ខេត្តព្រះសីហនុ ៖ សេចក្តីរាយការណ៍បឋមបានឲ្យដឹងថា កាលពីព្រឹកថ្ងៃទី២៦ ខែឧសភា ឆ្នាំ២០១៩ មានប្រជាពលរដ្ឋកាយដី ដើម្បីសាងសង់ផ្ទះ ស្រាប់តែប្រទះឃើញកេះមួយមានដាក់អាវុធខ្លី២ដើម និងគ្រាប់មួយចំនួន…
ខេត្តព្រះសីហនុ ៖ សេចក្តីរាយការណ៍បឋមបានឲ្យដឹងថា កាលពីព្រឹកថ្ងៃទី២៦ ខែឧសភា ឆ្នាំ២០១៩ មានប្រជាពលរដ្ឋកាយដី ដើម្បីសាងសង់ផ្ទះ ស្រាប់តែប្រទះឃើញកេះមួយមានដាក់អាវុធខ្លី២ដើម និងគ្រាប់មួយចំនួន ស្ថិតនៅដីឡូត៌ភូមិ៣ សង្កាត់២ ក្រុង-ខេត្តព្រះសីហនុ ។
សេចក្តីរាយការណ៍បានបន្តថា ភ្លាមនោះកម្លាំងសមត្ថកិច្ចនគរបាលជំនាញបានចុះទៅដល់ទីតាំងដូចខាងលើ និងបានពិនិត្យឃើញមានអាវុធខ្លី២ដើម ១-ដើមម៉ាក K.៥៤ (គុណភាព៧០រយ) បង់១ និងគ្រាប់ចំនួន៣៤គ្រាប់ ។ ២- អាវុធខ្លីម៉ាកប៉េអាកុល១ដើម (គុណភាព៧០រយ) បង់១ និងគ្រាប់ចំនួន១៣គ្រាប់ ក្នុងនោះមានបង់កាំភ្លើងអឹមសីចំនួន៥បង់ (គ្មានគ្រាប់) ។
ដោយឡែកអាវុធខ្លី២ដើម គ្រាប់មួយចំនួន និងបង់កាំភ្លើងទាំងអស់នោះត្រូវបានប្រជាពលរដ្ឋប្រគល់ជូនទៅសមត្ថកិច្ច ដើម្បីរក្សាទុករកម្ចាស់ឲ្យទទួលខុសត្រូវចំពោះមុខច្បាប់ ។ ចំណែកករណីខាងលើនេះគេសង្ឃឹមថា លោកស្នងការជំនាញព្រហ្មទណ្ឌខេត្តព្រះសីហនុពិតជា និងត្រូវវែកមុខម្ចាស់អាវុធនោះជាក់ជាមិនខាន ៕ កែសម្រួលដោយ៖សុឃាក់
ចែករំលែកព័តមាននេះ