តើអ្នកធ្លាប់បានដឹងអ្វីខ្លះពីជំងឺមហារីកពងស្វាស ? តើការកើតមានជំងឺនេះអាចនាំឲ្យអ្នកជំងឺមិនអាចមានកូនមែនដែរឬទេ ? ជំងឺមហារីកពងស្វាសអាចតម្រូវឲ្យមានការព្យាបាលដោយការវះកាត់យកពងស្វាសចេញ។ ក្នុងករណីភាគច្រើន ការវះយកពងស្វាសចេញមិនបង្កឲ្យមានបញ្ហាផ្លូវភេទក្នុងរយៈពេលវែង ឬធ្វើឲ្យអ្នកមិនមានកូនបាននោះទេ ។ ប៉ុន្តែ…
តើអ្នកធ្លាប់បានដឹងអ្វីខ្លះពីជំងឺមហារីកពងស្វាស ? តើការកើតមានជំងឺនេះអាចនាំឲ្យអ្នកជំងឺមិនអាចមានកូនមែនដែរឬទេ ?
ជំងឺមហារីកពងស្វាសអាចតម្រូវឲ្យមានការព្យាបាលដោយការវះកាត់យកពងស្វាសចេញ។ ក្នុងករណីភាគច្រើន ការវះយកពងស្វាសចេញមិនបង្កឲ្យមានបញ្ហាផ្លូវភេទក្នុងរយៈពេលវែង ឬធ្វើឲ្យអ្នកមិនមានកូនបាននោះទេ ។ ប៉ុន្តែ ប្រសិនបើអ្នកមានបញ្ហាទាំងនេះមុនពេលព្យាបាលការវះកាត់ វាអាចនឹងធ្វើឲ្យបញ្ហាដែលមានស្រាប់របស់អ្នកកាន់តែអាក្រក់ ។ ការព្យាបាលផ្សេងទៀតសម្រាប់ជំងឺមហារីកអាចធ្វើឲ្យអ្នកក្លាយជាអារ (មិនអាចមានកូន) បាន ។
អ្នកប្រហែលជាចង់គិតពីការសន្សំមេជីវិតឈ្មោលនៅក្នុងធនាគារមេជីវិត ។ សូមពិភាក្សាជាមួយវេជ្ជបណ្ឌិតរបស់អ្នក ប្រសិនបើអ្នកមានសំណួរ ឬការព្រួយបារម្ភអំពីបញ្ហាផ្លូវភេទ ឬថាតើអ្នកអាចមានកូនបានដែរ ឬទេ ។ បុរសមួយចំនួនជ្រើសរើសវិធីដើម្បីទទួលយកពងស្វាសសិប្បនិមិត្ត ។ គ្រូពេទ្យវះកាត់ដាក់ពងស្វាសសិប្បនិមិត្តនៅក្នុងស្ក្រូតូម ដើម្បីរក្សារូបរាងធម្មជាតិនៃប្រដាប់ភេទ ។
មិនដូចប្រភេទផ្សេងទៀតជាច្រើននៃជំងឺមហារីកទេ ជំងឺមហារីកពងស្វាសភាគច្រើនបានរីកលូតលាស់យឺត និងឆ្លើយតបយ៉ាងល្អទៅនឹងការព្យាបាល ដូចជាការព្យាបាលដោយប្រើសារធាតុគីមី និងការព្យាបាលដោយកាំរស្មី ។ ប៉ុន្តែ ការព្យាបាលទាំងនេះអាចបណ្តាលឲ្យមានផលប៉ះពាល់មួយចំនួន (ប្រភពពី៖ Health.com.kh) ៕
ចែករំលែកព័តមាននេះ