មានទីលំនៅភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ បានបើកអាប៊ុលឈូសឆាយដីចំការថ្មី ពុំដែលបានធ្វើពីមុនមកទេ ស្រាប់តែកិនចំមីនតោន បណ្តាលអោយផ្ទុះរងការខូចខាតដាច់ច្រវាក់អាប៊ុលឈូសដីផ្នែកខាងស្តាំ សំណាងល្អអ្នកបើកបរពុំមានរងរបួសឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