ADផ្ទាំងផ្សព្វផ្សាយពាណិជ្ជកម្ម

Picture

រឿង​ដើម និង​ចុង​… ២​គ្រឿង​ដេញ​បុក​គ្នា មួយ​ហោះ​ទៅ​ទើរ​មាត់ច្រាំង​ផ្អើល​ទន្លេ​បាសាក់

4 ឆ្នាំ មុន
  • ភ្នំពេញ

រាជធានី​ភ្នំពេញ ៖ ជនជាតិ​ចិន​២​ក្រុម​សង្ស័យ​ឈ្លោះប្រកែក​គ្នា​រឿង​ប្រពន្ធដើម និង​ប្រពន្ធចុង បាន​បើក​រថយន្ត​២​គ្រឿង​ដេញ​បុក​គ្នា បណ្តាល​ឲ្យ​រថយន្ត​មួយ​គ្រឿង​ជ្រុល​ទៅ​បុក​របង​ការដ្ឋាន​ហោះ​ធ្លាក់​ទៅ​ទើរ​នៅ​មាត់ច្រាំង​ទន្លេបាសាក់ បង្ក​ឲ្យ​មានការ​ភ្ញាក់ផ្អើល​កាលពី​ម៉ោង​4​និង​30​នាទី​ទៀប​ភ្លឺ​ថ្ងៃ​ទី​17 ខែឧសភា ឆ្នាំ​២០១៩ នៅ​មាត់ច្រាំង​ទន្លេបាសាក់…

រាជធានី​ភ្នំពេញ ៖ ជនជាតិ​ចិន​២​ក្រុម​សង្ស័យ​ឈ្លោះប្រកែក​គ្នា​រឿង​ប្រពន្ធដើម និង​ប្រពន្ធចុង បាន​បើក​រថយន្ត​២​គ្រឿង​ដេញ​បុក​គ្នា បណ្តាល​ឲ្យ​រថយន្ត​មួយ​គ្រឿង​ជ្រុល​ទៅ​បុក​របង​ការដ្ឋាន​ហោះ​ធ្លាក់​ទៅ​ទើរ​នៅ​មាត់ច្រាំង​ទន្លេបាសាក់ បង្ក​ឲ្យ​មានការ​ភ្ញាក់ផ្អើល​កាលពី​ម៉ោង​4​និង​30​នាទី​ទៀប​ភ្លឺ​ថ្ងៃ​ទី​17 ខែឧសភា ឆ្នាំ​២០១៩ នៅ​មាត់ច្រាំង​ទន្លេបាសាក់ តាម​បណ្តោយ​ផ្លូវ​សបិត សង្កាត់​ទន្លេបាសាក់ ខណ្ឌចំការមន​។

រថយន្ត​បង្ក​ម៉ាក MAZADA ពណ៌​ស ពាក់​ស្លាក​លេខ​ភ្នំពេញ 2AY:3139 មាន​ស្រី​ប្រុស​ជា​ជនជាតិ​ចិន​ជិះ​ក្នុង​រថយន្ត​ចំនួន​៤​នាក់ ក្នុង​ស្ថានភាព​ស្រវឹងស្រា​ជោកជាំ ។

តាម​ប្រភព​ពី​ប្រជាពលរដ្ឋ​ដែល​ឃើញ​ហេតុការណ៍​ប្រាប់​ឱ្យ​ដឹង​ថា មុន​កើតហេតុ គឺ​គេ​ឃើញ​រថយន្ដ​បង្ក​ខាង​លើ​បើក​ដេញ​គ្នា​ពីក្រោយ​ជាមួយ​រថយន្ត​មួយ​គ្រឿង​ទៀត​មិន​ចាំ​ម៉ាក សុទ្ធតែ​ជនជាតិ​ចិន​ដូច​គ្នា​ជិះ​ចូល​​ទៅ​សណ្ឋាគារ​សូ​ហ្វី​តែ​ល ហើយ​ឈប់​រថយន្ត​ឈ្លោះប្រកែក​គ្នា​ឡូឡា​ពេញ​សណ្ឋាគារ​ដោយ​និយាយ​ជា​ភាសា​ចិន ប៉ុន្តែ​មាន​អ្នកចេះ​ភាសា​ចិន​បាន​ស្តាប់​ដឹង​ថា ឈ្លោះប្រកែក​គ្នា​រឿង​ប្រពន្ធដើម និង​ប្រពន្ធ​ចុង។

