បើទោះជាតារាសម្ដែងមួយចំនួនបានធ្វើការក្នុងវិស័យសិល្បៈជាច្រើនឆ្នាំមកហើយក្ដី តែអ្នកមួយចំនួនដែលជាតារាកំពូលៗមិនធ្លាប់បានសម្ដែងជាដៃគូតួឯកជាមួយគ្នានោះទេ ដែលក្នុងនោះមានតារាៗបីគូដែលអ្នកគាំទ្រចង់ឱ្យសម្ដែងជាតួឯកជាមួយគ្នាមានដូចជា ៖ 1/. ណៈដេត គុហ្គិមិយ៉ៈ និង ប៊ែលឡា រ៉ានី…
បើទោះជាតារាសម្ដែងមួយចំនួនបានធ្វើការក្នុងវិស័យសិល្បៈជាច្រើនឆ្នាំមកហើយក្ដី តែអ្នកមួយចំនួនដែលជាតារាកំពូលៗមិនធ្លាប់បានសម្ដែងជាដៃគូតួឯកជាមួយគ្នានោះទេ ដែលក្នុងនោះមានតារាៗបីគូដែលអ្នកគាំទ្រចង់ឱ្យសម្ដែងជាតួឯកជាមួយគ្នាមានដូចជា ៖
1/. ណៈដេត គុហ្គិមិយ៉ៈ និង ប៊ែលឡា រ៉ានី ឬក៏ មិនត៍ ឆាលីដា
ណៈដេត គុគិមិយ៉ៈ និង ប៊ែលឡា រ៉ានី គឺជាតារាសម្ដែងលំដាប់កំពូលៗរបស់ទូរទស្សន៍ប៉ុស្តិ៍លេខ ៣ ថៃ ប៉ុន្តែពួកគេមិនដែលធ្លាប់បានសម្ដែងជាតួឯកនឹងគ្នាក្នុងខ្សែភាពយន្តភាគនោះទេ ។ អ្នកគាំទ្រក៏ចង់ឃើញ ណៈដេត គុគិមិយ៉ៈ សម្ដែងជាមួយនឹង មិនត៍ ឆាលីដា ក្នុងខ្សែភាពយន្តភាគផងដែរ ។
2/. យ៉ាយ៉ា អ៊ុរ៉ាសាយ៉ា និង ប៉ូប ថាណាវ័ត ឬក៏ ណាញ ណៈផ័ត
ប៉ូប ថាណាវ័ត និង យ៉ាយ៉ា អ៊ុរ៉ាសាយ៉ា ធ្លាប់បានសម្ដែងរឿងជាមួយគ្នាពីរដងមកហើយ គឺរឿង «តៈវ៉ាន់ដឿត (ព្រះអាទិត្យក្ដៅ)» និងរឿង «ហ្គេមរ៉ាយហ្គេមរ៉ាក់ (ល្បែងស្នេហ៍ល្បិចកំនាច)» តែទោះជាយ៉ាងណា ពួកគេមិនធ្លាប់ដើរតួជាដៃគូនឹងគ្នានោះទេ ។
ព័ត៌មានបានឱ្យដឹងថា ទូរទស្សន៍ថៃ Broabast Thai Television បានឱ្យពួកគេសម្ដែងនៅក្នុងសាច់រឿងដែលផលិតឡើងវិញ គឺរឿង «ភូយ៉ៃលីក័បណាងម៉ា» ប៉ុន្តែវាមិនទាន់់បានបញ្ជាក់ថា ឱ្យសម្ដែងនៅឡើយទេ ។ ឯអ្នកគាំទ្រមួយចំនួនទៀតវិញក៏បាននិយាយថាពួកគេក៏ចង់ឃើញ យ៉ាយ៉ា អ៊ុរ៉ាសាយ៉ា សម្ដែងរឿងជាគូនឹង ណាញ ណៈផ័ត ផងដែរ ។
3/. ជេមស៍ ជិរ៉ាយុ និង មិវ និថថា
មិវ និថថា ធ្លាប់ធ្វើការជាមួយ ជេមស៍ ជិរ៉ាយុ ក្នុងខ្សែភាពយន្តភាគ «បួងហុង» ប៉ុន្តែនាងបានសម្ដែងជាតួអញ្ជើញប៉ុណ្ណោះ ។ អ្នកគាំទ្រជាច្រើនចង់ឃើញពួកគេសម្ដែងជាតួឯកនឹងគ្នានៅក្នុងខ្សែភាពយន្តភាគថ្មីដែរ ៕
ចែករំលែកព័តមាននេះ