ប្រភព​ដដែល​បន្ត​ថា ភ្លាម​ៗ​នោះ​ខាង​សណ្ឋាគារ​ខ្លាច​រំខាន​ដល់​ភ្ញៀវ​ស្នាក់​នៅ​ក៏​ឲ្យ​សន្តិសុខ​ដេញ​រថយន្ដ​ទាំង​​ពីរ​គ្រឿង​នោះ​ចេញ​ក្រៅ ស្រាប់តែ​រថយន្ដ​មិន​ចាំ​ម៉ាក​នោះ​បើក​រត់​ចេញ​មក​យ៉ាង​លឿន ហើយ​រថយន្ដ​បង្ក​ក៏​ដេញ​ពីក្រោយ​មករ​ហូត​ដល់​ផ្លូវ​ទន្លេបាសាក់​ផ្លូវ​ឡើង​ស្ពាន​ឥ​ន្ធ​នូ​កោះ​ពេជ្រ ថែម​ទាំង​បើកបរ​ក្នុង​ល្បឿន​លឿន​ដូច​ហោះ​ដូច​គ្នា​ទៀត ។

ប្រភព​ដដែល​បន្ត​ទៀត​ថា លុះ​មក​ដល់​កន្លែង​កើតហេតុ​រថយន្ត​មិន​ចាំ​ម៉ាក​បាន​បត់​ឆ្វេង​ចូល​ផ្លូវ​សបិត​ក្នុង​ទិស​ដៅ​ពី​ត្បូង​ទៅ​ជើង​យ៉ាង​លឿន ចំណែក​រថយន្ត​បង្ក​បើក​តាម​ពីក្រោយ ពេល​មក​ដល់​បួង​ចង្កូត​បត់​តាម តែ​បត់​មិន​ទាន់​ក៏​ជ្រុល​ទៅ​បុក​របង​ការដ្ឋាន​ដែល​ហ៊ុម​ដោយ​ស័ង្កសី បណ្តាល​ឲ្យ​ធ្លុះធ្លាយ​ស័ង្កសី និង​បន្ត​ទៅ​បុក​បាក់​ដើម​ក្រខុប​អស់​មួយ​ដើម​ទៀត​ធ្វើ​ឲ្យ​រថយន្ត​ធ្លាក់​ពីលើ​ផ្លូវ​ទៅ​ក្រោម​នៅ​ទើរ​ជាប់មាត់​ច្រាំង​ទន្លេ​បាសាក់ ប៉ុន្តែ​សំណាងល្អ​អ្នកបើកបរ និង​អ្នក​រួម​ដំណើរ​ក្នុង​រថយន្ដ​រង​របួសស្រាល ។

ក្រោយ​កើតហេតុ​ភ្លាម​ៗ ជនជាតិ​ចិន​ប្រុស​ស្រី​ទាំង​4​នាក់​នោះ​បាន​ចេញពី​រថយន្ដ​នាំ​គ្នា​រត់គេច​ខ្លួន​បាត់​ស្រមោល​អស់​ទៅ បន្សល់​ទុក​តែ​រថយន្ត​បង្ក​នៅ​មាត់ច្រាំង​ទន្លេបាសាក់ ទុក​ឱ្យ​សមត្ថកិច្ច​ជំនាញ​ចរា​ចរណ៍​ជួយ​ដោះស្រាយ​ផង ៕

អត្ថបទសរសេរ ដោយ

កែសម្រួលដោយ